ጽቡቕ ናይ ገዛ ቑጠባ

ቍጠባ

እታ ቍጠባ (ኤኮኖሚ) ትብል ቃል ካብ ናይ ግሪኽ ኦይኮኖሞስ ዝብል ቃል እያ መጺኣ። ኦይኮኖሞስ ምቝጣብ ማለት እዩ። እዚ ነቲ ሃብቲ ኣብቲ ዘድሊ ገደብ ውሽጢ ክትሕዞም ንኽትክእል መደብ ምውጻእ ማለት እዩ። ሃብቲ ኣብዚ ጕዳይ ገንዘብ፡ ኣቕሑት ወይ ካልኦት ርእሰ-ማል ክኸውን ይኽእል እዩ።

ናይ ምዓልታዊ ሂወት ቍጠባ፡ ብዛዕባ ኣብ መንጎ ኣታዊታትን ወጻኢታትን ዘሎ ሚዛን እዩ። ኣታዊታት ንኣብነት ደሞዝን ቍጠባዊ ሓገዝን እዩ። ወጻኢታት ንኣብነት ፋክቱራታትን ገንዘብ ንመሸመቲ ምግቢ፡ ክዳውንቲን ጫማን ዝኸውን እዩ።

ገዛ ቑጠባ 

ናይ ገዛኻ ኣታዊታትን ወጻኢታትን ናትካ ናይ ገዛ ቍጠባ (hushållsekonomi) እዮም። ንጽቡቕ ናይ ገዛ ቑጠባ ኣብ ሞንጎ ወርሓዊ እተእትዎ ገንዘብን፣ እተውጽኦ ገንዘብን ምዕርይነት ክህልወካ ይግባእ።

ቑጠባኻ ንምቑጽጻር ሓደ ቕልል ዝበለ ባጀት ክህልወካ ጽቡቕ እዩ። ንኣታዊታትካን ወጻኢታትን ኣኪብካ ጽሓፎም፣ ነዚ ሓበሬታ እዚ ድማ ንናይ መጻኢት ወርሒ ባጀት ክትምድብ ከለኻ ተጠቐመሉ። ሽዑኡ ነገራት ክንደይ ከም ዝዋግኦምን ክንደይ ክትገዛእ ከም እትኽእልን ክተስተብህል ኢኻ።

ወጻኢታት ሓደ ባጀት ካብ ገዛ ናብ ገዛ ይፈላለ እዩ። ብዓል መዚ ሸመትቲ (Konsumentverket) ዓመታዊ ንኣብ ገዛ ዝርከቡ ገለ ክፋል ወጻኢታት ዝኣኽሉ ዋጋታት ቕማረ ይገብር እዩ። ናይ ገዛእ ርእስኻ ባጀት ክትምድብ ከለኻ ነዞም ኣሃዛት ከም መበገሲ ክትጥቐመሎም ትኽእል ኢኻ። ኣብ መርበብ ሓበሬታ ሃሎ ኮንሱምቨርከት ንናይ ገዛኻ ባጀት ንምቕማር ክትጥቐመሉ እትኽእል ናይ ባጀት ቐማሪ (ካልኩሌተር) ኣሎ።

ወጻኢታትካ ክትቖጻጸር እንተዘይኪኢልካ ገለ ካብ ወጻኢታትካ ክትቑጥቦም ትኽእል እንተ ኾንካ ርአ። ሓደ ሓደ ግዜ ሕስር ዝበለ መተካእታ ብምምራጽ ወጻኢታትካ ከተጉድል ትኽእል ኢኻ። ካልእ ግዜ ድማ ነዊሕ ክጸንሕ ዝኽእል ልዑል ብቕዓት ዘለዎ ነገር ብምምራጽ ገንዘብ ከተዋህልል ትኽእል ኢኻ።

በከፋፋል ወይ ቑልጡፍ ልቓሕ ብምጥቓም ገለ ነገር ክትገዝእ ከለኻ ተጠንቐቕ። ኣብ ክንድኡ ገንዘብ ከተዋህልል ትኽእል እንተኾንካ ሕሰብ። ቑልጡፍ ልቓሕን በከፋፋል ምግዛእን ዝበዝሕ ግዜ ንዋጋ ኣዝዩ ከም ዝኸብር ዝገብርዎ ወለድን ክፍሊታትን ማለት እዮም።

ምንጪ: information om sverige