Harmony Media መሓዛ ተዛረብቲ ቋንቋ ትግርኛ

ኣብ ዓመት 2023፡ ኣብ ዕዳጋ ዝዝውር ትምዩን ኣቕራሽ ዩሮ ወሰኽ ከምዘርኣየ፡ ዛጊት ሰብመዚ 653 ትምዩን ኣቕራሽ ኣብ ዕዳጋ ከምዘለዉ ምልላዮምን ተሓቢሩ። እዚ ካብቲ ኣብ ዝሓለፈ ዓመት ዝተረኽበ 469 ትምዩን ዩሮ ሒደት ወሰኽ ከም እተራእየ ዘመልክት ኮይኑ፥ ትምዩን ገንዘብ ንምእላይ ኣብ ዝግበር ቃልሲ ቀጻኢ ንቕሓት ከምዘሎ ዘርኢ እዩ ተባሂሉ’ሎ። መብዛሕትኦም እቶም ዝተረኽቡ ናይ ሓሶት ኖት ናይ 20 ዩሮ ኮይኖም፡ ብድምር 364 …

ጀርመናዊ ማሕበር ቨርዲ፡ ነቲ ኣብ ኣህጒር ኣውሮጳ ዝዓበየ ቁጠባ ጀርመን ብኣሉታ ዝጸሉ ኣድማ ህዝባዊ መጓዓዝያ ውሽጢ ዓዲ ክካየድ ዝሓለፈ ዓርቢ ጸዊዑ። ኣብ ኩለን ፌደራላዊ ኣውራጃታት ልዝብ ደሞዝ ውጽኢት ዘይብሉ ኮይኑ ስለዝተረኽበ፡ ኣብ ልዕሊ ኣስራሕቲ ዝያዳ ጸቕጢ ዝግበረሉ ግዜ በጺሑ ኣሎ ክትብል ምክትል ፌደራላዊ ኣደ-መንበር ቨርዲ ክርስቲን ቤህለ ትማሊ ሶኑይ ኣብ በርሊን ገሊጻ። ልዕሊ 90 ሽሕ ሰራሕተኛታት፥132 ኣውቶቡሳት፣ ትራምን ኣገልግሎት ገለርያን …

ኣብ ማልሞ ኣኽላባት ንምጉዳእ ዝግበር ፈተነታት ይቕጽል ኣሎ። ዘወርቲ ኣኽበርቲ ጸጥታ ትማሊ ሰኑይ ልዕሊ ሚእቲ ዝኾኑ በሊሕ ቁራጽ ሓጺን እተስጎዶ ባኒ ምርካቦም ድሕሪ ምግላጽ ንዙረት ምስ ከልቦም ዝወጹ ሰባት ከኣ ንቑሓት ክኾኑን ኣጠንቂቖም ኣለዉ። “እዚ ብምግባር ንኣኽላባት ክጎድኡ ወይ ክቐትሉ ዝፍትኑ ሰባት ኣለዉ” ክብል ወሃቢ ቃል ፕረስ ፖሊስ ማልሞ ኒልስ ኖርሊንግ ንሬድዮ ሽወደን ገሊጹ’ሎ።

ኣብ ኢራን ኣብ ልዕሊ ሽወደናዊ ዜጋ ዮሃን ፍሎደረስ ዝተኻየደ መስርሕ ፍርዲ ትማሊ ሰንበት ተዛዚሙ። ኣኽበርቲ ሕጊ ዝለዓለ መቕጻዕቲ ማለት ናይ ሞት ፍርዲ ክብየኖ ይጽዕሩ ኣለዉ። ፍሎደረስ ምስ እስራኤል ኣንጻር ኢራን ውዲት ፈጺሙ ተባሂሉ እዩ ክሲ ቀሪቡሉ። ሚኒስትሪ ጉዳያት ወጻኢ ሽወደን ነቲ ክሲ ብምንጻግ፡ ማእሰርቱ ዘይሕጋዊ ምዃኑን ክፍታሕን ክጽውዕ ምጽንሑ ዝፍለጥ እዩ።

ብዘይሕጋዊ ካብ ሽወደን ናብ ናይጀርያ ዘገልገላ መካይን ኣብ ምልኣኽ ዝተዋፈሩ ብርክት ዝበሉ ሰባት ኣብ ኣህጉራዊ መርበባት ዓሎቕ እውን ከም ዝነጥፉ ተሓቢሩ። ዘገልገላ መካይን ሽወደን ናብቲ ብብዝሒ ዝጥለባሉ ዘለዋ ዕዳጋ ናይጀርያ ንምልኣኽ ዝግበር መስርሓት ክትከታተል ዝጸንሐት ኣገልግሎት ዜና ሬድዮ ሽወደን፥ ብፍላይ ዕብይ ዝበሉ ሰባት ግዳያት እዚ ዕሎቕ ይኾኑ ምህላዎም ኣጣሊላ’ላ። ሓንቲ ካብዞም ግዳያት ዮሃን ኢንግሪድ ብፍቕራዊ ዓሎቕ ሚልዮናት ክሮና ኣብ ልዕሊ …

ቅልውላው ወይ ውግእ እንተተኸሲቱ እንታይ ንግበር ብዝብል እተዳለወ ብሮሹር ኣብዚ ጽድያ ብሓድሽ መልክዕ ናብ ኩለን ስድራቤታት ሽወደን ብፖስታ ክለኣኽ እዩ። ብዘይካዚ ኤጀንሲ ሲቪላዊ ቅድመ ምድላው ሓደጋታት ሽወደን (MSB) ኣብ ዝመጽእ ጥቅምቲ ንኽቐርብ ዝተዳለወ እዋናዊ ፓምፍሌት ኣብ ምስንዳእ ኣሎ ክትብል ኣገልግሎት ዜና ሬድዮ ሽወደን ጸብጺባ’ላ። እቲ ትሕዝቶ ምስቲ ሽወደን ኣባልነት ኔቶ ድሕሪ ምዃና ዝህሉ ልዑል ጸጥታዊ ኩነታት ዝያዳ ብዝሰማማዕ ኣገባብ ዝተዳለወ …

ኣብ ሶርያ ኣብ ወሰን ከተማ ደማስቆ ብዝተፈጸመ መጥቃዕቲ ሓያሎ ሰባት ክሞቱ እንከለዉ ሓያሎ ድማ ምቚሳሎም ይሕብራ’ለዋ። እቲ መጥቃዕቲ ኣብ ሓደ ነቚጣ ሓለዋ ሰውራ ኢራን ከም እተኸስተ ጸብጻባት ይሕብሩ። ኣፈኛ ወተሃደራዊ ሓይሊ እስራኤል ብዛዕባ እቲ ፍንጀራ ብ ማዕከን ዜና ሮይተርስ ምስ ንዝቐረበሉ ሕቶ ርእይቶ ካብ ምሃብ ተቖጢቡ’ሎ። ብተመሳሳሊ ዜና ኣብ ሰሜናዊ ምዕራብ ዮርዳኖስ ብዝተፈጸመ ከቢድ መጥቃዕቲ ሰብ ኣልቦ ነፈርቲ ዝተደብደበ መደበር፡ …

ሕጹይ ፕረዚደንት ሃገራዊ ጥምረት ፊንላንድ ኣሌክሳንደር ስታብ፡ ንፕረዚደንት ሳውሊ ኒኒስቶ ንምትካእ ዓብዪ ተስፋ ከም ዘለዎ ብ YLE ዝተኻየደ ዳህሳስ ርእይቶ ህዝቢ ኣቃሊዑ። ደገፍ ስታብ ካብቲ ዝሓለፈ ወርሒ ብኣርባዕተ ሚእታዊት ብምጒዳል ናብ 27% ወሪዱ’ኳ እንተነበረ፥ ንኻልኣይ ወርሒ ብተኸታታሊ 23% ዘምጽአን ናይ ቀረባ መወዳድርቱን ንዝኾነ ፔካ ሃቪስቶ ቀዲሙ ይርከብ ኣሎ። ጁሲ ሃላ-ኣሆ፡ ኣብ መወዳእታ ምዕራፍ ናይቲ ጎስጓስ ዝያዳ ዕዉት ድፍኢት ከምዝገበረ፡ ተፈታውነቱ …

ገበነኛታትን ኣብቲ ናብ ናይጀርያ ዝካየድ ዘሎ ዘይሕጋዊ ሰደድ መካይን ብድሕሪ መጋረጃ ዝእዝዙ ዘለዉ ሰባትን፡ ኣብ ሽወደን ንዝርከቡ ምዝጉባት ወነንቲ መካይን ብምርካብን መካይኖም ክሸጡ ምድፍፋእን ይቕጽልሉ ምህላዎም፡ ካብዚ ሃሊፎም እውን ካብ ኤጀንሲ መጓዓዝያ ሽወደን ውልቃዊ መረዳእታ ይገዝኡ ከምዘለዉ ኣገልግሎት ዜና ሬድዮ ሽወደን ሓቢሩ። እቲ ሓበሬታ ናብታ ኣፍሪቃዊት ሃገር ኣታዊ ዘለወን ኣረጊት መካይን ረኺብካ ንምስግጋር ይውዕል ምህላው እታ ሬድዮ ኣጣሊላ’ላ።

ኣብ ስርዓተ ቴክኖሎጂ ሓበሬታ ፊንላንዳዊ ትካል Tietoevry ዝተፈጸመ መጥቃዕቲ “ራንሶምዌር” ክሳብ ሕጂ ፍታሕ ዘይምርካቡ፡ ሳዕቤናቱ ድማ ክሳብ ሕጂ ይቕጽል ከም ዘሎ ተፈሊጡ። “ዛጊት ምሉእ ስፍሓቱ ዘይንፈልጦ ከቢድ ጒዳይ ንገጥም ከምዘለና ርዱእ’ዩ” ይብል ሚኒስተር ሲቪል ምክልኻል ካርል-ኦስካር ቦህሊን። እቲ መጥቃዕቲ ምኽንያት ምዕጻው ብዙሓት ኩባንያታትን መንግስታዊ ትካላትን ኮይኑ’ሎ። ሓደ ካብዞም ሃስያ ዝወረዶም ኣሰራርሓታት እቲ ልዕሊ 60 ሽሕ ሰራሕተኛታት መንግስቲ ዝጥቀሙሉ ስርዓተ ዕደላ …