ካብዝን ካብትን

77 ዓመት ዝዕድሚኣ ንግስቲ ሲልቪያ፡ ኣብ ትነብረሉ ገዛ ኢዳ ከምዝተሰብረት ኣብ ገጻት ፌስ ቡክ ናይ ንጉሳዊ ስድራቤት ተሓቢሩ። እቲ መልእኽቲ ከምዝሕብሮ፡ ንግስቲ ሲልቪያ፡ ሎሚ ንግሆ ዕለት 15/02/2021፡ ኣብ ውሽጢ ኣብ ድሮትኒንሆልም ካስል (Drottningholm Castle) ዝርከብ ገዝኣ እናተንቀሳቐሰት እንከላ ሸተት ኢላ ብምውዳቓ፡ ናብ ሆስፒታል ዳንድሪድ ድሕሪ ምውሳድ ኣብ የማናይ ኢዳ መንቃዕቲ ከምዘጋጠመን ብሓካይም ናይቲ ሆስፒታል ተሓኪማ፡ ናብ ቤታ ከምተመልሰትን ተሓቢሩ።

ሓደ ናይ ግብጽን-ኣመሪካን ጉጅለ ኣብ ኣቢዶስ ዝተባህለ ግብጻዊ ምድረበዳ ኣርኪዮሎጂ ጥንታዊ መጽሞቒ ቢራ ብኹዕታ ምርካቦም ተገሊጹ። ኣብዚ ጥንታዊ ሰፈራ 40 ዝኾኑ ጥረምረታት ተሓዋዊሶም ዝፈልሑሉን ቢራ ተጸሚቑ ዝዕሸገሎምን ኣሃዱታት ረኺቦም ኣለዉ። እዚ ጥንታዊ መጽሞቕ ቢራ ኣብ ዘመነ ንጉስ ናርመር ዝነበረ ከይኮነ ኣይተርፍን ምባሎም ላዕለዋይ ቈንስል ጥንታዊ ሓድጊታት ብምጥቃስ ቢቢሲ ሓቢሩ። ዛጊት ኣብ ዓለም ካብ እተረኽቡ መጽሞቕ ቢራታት እቲ ዝጠንተወ፡ምዃኑ እውን ተመልኪቱ። …

ጓል 31 ዓመት ስዑዳዊት ኣክቲቪስት ሰብኣዊ መሰላት ሉጃይን ኣልሓጥሉ ካብ 2018 ንደሓር ብመንግስቲ ስዑዲያ ተኣሲራ ድሕሪ ምጽናሕ ከም እተፈትሐት ስድራቤታ ብረቡዕ ገሊጾም። ሓጥሉል ኣብ 2013 እያ ስማ ክገንን ጀሚሩ። ንሳ ኣብ ስዑዲ ዓረብ ደቀንስትዮ መክና ናይ ምምራሕ መሰለን ክኽበር ክትንቀሳቐስ ጀሚራ። ኣብ 2014 ኣብ ዶብ ስዑዲን ኢማራትን መኪና እናዘወረት ስለ እተረኽበት ናብ ማሕቡስ ወሪዳ 73 መዓልታት ምሕላፋን እዚ ተመኲሮ ድማ …

ካብቶም ብሰንኪ ግብረ ሽበራ ቦኮሓራም ካብ መረበቶም እተመዛሉ 103 ሽሕ ናይጀርያውያን እቶም 5 ሽሕ ናብ ዓዶም ክምለሱ ፍቓደኛታት ምዃኖም ካሜሮን ገሊጻ። ሰብመዚ ክልቲኣተን ሃገራት ማለት ናይጀርያን ካሜሮንን ብዝበጽሕዎ ስምምዕ መሰረት ናይጀርያ እዞም ተመዛበልቲ ናብ ንቡር ህይወት ክምለሱን ጸጥታኦም ንምውሓስን ተሰማሚዓ ኣላ። እቲ ምፍናው እዞም ተመዛበልቲ ኣብ 27 ለካቲት ክፍጸም ምዃኑ ካሜሩን ገሊጻ’ላ። እዞም ዝበዝሑ ካብ ዞባ ቦርኖ ከም እተመዛበሉ ዝንገረሎም …

ኣብ ጊኒ ድሕሪ 2016 ዛጊት ኣርባዕተ ሰባት ብሕማም ኢቦላ ምሟቶም ሚኒስተር ጥዕና እታ ሃገር ብቐዳም ኣፍሊጡ። ሚኒስተር ሬሚ ሌማህ ን ኣጃንስ ፍራንዝ ፕረዝ ኣብ ዝሃቦ ቃል በዞም ዝሰዓቡ ሞት ዘለዎ ሻቕላ ገሊጹ’ሎ። ሓንቲ ካብዞም ግዳያት ኣብ ወርሓ ጥሪ ዝሓመመት ነርስ ምዃናን ኣብ ለካቲት ከም እተቐብረትን ሓላፊ ወኪል ጸጥታ ጥዕና እታ ሃገር ሳኮባ ኬይታ ን መራኸቢ ውሽጢ ሃገር ኣብ ዝሃቦ ቃል …

ወዲ 17 ዓመት ዳርዬስ ጃክሰን ተሌቪዥን እናተዓዘበ ጓል 22 ዓመት ኣማንዳ ጎርማን ነታ እንድይቦ ጎቦ ዘርእስታ ኣብ ግጥማ ኣብ እዋን ምርካብ ስልጣን ጆ ባይደን ክትነባ ምስ ሰምዐ ብሓይሊ ቃላት እዛ ጸላም ኣመሪካዊት ኣመና ተዓዘመ። እዚ ኣብ ቪዥዋል ኣንድ ፐርፎርሚንግ ኣርትስ ስኩል ኣብ ግዝኣት ሴት ልዊስ ሚዙሪ ዝቕመጥ መንእሰይ ጃክሰን ” ታሪኻዊት” እዋን ምንባራ ይጠቅስ። እዛ ግጥሚ ጎርማን ብቴሌቪዥን ካብ እተመሓለላፍ …

እቲ ንሱዳን ንልዕሊ ሰላሳ ዓመታት ዝመርሐ መንግስቲ ኣልበሽር ብምፍራሱ ሱዳናውያን ዓብዪ ሓጎስ እኳ እንተተስምዖም እዚ ዴሞክራስያዊ ሰውራ ገለ በዳህቲ ክርክራት ይገጥሞ ምህላዉ ተገሊጹ። ካብዚ እቲ ቀንዲ እንታይ ዓይነት ስርዓተ ትምህርቲ ኣብ ሱዳን ይተኸል ዝብል ኮይኑ ዛጊት ብፍላይ ካብ ሃይማኖተኛታት እታ ሃገር ከቢድ ብድሆን ክትዕን ይገጥሞ ኣሎ። ዝሓለፈ ሰሙን ሓደ ደጋፊ ኣልበሽብር ምዃኑ ዝፍለጥ ኢማም ኣብ ሰላት ኣጁምዓ ኣብ ካርቱም ንሰገድቲ …

ብብሕታ ኣብ ጋዜጠኝነት እትነጥፍ ሉሲ ካሳ ኣብታ ኣብ ርእሰ ከተማ ኢትዮጵያ ኣዲስ ኣበባ ዝርከብ መንበሪኣ እናሰርሐት ሰኑይ መዓልቲ ቤታ ከም እተዃሕኲሐ ትገልጽ። “ማዕጾ ምስ ከፈትኩዎ ሰለስተ ሰብኡት ብሓይሊ ደፊኦምኒ ንቤተይ ኣትዮም” ክትብል ሉሲ ን ቪኦኤ ገሊጻ። “መን ምዃኖም ወይ ካበይ ከም እተላእኩ ኣይገለጹን፥ ዝኾነ መለለዪ ወረቐት ወይ ናይ ቤት ፍርዲ ፍቓድ መፈተሺ እውን ኣየርኣዩንን..ብቕጽበት ቤተይ ምፍታሽ ጀሚሮም” ድማ ትብል። እዞም …

ሚኒስተር ጒዳያት ወጻኢ ኣመሪካ ኣንቶኒ ብሊንከን ብዓርቢ ኣብ ዝሃቦ መግለጺ ሃገሩ ነቲ ምንቅስቓስ ሑቲ ግብረሽበራዊ እዩ ዝብል ፖሊሲ ክትቅይሮ ምዃና ኣፍሊጡ። እዚ ፖሊሲ ካብ 16 ለካቲት ጀሚሩ ኣብ ኲሎም ጽፍሕታት ፖሊሲ ጒዳያት ወጻኢ ኣመሪካ ተግባራዊ ክኸውን እዩ ድማ ኢሉ። “እዚ ውሳነ ኣካል ናይቲ ኣብ የመን ዘሎ ሰብኣዊ ቅልውላው ኣፍልጦ ናህ ምሃብ መስርሕ እዩ” ክብል እውን ብሊንከን ኣረጋጊጹ። እዚ ፖሊሲ ነቲ …