ዜና ቀዳመ ሰንበት

ሰለስተ ተመራመርቲ ዓውዲ “ፊዚክስ”፡ ብሓባር ተዓወትቲ ሽልማት ኖቤል እዚ ዓመት ኮይኖም ኣለዉ። እዞም ተመራመርቲ ኣብቲ “ዝተጠናነገ ኲነታት ኳንተም” እናተባህለ ዝጽዋዕ ባህርያዊ ክስተት ብዝገበርዎ ኣበርክቶ እዮም ነዚ ሽልማት በቒዖም ዘለዉ። እዞም ተዓወትቲ ፈረንሳዊ ኣሌይን ኣስፐክት፡ ኣመሪካዊ ጆን ኤፍ ክሎስተር፡ ከምኡ’ውን ኣንቷን ዘይሊንገር ካብ ሃገረ ኦስትርያ ኮይኖም፡ ብጠቕላላ 10 ሚልዮን ክሮና ኖርወይ (ኣስታት 957 ሽሕ ዶላር) ክሽለሙ እዮም። ኣብ ዩኒቨርሲቲ ቴክኖሎጂ መምህር …

ሓደ ሰብኣይ ወዲ ሓብቱ ጎነጽ እናወረዶ ዘርኢ ቪድዮ ብምዝርግሑ ተኸሲሱ። እዚ እናኾነ ብዙሓት ሰባት ናይ ጎነጽ ቪድዮታት ምዝርጋሕ ገበን ምዃኑ ከም ዘይፈልጡ ፖሊስ ገሊጾም ኣለዉ። “እዚ ዓንቀጽ 267a ገበናዊ ሕጊ ዝግህስ ተግባር ብምዃኑ፡ ኣብ ትሕቲ መርመራ እዩ ዝርከብ ዘሎ” ክብል ጠበቓ ፖሊስ ወረዳ ደቡባዊ ምዕራብ ኖርወይ ሲልየ ጉድመስታድ ጃሰን፡ ን ጋዜጣ ስታቫንገር ኣፍቶንብላዴት ኣብ ዝሃቦ ሓበሬታ ኣመልኪቱ’ሎ። እዚ ዓንቀጽ ገበናዊ …

ኣብዚ ቀዳመ ሰንበት፡ ኣብ ሶደርታልየ ክልተ ሰባት ብጥይት ከም እተቐትሉ ሬድዮ ሽወደን ጸብጺባ። ብዓርቢ ወዲ 19 ዓመት ኮተቴ ክቕተል እንከሎ፡ ድሕሪኡ 24 ሰዓታት ጸኒሑ ወዲ 40 ዓመት ሰብኣይ ተቐቲሉ ከም እተረኽበ ዝገለጸት እታ ሬድዮ፡ ምስቲ ብዓርቢ እተፈጸመ ቅትለት ብእተተሓሓዘ ኣርባዕተ ሰባት ተታሒዞም ምህላዎም ወሲኻ ኣመልኪታ። ነዞም ክልተ ግዳያት መጥቃዕቲ ሓዊስካ፡ ኣብ ሶደርታልየ ኣብዚ ዓመት ጥራይ 50 ሰባት ተቐቲሎም ኣለዉ።

ሽወደናዊ ሳየንሰኛ ስቫንት ፓቦ፡ ናይዚ ዓመት ተሸላሚ ኖቤል ዓውዲ ፊዝዮሎጂ ወይ መዲሲን ምዃኑ ተፈሊጡ።. 67 ዝዕድሜኡ ተቐማጢ ስቶክሆልም ፓቦ፡ "ን ሕነተ-ሰረት (“ጂኖም”) ጻንታ ዓሌተ ሰብእ ከምኡ’ውን ዘገምታዊ ፍልቀት ወዲሰብ ኣመልኪቱ ብዝገበሮ ኣገዳሲ ሳየንሳዊ ኣበርክቶ እዩ ነዚ ሽልማት በቒዑ ዘሎ። ንሱ ብፍላይ ኣብ ጻንታ ዓሌት ወዲሰብ ዝኾነ “ኒያንደርታል” ምሉእ መሳርዕ “ጂኖም” ኣብ ልዕሊ ምክያዱ፡ ደኒሶቫንስ ዝተባህለ ዝጸነተ ዓሌት ሰብእ እውን ምድህሳሱ …

ልዕሊ 20% ካብቲ ኤጀንሲ ማሕበራዊ ድሕነት ዝፈጸሞ ናይ መልዕሎ ክፍሊታት ብጌጋ ዝተገብረ ምኹኑ ተገሊጹ። ዝበዝሐ እዋን ሰራሕተኛ እዚ ትካል ግጒይ ሓበሬታ ብምትሕልላፍ ናይ ዝንቀሳቐስ ወይ ለውጢ ኣታዊ ንዝገበረ ሰብ መሰል መልዕሎ ክጽሎ ከም ዝገብር እቲ ሓበሬታ ኣመልኪቱ። “ነፍስ ወከፍ እንፍጽሞ ጌጋታት፡ ንውልቀ-ሰብን ሃገርን ጸገም የስዕብ ምህላዉ ንግንዘብ ኢና” ክብል ኣብቲ ኤጀንሲ ሓላፊ ስርሒታት ፍረደሪክ ፋልክ ገሊጹ’ሎ።

ኣብ ምጅማር ናይዚ ሰሙን፡ ኣብ “ኖርድ ስትሪም” ብሰንኪ እተኸስተ ምፍንጃር መትረብ ጋዝ፡ ኣስታት 500 ሜትሮ ዝንውሓቱ ገመድ ኤለትሪክ ዓንዩ ክኸውን ከም ዝኽእል፡ መፍረ ጸዓት ሽወደን ዝቈጻጸር በዓልመዚ “ስቨንስካ ክራፍትናት” ንህዝባዊ ኣገልግሎት TV ስቨሪገስ ኣፍሊጡ። “ስቨንስካ ክራፍትናት” ከምኡ’ውን ፖላንዳዊ መዘናኡን ነቲ “መራኸቢ ስወፖል” ተባሂሉ ዝጽዋዕ ገመድ ኤለትሪክ ዕንወት በጺሕዎ ኣሎዶ ንምርግጋጽ ክኢላታት ጸዊዖም ኣለዉ። እዚ መራኸቢ ገመድ፡ ኤለትሪክ ንምስዳድን ንምሽማትን ዝውዕል …

ካብተን ሸሞንተ ሰልፊታት ባይቶ እተን ሓሙሽተ፡ ሽወደን ኣብነት ፊንላንድ ብምስዓብ ንበጻሕቲ ሩስያ ዶባታ ክትዓጹ TV4 ዘካየዶ ዳህሳስ ኣመልኪቱ። እንተኾነ ግና፡ ብዕቤቶም ኣብ ቀዳማይን ሳልሳይን ዝስርዓ ሰልፊታት ማሕበራዊ ዴሞክራሲን ሞደራትናን ነዚ ሓሳባት ተቓዊሞሞ ኣለዉ። ሰልፊታት ሊበራል፡ ሓምላይ ከምኡውን ጸጋማይ ብወገኖም ሽወደን ን በጻሕቲ ሩስያ ዶባታ ክትዓጹ ዝብል ሓሳብ ዝሰማምዕሉ እኳ እንተኾኑ፡ ንመንግቲ ሩስያ ዝቃወሙን ነታ ሃገር ክገድፉ ዝደልዩን ባእታታት ኲነታት ክመቻችኣሎም …

ዋጋ ጸዓት ኤለትሪክ እናወሰኸ ምምጽኡ ብዘስዓቦ ሻቕሎት፡ ናብቶም ፍሉይ ናጻ ኣገልግሎት ምኽሪ ምቚጣብ ጸዓት ህህቡ ክኢላታት ቆንስላት ውሽጢ ሃገር ዝግበር ጠለብ ከም ዝወሰኾ ተገሊጹ። ከምዚ ዝመሰል ብዝሒ ጠለብ ርእያ ከም ዘይትፈልጥ ኣብ ቆንስል ከተማ ማልም ኣማኻሪት ክሊማን ጸዓትን ፓውላ ብዮርክ ምስ ሬድዮ ሽወደን ኣብ ዝገበረቶ ቃለመሕትት ሓቢራ’ላ። "ጠገለ ዘይብሉ እዩ፡ ሓንቲ ተቐቢልካ ምስ ወዳእካ ንእለቱ ካልእ ይስዕብ ኣሎ፡ ዕረፍቲ ዝበሃል …

ኣብ ፍሉያት ኣባይቲ ክንክን ሽማግለታት፡ ከበድቲ ሽግራት ይኽሰቱ ምህላዎም፡ ምክትታል ጥዕናን ማሕበራዊ ክንክንን ሽወደን (IVO) ኣፍሊጡ። እቲ ትካል ነዚ ዝበለ ድሕሪ ዘካየዶ ምክትታል ምዃኑ ኣፍሊጡ’ሎ። ኣባይቲ ሽማግለታት ፍሉይ ክንክን ንዘድልዮም ብዕድመ ዝደፍኡ ኣዛውንቲ ተባሂሉ ዝቖመ ኣፓርትመንታት ኮይኑ፡ ተቐማጦ እዞም ኣባይቲ ብውልቆም ሓገዝ ኣገልግሎትን ክንክንን ከም ዝወሃቦም ዝፍለጥ እዩ። ካብ ሓሙሽተ ተጠቀምቲ እዚ ክንክን እቲ ሓደ፡ ዘይምቹእ መድሃኒት ከም ዝወስድ፡ ስድራቤቶም …

ኣብ ዝሓለፈ ወርሒ፡ ኣብ ደሴት ዮትላንድ ቪስቢ ኣብ እተኻየደ ቅነ ፖለቲካ ዝተፈጸመ ናይ ስሕለት መጥቃዕቲ፡ ን መራሒት ማእከላይ ሰልፊ ኣኒ ሉፍ ሸቶ ዝገበረ ምንባሩ፡ ሬድዮ ሽወደን ን ኣኽበርቲ ሕጊ ብምጥቃስ ገሊጻ። ሉፍ ከም በዓልቲ ጒዳይ መጠን፡ ኣብቲ ጒዳይ ሕጋዊ ምኽሪ ክወሃባ ምሕታታ– ኣኽባር ሕጊ ሀንሪክ ኦሊን ገሊጹ’ሎ። ኣብ ምምሕዳራት ከተማን ዞባታትን ሽወደን ኣወሃሃዲት ጒዳያት ስነኣእምሮ፡ ኢንግ ማሪ ቬስለግረን፡ ኣብ ሓምለ …