ዜና ቀዳመ ሰንበት

ካብ ባሕቲ ሓምለ ኣትሒዙ፡ ምዕሩይ ምቕርሐ ስደተኛታት ክህሉ ተባሂሉ ሓድሽ ሕጊ ድሕሪ ምውጽኡ፡ ቀዳሞት ስደተኛታት ዩክሬይን ኣበየናይ ምምሕዳር ከተማ ክነብሩ ምዃኖም ከም እተነግሮም ተገሊጹ። ኣብ ክንዲ ኤጀንሲ ስደተኛታት፡ ምምሕዳራት ከተማ ሽወደን ሓላፍነት ምውዳብ ኣባይቲ ምውሳዱ ዝፍለጥ እዩ። ዛጊት 3000 ስደተኛታት ዩክሬይን ብኤጀንሲ ስደተኛታት  ኣቢሉ ኣበየናይ ምምሕዳር ከተማ ክነብሩ ምዃኖም ከም እተነግሮም፡ ጸብጻብ ዜና ሬድዮ ሽወደን ኣመልኪቱ’ሎ። ብጠቕላላ 10,000 ስደተኛታት ዩክሬይን፡ …

ቊጽሪ ህጹጽ እዋን ሽወደን 112፡ ብለይቱ ብርክት ዝበሉ ጻውዒታት ኣብ ምምላስ ተጸሚዱ ምሕዳሩ ተገሊጹ። እቲ መስመር ብጸዋዕቲ ብጻዕቂ ተታሒዙ ብምንባሩ፡ ገለ ተገልገልቲ ነቲ መስመር ክረኽቡ ከም እተሸገሩ፡ እንተኾነ ግና እቲ ሽግር ሕጂ ተፈቲሑ ምህላዉ ጸብጻብ ዜና ሬድዮ ሽወደን ኣመልኪቱ።. ኣብ ለይቲን ወጋሕታን ነቲ መስመር ንምርካብ፡ ብማእከላይ ገምጋም፡ ካብ ሓደ ክሳብ ክልተ ደቓይቕ ከም ዝወስድ እታ ሬድዮ ወሲኻ ገሊጻ’ላ።

ኣብ ቀዳመ-ሰንበት ድሕሪ ዝተገብረ ልዝብ፡ ኣብ መንጎ መንገዲ ኣየር ስካንዲቭያን ማሕበር ፓይለታት እቲ መንገዲ ኣየርን ስምምዕ ንምብጻሕ ቀሪቦም ከም ዘለዉ ተገሊጹ። “ኣብ ዝቐልጠፈ ኣብ ስምምዕ ክንበጽሕ ኢና”፡ ክትብል ዋና ኣዛታዪት እቲ መንገዲ ኣየር ማርያን ሀርነስ ን ኣገልግሎት ዜና ተተ ኣብ ዝሃበቶ ሓበሬታ ኣመልኪታ’ላ። ሎሚ ተጌሩ ዘሎ ዙር ዘተ፡ ጽቡቕ ከም ዝተሳለጠን፡ ምናልባት’ውን ናይ መወዳእታ ክኸውን እዩ ዝብል ግምት ከም ዘለዎን …

ብምኽንያት ክሳብ ሕጂ ዝቕጽል ዘሎ ኣድማ ሰራሕተኛታት መንገዲ ኣየር ስካንዲናቭያ፡ ዛጊት 154 በረራታት ከም እተሰረዙ፡ ካብ ኣቪኖር እተረኽቡ ኣሃዛት ኣመልኪቶም። ካብ 4 ሓምለ ኣትሒዞም፡ ፓይለታት መንገዲ ኣየር ስካንዲናቭያ ኣድማ ድሕሪ ምጅማሮም፡ ክሳብ ሕጂ 2,129 በረራታት ኖርወይ ምቊራጾም እቶም ኣሃዛት ወሲኾም ገሊጾም ኣለዉ። ካብዞም ትማል ሰንበት እተሰረዙ 154 በረራታት፡ እቶም 74 ናይ ውሽጢ ሃገር ክኾኑ እንከለዉ 68 ናይ ሸንገን፡ 12 ከኣ …

ካብ ሳንድቫል ውጽእ ኢሉ ኣብ ዝርከብ ሕርሻ ጸዓት ንፋስ ቪክሾ፡ ተተኺሉ ዝነበረ 220 ሜትሮ ዝንውሓቱ ናይ ንፋስ ተርባይን፡ ዝሓለፈ ቀዳም ወዲቑ ከም እተሓምሸሸ ተፈሊጡ። በዚ ሓደጋ ዘጎድአ ሰብ የለን። እንተኾነ ግና፡ ጒጅለ ክኢላታት ምኽንያት እዚ ሓደጋ ክሳብ ዘጻርዩ፡ እዚ ሕርሻ ጸዓት ንፋስ ተዓጽዩ ክጸንሕ እዩ—ክትብል ማዕከን ዜና SVT ጸብጺባ’ላ። እዚ ምውዳቕ ብምኽንያት ካብቲ ተርባይን ዝዘረቘ ዘይቲ ክኸውን ይኽእል እዩ ዝበለ …

ቊጽሪ ኣሞራታት ፒረግረን ብዘሰንብድ ኣገባብ ካብቲ ናይ ዓሚ ብ 40% ምጒዳሉን ናይዚ ምኽንያት ድማ ሕማም ሰኦኣል ኣዕዋፍ ክከውን ከም ዝኽእልን ተገሊጹ። ኣብ ሽወደን ነፍሲ ወከፍ ዓመት ቆጸራ እዞም ኣዕዋፍ ከም ዝካየድን ኣብዚ ዓመት ዝተረኽበ ኣሃዝ ብዘሰንብድ ኲነት ኣዝዩ ኣንቈልቊሉ ከም እተረኽበን ሬድዮ ሽወደን ጸብጺባ’ላ። ኲነታት ጥዕና ኣዕዋፍ ንምምርማር መታን ክከኣል፡ ኣብ ጎደና ዝሞቱ ኣዕዋፍ ዝረኸበ ኲሉ፡ ናብ ሃገራዊ ትካል ክታበት …

ጋንታ ኣትለቲክስ ሽወደን፡ ኣብቲ ኣብ ዩጂን-ኦሬገን ሕቡራት መንግስታት ኣመሪካ ዝሓለፈ ዓርቢ ምሸት ዝጀመረ ሻምፕዮና ኣትለቲክስ ዓለም፡ መሰናኽል ከም ዘጋጠማ ተገሊጹ። እቲ ውድድር ቅድሚ ምጅማሩ፡ ኣሰልጣኒ ማራቶን እታ ጋንታ ክርስትያን ሙንት፡ ብኮቪድ ብምልካፉ እያ እታ ጋንታ መኻልፍ ኣጋጢምዋ ዘሎ ተባሂሉ’ሎ። “እዚ ሓማቕ ዜና እዩ፡ እቲ ሕማም ካብዚ ንላዕሊ ኣስፋሕፊሑ ከይህሉ ተስፋ እገብር” ክትብል ኣሰልጣኒት እታ ጋንታ ካሻ በርክቪስት ገሊጻ’ላ።.

ኣብ 1980ታት፡ ንሰልፊ ዴሞክራሲ ዝመስረቱ ብርክት ዝበሉ ዜጋታት ሽወደን፡ ካብ ሕሉፍ የማናውያን ባእታታት ዝመጹ ዓሌታውያንን ናዚስታውያንን እዮም ኔሮም፡ ክብል እቲ ሰልፊ ን ታሪኹ ኣመልኪቱ ኣብ ዘዳለዎ ቀዳማይ ክፋል ሰነዳዊ ጸብጻቡ ኣመልኪቱ። እዚ ሰልፊ፡ ካብቲ “ሽወደን ንሽወደናውያን” ዝብል ጭርሖ ዘጋውሕ ዝነበረ ሕሉፍ የማናዊ ምምጽኡን፡ ቀንዲ መለለዪኡ እዚ ዓሌታዊ ጭርሖ ምንባሩን፡ ነዚ ጸብጻብ ዘዳለወ ተመራማሪ ታሪኽ ቶኒ ጉስታፍሰን ገሊጹ። ነዚ ሰልፊ ዝመስረቱ …

ብምኽንያት ኣድማ ሰራሕተኛታት; መንገዲ ኣየር ስካንዲናቭያ (SAS) ዛጊት ናይ 1.3 ቢልዮን ክሮና ክሳራ ከም ዘጋጠሞ መርበብ ሓበሬታ ኖርወይ ቱደይ ጸብጺባ። ዛጊት; ልዕሊ 2,550 በረራታት ክስረዙ እንከለዉ; በዚ ድማ ልዕሊ 270,000 ገያሾ ብኣሉታ ከም እተጸልዉ፡ እቲ መንገዲ ኣየር ትማል ሓሙስ ኣብ ዘውጽኦ ጋዜጣዊ መግለጺ ሓቢሩ’ሎ። እዚ ሰራሕተኛታት  መንገዲ ኣየር ስካንዲናቭያ ዘካይድዎ ዘለዉ ኣድማ፡ መዓልታዊ ናይ 100-130 ሚልዮን ክሮና ሽወደን ክሳራ የስዕብ …

ኤርና ሶልበርግ፡ ኣብ ዝመጽእ ዓመት እተሕትማ መጽሓፍ ትጽሕፍ ኣላ። ናብ ዕዳጋ ሽቕለት ዝያዳ ሰባት ብኸመይ ክጽንበሩ ይኽእሉ ዝብል ኣርእሰተ ነገር ቀንዲ ትሕዝቶ እዛ መጽሓፍ እዩ ተባሂሉ’ሎ። “ንሕና ብዕድመ እናደፋእና ንመጽእ ምህላውና ጽብቕ እዩ፡ እንተኾነ ግና እዚ ኣዝዩ በዳሂ እዩ ክኸውን፡፡ ምኽንያቱ፡ ኣብ ኖርወይ ዕድመ ናይቶም ኣብ ስራሕ ዝዋፈሩ ሰባት እናተሸምረረ እዩ ዝመጽእ ዘሎ። እዚ ብድሆ፡ ምስ ገንዘብ ዘይኮነ ምስ ጡረታ …