ዜና

ሓሙሽተ ሓፈሻዊ ኣብያተ ትምህርቲ ምምሕዳር ከተማ ኦፕሳላ፡ ብሰንኪ ዘጋጠመን ምስፍሕፋሕ ለበዳ ኮሮና፡ ብሕጽረት ሰራሕተኛታት ይሳቐያ ምህላወን ጋዜጣ ኣፍቶንብላዴት ኣብ ዘውጽኦ ሓበሬታ ኣመልኪቱ። ኤሪክስበሪስኮላን (Eriksbergsskolan) ሓንቲ ካብተን በዚ ለበዳ ዝተጠቕዓ ኮይና፡ ብውሕዱ ሓደ ሲሶ ካብ ሰራሕተኛታታ ብኮሮና ተለኺፎም ካብ ስራሕ ኣብኲሮም ከምዘለዉ ተፈሊጡ ኣሎ። ናብ ስርሐይ ክኸይድ እንከለኹ፡ ህይወተይ ኣብ ሓደጋ ዘእቱ ዘለኹ እዩ ዝመስለኒ፡ ብጣዕሚ ዘርዕድ ኩነታት እዩ! ክብል ቶማስ …

ትማሊ ረቡዕ፡ መስጊድ ዮተበሪ፡ ጻዕዳ ሓርጭ ዝሓዘ ናይ መፈራርሂ ደብዳቤ ከም ዝተቐበለን ሰብመዚ እቲ መስጊድ ድማ ተቐላጢፎም ንፖሊስ ከምዝሓበሩ ተፈሊጡ። እቲ መልእኽቲ ብዕሉግ ቃላትን ምፍርራህን ከም ዝነበሮ ዝሓበረ ናይቲ መስጊድ ገጻት ፌይስቡክ፡ ዋላኳ ምፍርራህ ዘለዎም መልእኽቲታት ክንቅበል እዚ ፋልማይና እንተዘይኮነ፡ ብልሓቱ ዘይተፈልጠ ሓርጭ ዝሓዘ ተመሳሳሊመልእኽቲ ናብ ካልኦት መሳጊድ ስለዝተላእከ ሓደገኛ ክገብሮ ይኽእል እዩ ይብሉ። ፖሊስ፡ ብዛዕባ እዚ ጉዳይ ዝግባእ ሓበሬታ …

ኣብ እዋን ቅልውላው ኮሮና፡ መጠን ብዝሒ ኣኽራርነት ከይውስኽ፡ ሓላፊ ጸጥታ ሽወደን (Säpo)፡ ክላስ ፍሪቤሪ ገሊጹ ክብል መርበብ ሓበሬታ ተተ (TT) ሓቢሩ። ኣብ’ዚ ሕጂ እዋን፡ ብዙሓት ሃገራትን ውልቀሰባትን፡ ብሰንኪ ቅልውላው ኮሮና ዘስዓቦ ቁጠባዊ ሃስያ፡ ተጽልዮም ምህላዎምን ይፍለጥ። ጎኑ ጎኑ ድማ መጠን ሕሉፍ የማናዊ ኣተሓሳስባን ኣኽራርነትን እንዳ በዝሑ ይመጹ ምህላዎም፡ ፍሪቤሪ፡ ምስ ጉጅለ ምክልኻል ሽወደን (Saab) ኣብ ዘካየዶ ርክብ ገሊጹ። ብሰንኪ ለበዳ …

ሓደ ካብ ሃብታማት ዓለምናን መስራቲ ኩባንያ ተስላ፡ ኢሎን ማስክ፡ ናብ ሽወደን ኣብ ዝበጻሓሉ እዋን፡ ብቫይረስ ኮሮና ከምተለኽፈ ሓቢሩ። እዚ ኣሜሪካዊ ሃብታም፡ ብናይ ውልቂ ነፋሪቱ፡ ኣብ መጀምርያ ናይ ወርሒ ሕዳር ናብ ሶርምላንድ ከምዝመጸ መርበብ ሓበሬታ SVT ገሊጹ። ዝተፈላለዩ መራኸቢ ብዙሓን፡ ማስክ፡ ኣብ መዕርፎ ነፈርቲ ስካቭስታ ድሕሪ ምውራዱ ቀጺሉ ናብ ኢስክሊስቱናን ኣብ ፍሉይ ጽምብል ንምስታፍ ድማ ናብ ኣደራሽ Stora Sundby ኣትዩ ከምዝነበርን …

ካብ ዕለት 24 ሕዳር ጀሚሩ ኣብ ግብሪ ክውዕል ትጽቢት ዝግበረሉ፡ ንብዝሒ ህዝባዊ ምትእኽኻብ ናብ 8 ሰባት ጥራይ ዘጉድል መምርሒ ኣመልኪታ፡ ቤተ ክርስትያን ሽወደን፡ ፍሉይ ሓለፋ ክግበረላ ትሓትት። ነቶም ኣብ ቤተ ክርስትያን ዝካየዱ ስነ ስርዓት ጥምቀት፡ መርዓ፡ ቐብርን ካልኦት ህዝባዊ ኣገልግሎታትን ብዝምልከት እቲ ቁጽሪ ናይ ምትእኽኻብ፡ ክሳብ 20 ሰባት፡ ክብ ክብል ጠለባ ናብ መንግስቲ ሽወደን ከተቕርብ እያ። እዚ ሓድሽ መምርሒ፡ ኣብ …

ኣብ ሃገረ ዓባይ ብሪጣንያ፡ ኣብዘን ዝመጻ ዘሎዋ ዓሰርተ ዓመታት፡  ብበንዚንን ናፍታን ዝንቀሳቐሳ መካይን ሙሉእ ብሙሉእ ካብ መስመራት ክእለያ ዘኽእል ሃገራዊ መደብ ከምዝተሓንጸጸ መንግስቲ እታ ሃገር ኣዉጁ፣ ብመሰረት እቲ ሓበሬታ እዚ መደብ ኣካል ናይቲ ምሕላዉ ከባቢ ዝተባህለ ፖሊሲ እታ ሃገር ምዃኑ ክፍለጥ ተኻኢሉ።

ወከልቲ ፖሊስ ከተማ ማልመ፡ ናብ ቤት ጽሕፈት እስላማዊ ኣካዳሚ’ታ ከተማ፡ ቅድሚ ሒደት መዓልታት በጺሖም፡ ምስ ላዕለዋይ ተቖጻጻሪ’ቲ ኣካዳሚ፡ ሼኽ ሳላሓዲን በረካትን ሓላፊ ጨንፈር ቋንቋ ዓረብ፡ ሼኽ ታጀዲን ፈርፉር፡ ከምተራኸቡ ተፈሊጡ። ድሕሪ’ቲ ኣብ ከተማ ማልመ፡ ብሕሉፋት የማናውያን ዝተኻየደ ቅዱስ ቁርኣን ናይ ምቅጻል ኣጋጣሚ፡ ዝሰዓበ ናዕቢ፡ ሓለፍቲ ሃይማኖት፡ ናብ ጎደናታት ወሪዶም ንተሳተፍቲ ኣብ ምዝርራብ፡ ምርድዳእን ምርግጋእን  ዝገበርዎ ጻዕርታት ኣመልኪቱ፡ ፖሊስ ማልመ፡ ምስጋንኡ …

ሚኒስተር ትምህርቲ፡ ኣና ኤክስትረም፡ ካብ ዝቕጽል ሰኑይ 23 ሕዳር ጀሚሩ ኣብ ካልኣይ ደረጃ ኣብያተ ትምህርቲ፡ ናይ ርሕቀትን ዲጂታልን ትምህርቲ ንኸስፋሕፍሕ ክሰራሓሉ እዩ ኢላ። እዚ መቐጸልታ ናይቲ መንግስቲ ኣብ ከምዚ ዝበለ ማሕበራዊ ኣገልግሎታት ዘሎ ዕልቕልቕ ሰባት ብምንካይ፡ ለበዳ ኮሮና ንምምካት ዝገብሮ ዘሎ ጻዕሪ ምዃኑ እውን ገሊጻ’ላ። ኣብያተ ትምህርቲ ናይ ርሕቀት ትምህርቲ ቅድሚ ምጅማረን፡ ኣድላይ ስጉምታት ክወስዳ እውን ጻውዒት ምቕራባ ሬድዮ ሽወደን …

ምስ ወነንቲ ኩባንያታት ክግበር ዝጸንሐ ዘተ ብምቁራጹ፡ ማሕበር ሰራሕተኛታት ህንጻ፡ ዓቢ ስራሕ ደው ናይ ምባል ተቛውሞ ክገብር ምዃኑ ሓቢሩ። እቲ ስራሕ ደው ናይ ምባል ተቛውሞ፡ ካብ ዕለት 27 ሕዳር ዝጅምር ኮይኑ፡ 2200 ሰራሕተኛታት ህንጻ፡ ኣብ ዝተፈላለየ እዋን፡ ካብ ስረሖም ደው ክብሉ እዩም። ብመሰረት ሓበሬታ ኣቦወንበር ማሕበር ሰራሕተኛታት ህንጻ፡ ዮሃን ሊንድሆልም፡ እቲ ስራሕ ደው ናይ ምባል ተቛውሞ፡ ምስ ገበን ደው ንኽብል፡ …