ቁጠባ

ኣብ ወርሒ ሚያዝያ፡ መጠን ዝቕባበ ባጤራ ዓዲ እንግሊዝ፡ ምስቲ ኣብ ወርሒ መጋቢት ዝነበረ ክነጻጸር እንከሎ፡ ብዕጽፊ ከምዝወሰኸን እዚ ድማ ካብቲ ተገሚቱ ዝነበረ መጠን ብሒደት ምዝያዱ ተፈሊጡ ኣሎ ክብል ማዕከን ዜና ተተ ኣቃሊሑ። ኣብ ዝሓለፈ ወርሒ መጋቢት፡ መጠን ዝቕባበ ባጤራ ዓዲ እንግሊዝ፡ 0.7% ከምዝነበረ፡ ኣብ ወርሒ ሚያዝያ፡ እቲ መጠን 1.4% ምብጽሑ እቲ ጸብጻብ ሓቢሩ። ቀንዲ ጠንቂ ናይዚ ዝቕባበ ተባሂሎም ዝጥቀሱ፡ ምውሳኽ …

ዝሓለፈ ዓመት: ኣብ ኣመሪካ ዝተኻየደ መጠነ ሰፊሕ መጥቃዕቲ ሳይበር: ናይ ሩስያ ኢድ የብሉን ክብል ሓላፊ ኣገልግሎት ስለያ ወጻኢ ሩስያ: ሰርገይ ናሪሽኪን: ምስ ወኪል ቢቢሲ ሞስኮ: ስቲቭ ሮዘንበርግ: ኣብ ዝገበሮ ቃለ መሕትት ገሊጹ። ሰብመዚ ኣመሪካን ብሪጣንያን: ስለያ ሩስያ: መጥቃዕቲ ሰላር ዊንድስ ከም ዘካየደትለን ክኸሳ ጸኒሐን እየን። ናሪሽኪን ብወገኑ: እዚ መጥቃዕቲ: ብውዲት ስለያ ምዕራባውያን ከም እተኻየደ እዩ ዝገልጽ። ንሱ ምስ መደበር ስለያ …

ሊባኖስ: ኣብ ዓብዪ ፋይናንሳዊን ቊጠባዊን ምንቊልቋል ተሸሚማ ምህላዋ ተገሊጹ። ባጤራ እታ ሃገር 85%: ናይ ምግዛእ ዓቕሙ ምጒዳሉ ዘመልከተ እቲ ሓበሬታ: እቲ ኲነታት ከምዚ እንተቐጺሉ: ዝበዝሐ ህዝቢ ሊባኖስ ናብ ድኽነት ክኣቱ እዩ ክብል ኣጠንቂቑ። ከም ኲሉ ካልእ ነገራት: መግቢ እውን ዋጋኡ ሰለስተ ዕጽፊ ወሲኹ’ሎ። ብዘይካ’ዚ: ዋጋ መድሃኒት ኣብ ልዕሊ ምውሳኹ ይሰኣን እውን ምህላዉ: ወኪል ቢቢሲ ምስ ሊባኖሳዊ ነርስ: ኣብ ዝገበሮ ጻንሒት …

ኣብ ዝሓለፈ ሰሙን፡ ቁጽሪ ናይ ስራሕ ኣልቦ ዝኾኑ ሰባት ብ 3 ሽሕ ብምጉዳሉ፡ ጠቕላላ ምዝጉብ ብዝሒ ስራሕ ኣልቦ 420,666 በጺሑ ምህላዉን እዚ ድማ 8.1% ሚእታዊት ናይቲ ሰራሒ ዓቕሚ ዝኾነ ቁጽሪ ምኻኑ፡ ሰሙናዊ ጸብጻብ ቤት ጽሕፈት ኣርቤትስፎርሜድሊን ሓቢሩ ክብል ማዕከን ዜና ተተ ኣቃሊሑ። ኣብ ዝሓለፈ ሰሙን፡ ኣስታት 500 ሰባት፡ ካብ ስራሕ ናይ ምፍናው መጠንቀቕታ በጺሕዎም ከምዘሎ እቲ ጸብጻብ፡ ብምውሳኽ ሓቢሩ።

ሃገረ ፖርቱጋል፡ ካብ ሎሚ ሰኑይ ዕለት 17 ግንቦት ጀሚራ፡ ብጀካ ንውሱናት፡ ንኹሎም ናብ ሃገራ ብዝተፈላለዩ ምኽንያታት  ክኣትዉ ዝደልዮ በጻሕቲ ዜጋታት ኤውሮፓዊ ሕብረት፡ ኣፍደጊኣ ክፉት ምዃኑ ሓቢራ ክብል ማዕከን ዜና ተተ ኣቃሊሑ። ናብ ሃገረ ፖርቱጋል፡ ብኣገዳሲ ምኽንያት ጥራይ ክኣትዉ ዝፍቀደሎም፡ ዜጋታት ናይተን መጠነ መልከፍቲ ኮሮና ልዕሊ 500 ኣብ ነፍሲ ወከፍ 100 ሽሕ ሰባት ዘጋጥመን ሃገራት እዮም። እዘን ሃገራት ድማ፡ ሳይፕረስ፡ ክሮኤሻ፡ …

ትማሊ ሰንበት ኣብ ከባቢ ሰዓት 9 ድ.ቐ.፡ ኣገልግሎት ቴሌ 2 (Tele2) ተሰናኺሉ ምንባሩን ብፍላይ ድማ እቶም ኣገልግሎት ኮምሄም ዝጥቀሙ ዓማዊል፡ ጸገማት ከም ዘጋጠሞም፡ እቲ ትካል ሓቢሩ ክብል ማዕከን ዜና ተተ ኣቃሊሑ። እቲ ጸገም፡ ኣብ መላእ ሽወደን ዘጓነፈ ምንባሩን፡ ኣብዚ ሕጂ እዋን ግን ዝበዝሑ ዓማዊል ብዘይ ጸገም ክግልግሉ ክኽእሉ እዮም ክብል፡ ሓላፊ መራኸቢታት ቴሌ 2፡ ጆወል ኢብሶን፡ ትማሊ ሰዓት 11 ድ.ቐ. …

ዝበዝሑ ሰራሕተኛታት፡ ኣብ ገዝኦም ኮይኖም ስርሖም ከሰላስሉ፡ መንግስቲ ሽወደን፡ ድልየቱ ምዃኑ ሓቢሩ ክብል ማዕከን ዜና ተተ ኣቃሊሑ። ዝሓለፈ ዓመት፡ መንግስታውያን ኣካላት፡ ነቲ ካብ ገዛ ኮይንካ ናይ ምስራሕ ስጉምቲ ግብራዊ ከምዝኸውን ምግባረን ይዝከር። እቲ ስርሒት፡ ክሳብ 01 ሓምለ ዝጸንሕ ምዃኑ ዝፍለጥ እኳ እንተነበረ፡ ሕጂ ግን ክሳብ 15 መስከረም ክናዋሕ ከምዝተገብረ ተፈሊጡ። ምስፍሕፋሕ ለበዳ ኮሮናን ኣብ ልዕሊ ኣሃዱ ጥዕና ዘሎ ጸቕጢ ልዑል …

ሓረስቶት ትግራይ፡ መሬቶም ንኸይሓርሱ ኮነ ኢልካ ዕንቅፋት ይግበር ምህላዉ፡ ሓደ ላዕለዋይ በዓልመዚ ኣቃሊዑ። ንሱ እዚ ዝግበር ዘሎ እንድሕሪ ቀጺሉ ህዝቢ ትግራይ ንዝያዳ ጥሜት ክቃላዕ እዩ ኢሉ። ምክትል ሓላፊ ግዜያዊ መንግስቲ ትግራይ፡ ኣበበ ገብረሂወት፡ ምስ ተሌቪዥን ትግራይ፡ ኣብ ዝገበሮ ቃለመሕትት፡ እዞም ብስም ምኽባር ሕጊ ዝተዋፈሩ ሓይልታት፡ ዘርኢ ናብ ሓረስቶት ከይበጽሕ ምእንቲ፡ መንገዲ ከም ዝዓጸዉን፡ ሓረስቶት ናብ ማሕረስ ከይወፍሩ ይኽልከሉ ምህላዎምን ወሲኹ …

ቁጠባ ሃገረ ፊንላንድ፡  ኣብዚ ዓመት’ዚ ብ 2.6% ከምዝውስኽን ኣብ ዝቕጽል ዓመት ድማ ብ 2.5% ክውስኽ ትጽቢት ከምዘሎ ሚኒስተር ፋይናንስ ፊንላንድ፡ ማቲ ቫንሃነን፡ ገሊጹ ክብል ማዕከን ዜና ተተ ኣቃሊሑ። ናይ ዝሓለፉ ገምጋማት፡ ቁጠባ’ታ ሃገር፡ ዘገምታዊ ዕብየት ከርኢ ምዃኑን ኣብ’ዚ ዓመት 2.5% ዕብየት ከርኢ ምዃኑን ኣብ ዝቕጽል ዓመት ድማ 2% ክውስኽ ምዃኑ ትንቢታት ከምዝነበረ ይዝከር።