ኣህጉራዊ ዜና

ጀርመን ናብ ዩክሬይን “ሊዮፓርድ 2” ዝተባህላ ታንክ ክትልእኽ ምዃና፡ ቻንስለር ኦላፍ ሾልዝ ገሊጹ። እዚ ሓገዝ ጀርመን ነታ ሃገር ዘለዋ ደገፍ ንምግላጽ፡ ካልኦት ሃገራት ከኣ ተመሳሳሊ ስጒምቲ ንኽወስዳ ንምድራኽ ተባሂሉ ዝተገብረ ምዃኑ ተገሊጹ’ሎ። “ሊዮፓርድ 2” ስርሓት ጀርመን ዝኾና ታንክታት እየን። ኣብ ዩክሬይን ዝካየድ ዘሎ ኲናት ናብ ዘየድሊ ኣንፈት ከይዓርግ ብዝብል ስግኣት፡ ጀርመን ክሳብ ሕጂ ኣብ ዓዳ ዝፈረየ ኣጽዋር ናብ ዩክሬይን ክትልኽ …

ቱርክ ንሕቶ ኣባልነት ሽወደን ናብ ኔቶ ክትድግፍ እያ ዝብል ትጽቢት ብወገን ሽወደን ክህሉ ከም ዘይግባእ ዔርዶጋን ገሊጹ። ንሱ ትማል ብቕድሚ ምሸት ነዚ ዝገለጸ፡ ኣብ ስቶክሆልም ኣብ ኣፍደገ ኤምባሲ ቱርክ፡ ድሕሪ እተኻየደ ምቅጻል ቊርኣን እዩ።  ሕሉፍ የማናዊ ፖለቲከኛ ራሙስ ፓሉዳን ነዚ ኣዘራራቢ ሰልፊ ከም ዝመርሖ ዝፍለጥ እዩ። ፊንላንድን ሽወደንን ብሓባር ኣባላት ኔቶ ንምዃን ሕቶ ምእታወን ዝዝከር እዩ። ሚኒስተር ጒዳያት ወጻኢ ፊንላንድ …

ህዝቢ ኣብ መንግስቲ ዘለዎ ኣምነት እናንቈልቈለ ምምጽኡ ተገሊጹ። ነዚ ኣመልኪቱ ኣብ ወርሓ ጥሪ ዳህሳስ ዘካየደ ትካል “ፖልስተርስ ኖቩስ” እዩ። ብመሰረት እዚ ዳህሳስ፡ ህዝቢ ኣብ ልዕሊ መንግስቲ ዝጸንሖ እምንት ካብ ዝሓለፈ ሕዳር ኣትሒዙ እናንቈልቈለ ክመጽእ ጸኒሑ’ሎ። ብመሰረት እዚ ዳህሳስ፡ 23% ዜጋታት ጥራይ ኣብ መንግስቲ ዘለዎም ደገፍ ገሊጾም ኣለዉ። እዚ ኣሃዝ ምስ ዝሓለፈ ዳህሳስ እንክወዳደር ብ 11% ምንካይ ኣርእዩ’ሎ። ኣብ ሚኒስተራት ዘሎ …

መንግስቲ ሽወደን፡ ን ፖሊሲ ኢሚግሬሽን ኣመልኪቱ ኣህጒራዊ ወፍሪ ሓበሬታ ከካይድ እዩ። ዕላማ እዚ ወፍሪ፡ ናብ ሽወደን ዝህሉ ስደት ንምንካይ እዩ–ክትብል ሚኒስተር ስደተኛታት ማርያ ማልመር ስተነርግራድ ገሊጻ’ላ። እዚ ወፍሪ፡ መንግስቲ ብዛዕባ ዝገብሮ ለውጢ ፖሊሲ ስደተኛታት ዝገልጽ ኮይኑ፡ እዚ ሓበሬታ ናብ ውድባት ዜና ወጻኢን ካልኦትን ክዝርጋሕ እዩ–ብመሰረት ጸብጻብ ሬድዮ ሽወደን። ኤምባሲታት ሽወደን ኣብዚ ወፍሪ ክሳተፍ እየን።

ክሊማዊ ለውጢ፡ ኣብ ሕርሻ ወይኒ ሽወደን እወታዊ ጽልዋ ከም ዘለዎ ተገሊጹ። ካብ “ዩኒቨርሲቲ ሕርሻዊ ስነ-ፍልጠት” ዝኾነት ኣና ማርቴሰን፡ ነዚ ኣመልኪታ ኣብ ዝሃበቶ ሓበሬታ፡ ሕርሻ ወይኒ ኣብ ክሊማዊ ለውጢ ኣሉታዊ ኣለዎ ዝብል እምነት ከም ዘይብላ፡ እንተኾነ ግና ሰበባ ንምክልኻል ኣብ ጠቕሚ ዝውዕል “ኮፐር ሳፌይት” ሕጂ’ውን ሓደ ብድሆ ምዃኑ ገሊጻ’ላ።  “ህሉው ክሊማዊ ለውጢ፡ ን ሽወደን ኣብ ኣህጒር ኣውሮጳ ካብተን ዝበለጻ መፍረይቲ ወይኒ …

መርከብ “ኤምኤስ ኤስቶንያ” ብመንጎ ታንያን ስቶክሆልምን ክትጎዓዝ ኣይነበራን ክብል፡ ንምጥሓል እዛ መርከብ  ኣመልኪቱ ዝተገብረ ሓድሽ መርመራ ገሊጹ። መርመራ ናይ ቅድሚት ኣካል መርከብ ከም ዘይተኻየደን፡ ብጌጋ ከም ጥዑይ ኣካል ፍቓድከም እተዋህቦን፡ ኣፈናዊ መጽናዕቲ “ሰብመዚ መርመራ ሽወደን ኤስቶንያን ፊንላንድን”  ገሊጹ ምንባሩ ዝፍለጥ እዩ። እቲ መርመራ ተኻዪዱ እንተዝነበር እዚ ዘሕዝን ትራጀዲ ኣይምተኸስተን ክብል ኣቦመንበር “ሰብመዚ መርመራ ሽወደን ዮናስ ባክስትሮም ገሊጹ’ሎ።

ሽወደን ን ኣባልነት ኔቶ ካብ ቱርክ ድጋፍ ክትጽበ ከም ዘይብላ ፕረሲደንት ጠይብ ኤርዶጋን ትማል ሰኑይ ኣጠንቂቑ። ንሱ ነዚ ዝበለ፡ ኣብ ኣፍደገ ኤምባሲ ቱርክ–ስቶክሆልም–መጽሓፍ ቊርኣን ድሕሪ ምቅጻሉ እዩ። ድሕሪ ወራር ሩስያ ኣብ ልዕሊ ዩክሬይን ሽወደን ንኣባልነት ኔቶ ሕቶ እኳ እንተቕረበት፡ ተቐባልነት ቱርክ ከም ዘይረኸበት ዝዝከር እዩ። ብፍላይ ድማ ተቓወምቲ ዔርዶጋን ዝኾኑ ኲርዳውያን፡ ኣብ ሽወደን ን ምስሊ ዔርዶጋን ካብ ህንጻ ድሕሪ ምንጥልጣሎም፡ …

ሕሉፍ የማናዊ ፖለቲከኛ ራሙስ ፓሉዳን፡  መጽሓፍ ቊርኣን ከቃጽል ንዝብል ውጥኑ ከም ዝደፍኣሉ ሬድዮ ሽወደን ጸብጺባ። እዚ ሽወደናዊ ዜግነት ዘለዎ ተወላዲ ደንማርክ፡ ኣብ ኣፍደገ ኤምባሲ ቱርክ– ስቶክሆልም– ነዚ ምቅጻል ቊርኣን ዝፍጸመሉ ሰልፊ ክቕጽል ምዃኑ ገሊጹ’ሎ። እዚ ካብ ቱርክ ተሪር ግብረመልሲ ክወሃብ ጌሩ’ሎ። በዚ ድማ፡ ሚኒስተር ምክልኻል ሽወደን ናብታ ሃገር ክበጽሕ ዝገበሮ መደብ ከም ዝስረዝ ጌራ’ላ። እዚ ምቅጻል መጽሓፍ ቊርኣን ንመሰል እምነት …

ኣብ ዝሓለፈ ቀዳመ-ሰንበት፡ ኣብ ስቶክሆልም ተወሰኽቲ ምልውዋጥ ተዂሲን ምፍንጃራትን ከም እተኸስቱ ተገሊጹ። በዚ ክስተት፡ ኣብ ሰሜናዊ ክፋል እታ ከተማ (ከባቢ ሶልና) ሓደ ሰብ ሞይቱ’ሎ። ብምኽንያት ምብርካት እዚ ገበናት፡ ኣብ ዝመጻ መዓልታት ፖሊስ ስቶክሆልም ካብ ካልኦት ክፋል እታ ከተማ 290 ተወሰኽቲ ኣባላት ፖሊስ ከዋፍሩ እዮም። እዚ ተዂሲን ምፍንጃርን ፍሉጥ ሸቶታት ዘለዎ ኮይኑ፡ ፈጸምቲ እዚ ገበን ብገንዘብ ይዕሰቡ ምህላዎም ተሌቪዥን ሽወደን (SVT) …

ንዝቕጽል ኣዋርሕ ዝቐርባ ፊልምታት መነመን ምዃነን፡ ትካል ፊልም ሽወደን ኣብ ምጅማር እዚ ሰሙን ኣፍሊጡ። “ህዩማናይዜሽን” ካብዞም ኣብዚ ወርሒ ዝፍነዉ ፊልምታት ሓንቲ እያ።  እዛ ፊልም ህጻን ወዳ ዝሞታ ኣደ፡ ኣብ ህይወት ሓድሽ ትርጒም ብዛዕባ ምርካባ እተዘንቱ እያ። ነዛ ፊልም ቅድሚ ምቕዳሕ ምጅማርም ንሽዱሽተ ኣዋርሕ ከም ዝደኸሙ ኮኾብ ተዋሳኢት እዛ ፊልም ሉዊ ራይም ገሊጻ’ላ።