ምክልኻል ኮረና

ኣሜሪካዊ ኩባንያ ሞደርና፡ ናይቲ ዘማዕበሎ ጸረ ኮሮና ክታበት ውጽኢት፡ ኣብ ሳልሳይ መድረኽ ፈተነ፡ ኣድማዕነቱ ክሳብ 95% ምብጽሑ ሓቢሩ ክብል ኣገልግሎት ዜና SVT ገሊጹ። እዚ መድሃኒት ኣብ ልዕሊ 30ሽሕ ዝኾኑ ዝተፈላለዩ ዝዓሌቶም ሰባት (ኣፍሪቃ፡ ኤስያ፡ ኣመሪካን ላቲኖን) ከም ዝተፈተነን፡ ኣሉታዊ ሳዕቤን ከምዘይተመዝገበን እቲ ኩባንያ ሓቢሩ። በዚ መሰረት፡ ኣመሪካ፡ ቅድሚ ምዝዛም እዚ ዝሓዝናዮ ዘለና ዓመት፡ ክልተ ዓይነት መድሃኒት ክታበት ክህልዋ እዩ ክብል …

ኣብ መላእ ሃገረ ሽወደን፡  ብዝተራእየ ቅሉጡፍ ምልባዕ ቫይረስ ኮሮና ኣብ ካልኣይ ማዕበል ለበዳ ተኣትዩ ብምህላዉ መንግስቲ ሽወደን፡ ሎሚ ድሕሪ ቀትሪ ብዝሒ ዘሎዎም ጽኑዓት መምርሒታት ወሲዱ ከምዘሎ ብቀዳማይ ሚኒስተር፡ ስቴፋን ሎቨን፡ ተመሪሑ ኣብ ዝተኻየደ ጋዜጣዊ መግለጺ ኣፍሊጡ ክብል መርበብ ሓበሬታ ተተ (TT) ገሊጹ። በዚ መሰረት፡ ኩሎም ህዝባዉያን፡ ማሕበራዉያን ምትኽኻባት ካብ 8 ሰባት ንላዕሊ ምትእኽኻብ ከምዘይፍቀድ ተኣዊጁ ኣሎ። እዚ መምርሒ፡ ካብ ዕለት …

በዓልመዚ ህዝባዊ ጥዕና ሽወደን፡ ለበዳ ቫይረን ንምቁጽጻር፡ ኣብ ልዕሊ ተቐማጦ ያፍለበሪን ቫስተርኖርላንድን ዝተረረ ከባብያዊ ቀይድታት ኮሮና ከምዝወሰነ ሓቢሩ። እዚ ውሳነ፡ ካብ ሎሚ ሰኑይ ክሳብ 13 ታሕሳስ ኣብ ዘሎ ግዜ ተግባራዊ ክኸውን ምዃኑ ናይ ምቕጻል ተኽእሎ ከምዘለዎን ብምውሳኽ ሓቢሩ ክብል ጋዜጣ ኣፍቶንብላዴት ገሊጹ። ኣብ መላእ ሽወደን ዘለዋ ኩለን ምምሕዳራት፡ ብዘይካ ምምሕዳር ዮምትላንድ፡ በዚ ውሳነ ዝጽለዋ ምዃነን እቲ በዓል መዚ ኣፍሊጡ። እዞም …

ኣብ ስቶክሆሎም፡ እቶም መርመራ ኮሮና ቫይረስ ንኽገብሩ፡ ቀዳምነት ዝወሃቦም ኣካላት፡ እቶም ኣብ እንዳ መናበይ ዓበይቲ ዝሰርሑን ኣብኡ ዝቕመጡ ኣረጋውያንን እዮም ክብል ምምሕዳር ስቶክሆሎም ከምዝወሰነ ተፈሊጡ። መርመራ ኮሮና ቫይረስ ክገብሩ ዝሓቱ ሰባት፡ ቁጽሮም ብጣዕሚ እናበዘሐ ብምምጽኡ፡ ቀዳምነታት ምስራዕ ኣገዳስነቱ እናዓበየ ምምጽኡ፡ ምምሕዳር ስቶክሆሎም፡ ኣረጋጊጹ። ስለዝኾነ ድማ፡ ንእንዳ መናበይ ዓበይቲ፡ ቀዳምነት ምሃብ፡ ንቡር ውሳኔ እዩ ክትብል ሓኪም ምክልኻል ተመሓላለፍቲ ሕማማት፡ ማርያ ሮትዜን …

ኣብ መላእ ሽወደን መርመራታት ኮሮና ንምክያድ፡ መንግስቲ፡ ሰሙናዊ  ክሳብ 270 ሚልዮን ክሮና ወጻኢ ክገብር ከምዝጸንሐ ዝፍለጥ ኮይኑ፡ ቁጽሪ ዝካየዱ መርመራታት ክውስኽ፡ በዓል መዚ ጥዕና ሽወደን፡ ሎሚ፡ ጻውዒት ምቕራቡን ተገሊጹ። ኣብ መበል 44 ሰሙን፡ ሽወደን፡ 193293 ናይ ኮሮና መርመራታት ምክያዳን ዝፍለጥ ኮይኑ፡ ብመሰረት መንግስቲ ሽወደን ምስ ማሕበር ምምሕዳራት ከተማ ዝገበሮ ውዕል፡ ዋጋ ናይ ነፍሲ ወከፍ መርመራ 1400 ክሮና ክኸውን ከም እትወሰነ …

ካብ ዕለት 15/11/2020 ጀሚሩ ክሳብ 31/01/2021 ኣብ ዘሎ ግዜ፡ ዜጋታት ሽወደን፡ ካብ ሃገራት ኤውሮፓዊ ሕብረት ወጻኢ፡ ንዘካይድዎም ኣገደስቲ ዘይኮኑ መገሻታት ከቛርጹ፡ ሚኒስትሪ ወጻኢ ጉዳያት ሽወደን፡ ምኽርታቱ ኣመሓላሊፉ። ኣብ ውሽጢ ኤውሮፓዊ ሕብረት ዝርከባ ሰለስተ ሃገራት፡ ማለት፡ ኢስቶንያ፡ ኣየርላንድን ላትቭያን ዝግበር መገሻታት ከቋርጽ ዝብል ምኽሪ ናይ ወጻኢ ጉዳያት፡ ክሳብ 18/11/2020 ክጸንዕ ኣዘኻኺሩ። ወላ’ኳ ኣብ ዝሓለፈ ሰሙን፡ ዓዲ እንግሊዝ፡ ንካብ ሽወደን ዝበጽሕዋ ገያሾ፡ …

ኣብ ስቶክሆሎም፡ ሓደ ካብ ሓሙሽተ መርመራ ኮሮና ዝገብሩ ሰባት፡ ብቫይረስ ዝተለኽፈ ምዃኑ  በዓል መዚ ጥዕና’ታ ምምሕዳር ኣረጋጊጹ። ኣብ ምምሕዳር ስቶክሆሎም፡ ሓደገኛ ዝኾነ ምስፍሕፋሕ ለበዳ ኮሮና ይረአ ምህላዉ ሓላፊ ህዝባዊ ጥዕና’ቲ ምምሕዳር፡ ቢዮርን ኢሪክሰን ሓቢሩ። ምስፍሕፋሕ ለበዳ ኮሮና፡ ኣብ ስቶክሆሎም፡ ብልዑል ናህሪ ይውስኽ ምህላዉ ርዱእ ኮይኑ፡ ሕክምናዊ ኣገልግሎት እናዓበየ ይመጽእ ምህላዉ ድማ፡ ኢሪክሰን፡ ይሕብር። ዝሓለፈ ሰሙን፡ ኣስታት 4184 ሰባት ብሕማም ኮቪድ-19 …

ናይ ቫይረስ ኮሮና መርመራ ኣካይዱ፡ ቀዳማይ ሚኒስተር፡ ሎቪን፡ ነጻ ምዃኑ ድሕሪ ምርግጋጹን ምስ ሓካይሙ ድሕሪ ምዝታዩን፡ ንነብሱ ወሲኑላ ዝነበረ ናይ ምውሸብ ግዚኡ ወዲኡ ከምዝወጸ፡ ጸሓፊ ቀዳማይ ሚኒስተር ዝኾነ ሚካኤል ሊንድስትሩም ሓቢሩ። ቀዳማይ ሚኒስተር ሽወደን፡ ስቴፋን ሎቬን፡ ኣብ ዝሓለፈ ሰሙን፡ ሓደ፡ ቀረብኡ ዝኾነ ሰብ ምስ ካልእ ድሒሩ ብኮሮና ከምዝተለኽፈ ዝፈለጠ ሰብ ድሕሪ ምርኻቡ፡ እዚ ናይ ምውሻብ ውሳኔ ከምዝወሰደ ይዝከር። በዓልቲ ቤት …