ምክልኻል ኮረና

ናይ ሎሚ ዓመት በዓል ልደት፡ ከም ዝሓለፉ በዓላት ክትከውን ኣይትኽእልን እያ። ምስፍሕፋሕ ለበዳ ኮሮና ንምግታእ ናይ ነፍሲ ወከፍና ሓላፍነት እዩ ክብል ሚኒስተር ንግድን ኢንዱስትርን ሽወደን፡ ኢብራሂም ባይላን፡ ገሊጹ። መልእኽተይ ሓጻር ኢያ፡ ኣብ ዕዳጋታት ዝፍጠር ጽቕጥቅጥ ክውገድ እንተዘይተኻኢሉ፡ ናብ ዕዳጋታት ምኻድ ነቋርጽ፡ ክብል፡ ባይላን፡ ከምዝገለጸ መርበብ ሓበሬታ ተተ (TT) ኣቃሊሑ። ሚኒስተር ባይላን፡ ምስ ማሕበር ሰራሕተኛታት ንግዲ ብምርኻብ፡ ሰባት፡ ኣብ እዋን በዓል …

ሓሙሽተ ሓፈሻዊ ኣብያተ ትምህርቲ ምምሕዳር ከተማ ኦፕሳላ፡ ብሰንኪ ዘጋጠመን ምስፍሕፋሕ ለበዳ ኮሮና፡ ብሕጽረት ሰራሕተኛታት ይሳቐያ ምህላወን ጋዜጣ ኣፍቶንብላዴት ኣብ ዘውጽኦ ሓበሬታ ኣመልኪቱ። ኤሪክስበሪስኮላን (Eriksbergsskolan) ሓንቲ ካብተን በዚ ለበዳ ዝተጠቕዓ ኮይና፡ ብውሕዱ ሓደ ሲሶ ካብ ሰራሕተኛታታ ብኮሮና ተለኺፎም ካብ ስራሕ ኣብኲሮም ከምዘለዉ ተፈሊጡ ኣሎ። ናብ ስርሐይ ክኸይድ እንከለኹ፡ ህይወተይ ኣብ ሓደጋ ዘእቱ ዘለኹ እዩ ዝመስለኒ፡ ብጣዕሚ ዘርዕድ ኩነታት እዩ! ክብል ቶማስ …

ካብ ዕለት 24 ሕዳር ጀሚሩ ኣብ ግብሪ ክውዕል ትጽቢት ዝግበረሉ፡ ንብዝሒ ህዝባዊ ምትእኽኻብ ናብ 8 ሰባት ጥራይ ዘጉድል መምርሒ ኣመልኪታ፡ ቤተ ክርስትያን ሽወደን፡ ፍሉይ ሓለፋ ክግበረላ ትሓትት። ነቶም ኣብ ቤተ ክርስትያን ዝካየዱ ስነ ስርዓት ጥምቀት፡ መርዓ፡ ቐብርን ካልኦት ህዝባዊ ኣገልግሎታትን ብዝምልከት እቲ ቁጽሪ ናይ ምትእኽኻብ፡ ክሳብ 20 ሰባት፡ ክብ ክብል ጠለባ ናብ መንግስቲ ሽወደን ከተቕርብ እያ። እዚ ሓድሽ መምርሒ፡ ኣብ …

ሚኒስተር ትምህርቲ፡ ኣና ኤክስትረም፡ ካብ ዝቕጽል ሰኑይ 23 ሕዳር ጀሚሩ ኣብ ካልኣይ ደረጃ ኣብያተ ትምህርቲ፡ ናይ ርሕቀትን ዲጂታልን ትምህርቲ ንኸስፋሕፍሕ ክሰራሓሉ እዩ ኢላ። እዚ መቐጸልታ ናይቲ መንግስቲ ኣብ ከምዚ ዝበለ ማሕበራዊ ኣገልግሎታት ዘሎ ዕልቕልቕ ሰባት ብምንካይ፡ ለበዳ ኮሮና ንምምካት ዝገብሮ ዘሎ ጻዕሪ ምዃኑ እውን ገሊጻ’ላ። ኣብያተ ትምህርቲ ናይ ርሕቀት ትምህርቲ ቅድሚ ምጅማረን፡ ኣድላይ ስጉምታት ክወስዳ እውን ጻውዒት ምቕራባ ሬድዮ ሽወደን …

ኣብ ሽወደን፡ ቁጽሪ ናይቶም ብቫይረስ ኮሮና ዝልከፉ ዘለዉ ሰባት ብናህሪ ይውስኽ ኣብ ዘለወሉ እዋን፡ ቁጽሪ ናይቶም ጽዑቕ ሕክምናዊ ምክትታል ዘድልዮም ሰባት ውን ይውስኽ ምህላዉ ተፈሊጡ። ኣብዚ ሕጂ እዋን፡ ቅልጡፍን ኣሉታውን ምዕባለታት መልከፍቲ ኮሮና ይረአ ኣሎ ክትብል ኣብ ሃገራዊ  ቤት ምኽሪ ጥዕና፡ ሓላፊት ክፍሊ ምድላው ንህጹጽ እዋናት ዝኾነት፡ ጅዋና ሳንድዋል፡ ኣብ ጋዜጣዊ መግለጺ ሓቢራ። ኣብ ጽዑቕ ሕክምናዊ ምክትታል ዝርከቡ 167 ሕሙማት …

መንግስቲ ሽወደን፡ ምስፍሕፋሕ ለበዳ ኮሮና ንምግታእ፡ መምርሒታት ምኽዳን ማስክ፡ ዘይምእዋጁ፡ ብተቛወምቲ ዝኾኑ ሰልፍታት፡ ዓቃባውያንን  ክሪሲ ዲሞክራትናን፡ መብርሂ ንኽህበሉ ሕቶ ከምዝቐረበሉ ተፈሊጡ። ዓለማዊ ውድብ ጥዕና፡ ንምኽዳን ማስክ ኣመልኪቱ፡ ንሽወደን፡ ምኽሪ ከምዝለገሰላ ይፍለጥ። ኣብ መብዛሕትአን ሃገራት፡ ማስክ ምኽዳን፡ ግዴታ እዩ። ኣብ ሽወደን፡ ገለ ኣካላት፡ ማስክ ምኽዳን ኣገዳስነት የብሉን ኣለዉ። ስለዚ፡ መንግስቲ፡ ነዚ ጉዳይ ኣመልኪቱ፡ ሓፈሻዊ መብርሂ ክህብ ይግባእ ክብል ሓላፊ ዓቃባዊ ሰልፊ፡ …

ሽወደን ምስ ኤውሮፓዊ ሕብረት ብምዃን፡ ካብ ኩባንያታት ፍይዘርን ባዮኤንቴክን መድሃኒት ክታበት ክገዝኣ ከምተሰማምዑ ቀዳማይ ሚኒስተር ሽወደን፡ ስቴፋን ሎቬን፡ ኣብ ጋዜጣዊ መግለጺ ሓቢሩ። ብመሰረት ስምምዕ፡ ሽወደን፡ ን2.3 ሚልዮን ዝኾኑ ልዕሊ 65 ዓመት ዕድመ ዘለዎም ሰባት፡ ዝኣክል 4.5 ሚልዮን መድሃኒት ክታበት ክትገዝእ ምዃና ተፈሊጡ። ከም ዝፍለጥ፡ ኣብ ዝሓለፈ ሰሙን፡ ኩባንያታት ፋይዘርን ባዮኤንተክን፡ ኣብ ሳልሳይ መድረኽ በጺሑ ዘሎ ኣድማዕነቱ 90% ዝኾነ ክታበት ከምዘፍረዩ …

ሽወደን፡ ምስፍሕፋሕ ለበዳ ኮሮና ንምንካይ፡ መምርሒታት ምኽዳን ማስክ ከተተኣታቱ፡ ዓለማዊ ውድብ ጥዕና ጸዊዑ። ኩለን ምልባዕ ለበዳ ኮሮና ኣጥቂዕወን ዘሎ ሃገራት፡ መምርሒታት ምኽዳን ማስክ ክኽተላ ይግባእ ክብል ሓላፊ ክፍሊ ቅልውላው’ቲ ውድብ፡ ማይክ ራያን፡ ትማሊ ኣብ ዝሃቦ ጋዜጣዊ መገለጺ ሓቢሩ ክብል ኤክስፕረሰን ኣቃሊሑ። ዓለማዊ ውድብ ጥዕና፡ ኣብ እዋን ለበዳ ኮሮና፡ ሽወደን ዝተኸተለቶ ኣገባብ፡ ብዕቱብ ይከታተሎ ከምዝነበረ ይፍለጥ። ትማሊ ስኑይ፡ ሽወደን ዝተኣታተወቶም ሕጊታት …

ኮሌጅ ካሮሊንስካ ዝገበሮ መባእታዊ መጽናዕቲ ከም ዘመልክቶ፡ ኣብ ዝሓለፈ ሰሙን ጥራይ፡ 5% ካብቶም ኣብ ሸውዓተ መናበይ ዓበይቲ ዝሰርሑ ኣባላት፡ ብቫይረስ ኮሮና ከም እተለኽፉ ተገሊጹ። ካብ ዝሓለፈ ግንቦይ ጀሚሩ፡ ተመራመርቲ ኮለጅ ካሮሊንስካ፡ ኣብ ልዕሊ 3000 ሰራሕተኛታት፡ ኣብ ስቶክሆሎም ዝርከባ እንዳ መናበይ ዓበይቲ፡ መርመራ ኮሮና ከምዘካየደ ተገሊጹ። ኣብ ዝሓለፈ ሰሙን ጥራይ፡ መጠን ብኮሮና ቫይረስ ዝተለኽፉ፡ ሰራሕተኛታት መናበይ ዓበይቲ፡ ብናህሪ ምውሳኹ ከም ተፈልጠን፡ …

መራሕቲ ምምሕዳራት መንግስታት ጀርመን፡ ትማሊ ኣብ ዝሃብዎ መግለጺ፡ ለበዳ ኮሮና ንምዕጋት ዘድልዩ ተወሰኽቲ መምርሒታት ክሳብ ሕዳር 25 ክትግበሩ ዘይምዃኖም ብምሕባር፡ ቻንስለር ጀርመን ኣንግላ መርከል፡ ነቲ ውሳኔ ብትሪ ከምትቃወሞ ገሊጻ ክብል ኣገልግሎት ዜና SVT ሓቢሩ። ነዚ ቫይረስ፡ መዓልታዊ፡ ምቅላስ ኣገዳሲ እዩ ክትብል፡ መርከል፡  ኣገልግሎት ዜና ሮይቴርስ ሓቢራ። ብፍላይ ኣብ ከም በርሊን ዝኣመሰላ ዓበይቲ ከተማታት፡ እቲ ለበዳ ካብ ቁጽጽር ወጻኢ እናኾነ ይመጽእ …