ንዝያዳ ሓበሬታ ብዛዕባ ክሮና

መንግስቲ ሽወደን ለበዳ ኮሮና ንምምካት ለበዳ ኮሮና ዝዉዕል ብመልኽዕ ርእይቶ ዝሓለፈ ሰሙን ዘቕረቦ ግዚያዊ ሕጊ ግዚኡ ዘይሓለወ ወይ ከኣ ደንጉዩ ዝቐረበ ሕጊ ምዃኑ ካብ ፖለቲከኛታት ክሳብ ሕክምናዊ ሞያተኛታት ዝርከብዎም ወገናት ነቐፌታ ኣቕሪቦም። እቲ ንመንግስቲ ሽወደን ቅድሚ ሕጂ ብቕዋም ሃገር ዘይተዋህብዎ ስልጣን ኣብዚ እዋን ለበዳ ንምጥቃም ዘኽእልዎ ዝተፈላለዩ ሕግታት ብባይቶ ሃገር ንምጽዳቕ ዘቕረቦ፣ እማመ ኩሉ ነገር ምስ ኮነ ሕጂ ምቕራቡ ንብዙሓት …

ኣብ ምምሕዳር ከተማ ስቶክሆሎም ዝርከባ ኣሃዱታት ጽዑቕ ሕክምናዊ ምክትታል፡ ዝህበኦ ኣገልግሎታት ኣብ ጥርዙ ከምዝበጸሐ ሓቢረን። ካብቲ ዝለወን ቦታታት፡ እቲ 99% ኣብ ጥቕሚ ይውዕል ከምዘሎን ቅልውላው ለበዳ ኮሮና ካብ ዝጅምር እዚ ተርእዮ ናይ ፈለማ ምዃኑ ጋዜጣ ዳግኔዝ ኒሂተር ገሊጹ። እዚ ኣጋጢሙና ዘሎ ኩነታት፡ ናይ ሞትን ሕየትን ብምዃኑ፡ ሓደገኛ ይገብሮ ክብል ኣብ ዩኒቨርስቲ ካሮሊኒስካ ሓላፊ ጽዑቕ ሕክምናዊ ምክትታል ዝኾነ ቢሮን ፒርሾን ሓቢሩ። …

ሆቴላት፡ ቤት ምግብታት፡ ባህላውን መዘናግዕን ጨንፈራት ኣገልግሎታትን እቶም ቀንዲ ተረባሕቲ ናይቲ ኣብ እዋን ቅልውላው ኮሮና ብመንግስቲ ዝተዋህበ ገንዘባዊ ሓገዝ (ድጎማ) እዮም ክትብል ሚኒስተር ፋይናንስ ሽወደን፡ ማግዳሊና ኣንደርሾን፡ ሓቢራ። መንግስቲ ሽወደን፡ ነቶም ወነንቲ ናእሽቱን ብሕታውያን ኩባንያታትን ብውልቆም ንዝሰርሑ ሰባትን፡ ገዚፍ መጠን ድጎማ ከምዘካየደ፡ ኣንደርሾን፡ ኣብ ዘካየደቶ ጋዜጣዊ ዋዕላ ሓቢራ ክብል መርበብ ሓበሬታ ተተ (TT) ኣቃሊሑ። መንግስቲ፡ ነቶም ብሕታውያን ኩባንያታት ዝገብሮ ድጎማ፡ …

ምሰፍሕፋሕ ለበዳ ኮሮና ንምዕጋት: መንግስቲ: ነቲ ሰባት ካብ ኣባይቶም ኮይኖም ስርሖም ከሰላስሉ ዝብል መምርሒ: መሊሱ ከም ዘትረሮ ተፈሊጡ። እዚ መምርሒ ኣብ ተግባር ንኽውዕል: ኣስራሕቲ: ምቹእ ኲነታት ከደላድሉ ድማ ተላብዩ።  በዓልመዚ ናይ ስራሕ ሃዋሁን በዓልመዚ ህዝባዊ ጥዕናን ምስፍሕፋሕ ለበዳ ኮሮና ንምዕጋት: ብወገን ኣስራሕቲ ክግበሩ ንዝኽእሉ ምኽርታትን መምርሒታትን ከመሓላልፉ ከም ዝግባእ: መንግስቲ: ድሕሪ ምዝኽኻሩ: ሰራሕተኛታት ካብ ኣባይቶም ዝሰርሕሉ ኩነታት ንኽበዝሕ ጸዊዑ። ዝሰርሕ …

ኣብ ዝሓለፈ ወርሒ ሕዳር 2020፡ ቁጽሪ ናይቶም ብመንገዲ መዓርፎ ነፈርቲ ሽወደን ዝተንቀሳቐሱ ገያሾ ብጣዕሚ ትሑት ምንባሩ መርበብ ሓበሬታ ሽወደን ገሊጹ። ሓደ ካብቶም ዓሰርተ መዓርፎ ነፈርቲ ኩባንያ ስዊዳቭያ፡ 386 ሽሕ ዓማዊል ከምዝኣንገደን፡ ምስ ኣብ ተመሳሳሊ ወርሒ ናይ ዝሓለፈ ዓመት ዝነበረ ቁጽሪ ክነጻጸር እንከሎ ብ87% ከምዝጎደለ ተፈሊጡ.። ኣብ ስቶክሆሎም ዝርከብ መዓርፎ ነፈርቲ ብሮማ (Bromma) ዝለዓለ መጠን ምጉዳል ከም ዘርኣየን እዚ ድማ ኣብ …

ከተማ ሄልሲንቦሪ፡ ሓንቲ ካብተን ብለበዳ ኮሮና እተጠቕዓ ከተማታት እያ። ሕጂ ዝለዓለ ለበዳ ኮሮና ዘለዋ ምምሕዳር ከተማ ምዃና ድማ ይፍለጥ። እቶም ተሓጋገዝቲ ሓካይም (ነርስታት)፡ ኣብ ኣዝዩ ጽንኩር ኩነታት ስለ ዘለዉ፡ ነዛ ንዓይኒ ምድሪ ዝኸዱላ ግዜ’ውን የብሎምን ክትብል ኣብ ሆስፒታል ሄልሲንቦሪ፡ ኣብ ጨንፈር ህጹጽ ሕክምናዊ ረድኤት ተሓጋጋዚት ሓኪም ዝኾነት ተረሳ ሞዲን ንሬድዮ ሽወደን ኣብ ዝሃበቶ ቃል ሓቢራ። ንሳ ወሲኻ፡ ብዙሓት ካብ ኣባላትና፡ …

ብበዓልመዚ ህዝባዊ ጥዕና ዝወጹ ኣሃዛት ከም ዘሕብርዎ፡ ኣብ ጽዑቕ ሕክምናዊ ምክትታል ዝቐነዩ ሕሙማት፡ ምስ ዝሓለፈ ጽድያ ክነጻጸር እንከሎ፡ ቅልጡፍ ጥዕናዊ ምምሕያሽ ብምርኣዮም፡ እቲ ናይ ምምሕያሽ ግዜ፡ ካብ 16 ናብ 9 መዓልታት ምውራዱ ብምሕባር፡ ናይዚ ተርእዮ ምኽንያት ከኸውን ከምዝኽእል ዝንገረሉ ድማ፡ ምምዕባል ሕክምና ጸረ ምርጋእ ደም (anticoagulant therapy) ምዃኑ ሬድዮ ሽወደን ሓቢሩ። ብርክት ዝበሉ ካብቶም ብሓገዝ ቨንቲሌተር ዘስተንፍሱ ዝነበሩ ሕሙምት፡ ድሕሪ …

ሃገረ ዴኒማርክ፡ ካብ ረቡዕ 09/12/2020 ጀሚራ ኣደራሻት ሲነማ፡ ትያትራት፡ ቤት መግብታትን ባራትን ክትዓጹ ምዃና ማዕከናት ሓበሬታ ዴኒማርክ ገሊጸን ክብል SVT ኣቃሊሑ። መንግስቲ ዴኒማርክ፡ ንለበዳ ኮሮና ብዝምልከት፡ ሎሚ ኣብ ዝካየድ ጋዜጣዊ ዋዕላ፡ ሓድሽ መምርሒታትን ቀይድታትን ከመሓላልፍ ምዃኑ ተፈሊጡ እኳ እንተሃለወ፡ ማዕከናት ሓበሬታ ዴኒማርክ ግን ነቲ ውሳኔ ብዝምልከት ሓበሬታታት ከምዘመሓላለፋ ይንገር። ብመሰረት ዴኒማርካዊ መርበብ ተለቪዥን Danish TV2 ዝሃቦ ሓበሬታ፡ ካብ ረቡዕ 09/12/2020 …