ዜና

ንገለ ኣዋርሕ ደው ኢሉ ድሕሪ ምጽናሕ፡ ኣብዚ ሕጂ እዋን ዋጋ መግቢ ኣብ ሽወደን መሊሱ ይውስኽ ኣሎ። ዋጋታት መግቢ ዝከታተል ናጻ መርበብ ሓበሬታ “ማት-ፕሪስ-ኮለን ከም ዝብሎ፡ ሲሶ ካብ ኩሉ ኣብ መሸጣታት ዝቐርብ መግቢ ኣብ ወርሒ ጥቅምቲ ወሰኽ ዋጋ ኣርእዩ’ሎ። ዋጋታት ዝሓለፈ ወርሒ ምስ ወርሒ መስከረም ክነጻጸር እንከሎ ብማእከላይ ገምጋም ብ 0.3% ወሲኹ’ሎ። ብፍላይ ድማ ከም ኣሕምልቲን ድሉዋት መግቢታትን ምስ ዘለናዮ ወቕቲ …

ኣመሓደርቲ ሰልፍታት እንተላይ ሰልፊ ዲሞክራትና፥ ፍቓድ መንበሪ ንምስራዝ ዝያዳ ተኽእሎታት ክህሉ ጸዊዐን። እዘን ውድባት ነዚ ጠለብ ዘቕርባ ዘለዋ ሃገራዊ ስግኣት ግብረሽበራ ሽወደን ክብ ዝበለ፥ ምስ ስደት ቀጥታዊ ምትእስሳር ስለዘለዎ እዩ ዝብል ምጒት ኣብ ግምት ብምእታው እዩ። ገለ ምስ ግብረሽበራያን ውድባት ወይ ምስ ስለያ ኮርፖሬሽናት ምትእስሳር ክህልዎም ይኽእል እዩ ተባሂሎም ዝጥርጠሩ ሰባት፥ ፍቓድ መንበሪኦም ክስረዝ ዘኽእል ዝተረረ መምርሒታት ክተኣታቶ እየን እዘን …

ኣቦ ኣንጀሊና ጆሊ ጆን ቮይት፡ ጓሉ ኣብ ኲናት እስራኤልን ሓማስን ዝሃበቶ ርእይቶ “ሓሶት” ምዃኑ ብምንቃፍ ከሲሱዋ። እታ ፍልይቲ ልእኽቲ ላዕለዋይ ኮሚሽን ስደተኛታት ሕቡራት ሃገራት ዝነበረት ጓል 48 ዓመት ተዋሳኢት ኣንጀሊና ጆሊ፡ ኣብ ቀረባ እዋን እስራኤል ኣህጒራዊ ሕጊ ብዝጥሕስ ኣገባብ “ኮነ ኢላ ንህጻናት፡ ደቂ ኣንስትዮ፡ ስድራቤታት፡ መግቢ፡ መድሃኒትን ሰብኣዊ ሓገዝን ዓጽያ” ብምባል ምኽሳሳ ዝፍለጥ እዩ። ከም ግብረመልሲ ናይዚ ክሲ ወዲ 84 …

ኩባንያ ባቡር ፊንላንድ ቪኣር ምስ ዝሓለፈ ዓመት ብምንጽጸር ኣብ ወርሒ ጥቅምቲ ኣብ ርሑቕ ጉዕዞታት ናይ 8% ሓያል ወሰኽ ከምዘርኣየን፡ ኣስታት 1.4 ሚልዮን ጉዕዞታት ከም ዘመዝገበን ገሊጹ። እዚ ወሰኽ ብቐንዱ ምስቲ ኣብ ቀዳመ ሰንበት ዝረአ ዘሎ ልምዲ መገሻታትን ዓማዊል ዝተኣሳሰር እዩ። ካብ ጥሪ ክሳብ ጥቅምቲ ኣብ ዝነበራ ኣዋርሕ 12.6 ሚልዮን ጒዕዞታት ነዊሕ መገሻ ተመዝጊቡ’ሎ። እዚ ኣወታዊ ምዕባለ ቁጽሪ ተጓዓዝቲ ምስቲ ኣብ …

ሽወደን ኣብ ቤላሩስ ደሞክራስያዊ ለውጢ ንምምጻእ ንዝሰርሑ ትካላትን ውልቀሰባትን ተወሳኺ ደገፍ ክትገብር ምዃና ገሊጻ። ሚኒስተር ጉዳያት ወጻኢ ሽወደን ቶብያስ ቢልስትሮም ነዚ ዝገለጸ ትማሊ ሰኑይ ኣብ ርእሰ ከተማ ሊትዋንያ ቪልኒየስ ምስ ሊትዌንያዊ መዘናኡ ከምኡ’ውን መራሒ ተቓዋሚ ሰልፊ ቤላሩስ ሳድላና ቲኺቶቭስኪያ ድሕሪ ዝገበሮ ርክብ እዩ። ሓደ ካብዚ ሽወደን እትገብሮ ሓገዛት ኣብ ቤላሩስ ንዝርከብን መንግስቲ ቤላሩስ ኣብ እዋን ሃገራዊ ምርጫ 2020 እተፈጸሙ ምግሃስ …

ኣብዚ ዓመት ኣብ ሽወደን ክብረወሰን ዝሓዘ ብዝሒ ፍንጀራታት ከምዘጋጠመ ካብ በዓል መዚ ዓቃቢ ሕጊ ዝተረኽቡ ኣሃዛት ኣመልኪቶም። ኣብዚ ዓመት ዛጊት 139 ፍንጀራታት ተፈጺሞም ኣለዉ። ካልእ ፍሉይነት ነይዛ ዓመት እቶም ፍንጀራታት እውን ዝሓየሉ ይኾኑ ምህላዎም እዩ። እዚ ማለት ጸኒሂ ንፖሊስ መርትዖታት ኮይኑ ከገልግሎ ዝኽእል ተረፈ ዕንወት ይርከብ ብዘይምህላዉ ነቲ ገበን ንምምርማሮም ኣሸጋሪ ይገብሮ’ሎ። ከም መርኣያ ናይዚ 30% ካብቶም ምስ ገበን ምፍንጃር …

ድሕሪ ናይ ኣዋርሕ ልዝብ ዝሓለፈ ዓርቢ ምሸት ኩባንያ ክፍሊት ክላርና ምስ ማሕበራት መሃንድሳት ሽወደን ብ ዩንዮነን ብዝተገብረ ጻዕሪ ኣብ ሓባራዊ ስምምዕ በጺሑ። በዚ ድማ ሎም ሰሉስ ክጅምር ተሓሲቡ ዝነበረ ኣድማ ተቛሪጹ’ሎ። ካብ ባሕቲ ጥሪ 2024 ጀሚሩ ክላርና ናብ ትካል ኣስራሕቲ BAO ወይ ኣስራሕቲ ፋይናንሳዊ ጽላት ክጽንበርን ምስ ሰለስተ ማሕበራት ብዝገበርኦ ስምምዕ ክሽፈንን እዩ። ካብዚ ስምምዕ ብዙሕ ክረብሑ እዮም ዝብል ግምት …

ኣብ ሽወደን ዝርከቡ ወጻእተኛታት ተማሃሮን ተመራመርትን ብዙሕ ግዜ ናይ ባንክ ሕሳብ ከም ዝኽልከሉ ብቤት ምኽሪ ላዕለዋይ ትምህርቲ ሽወደን ዝተኻየደ መጽናዕቲ ኣመልኪቱ። “እዚ ምኽልካል ሕሳብ ባንክ ነቶም ተመሃሮን ተመራመርቲን ጥራይ ዘይኮነ ነተን ትካላት ትምህርቲ እውን ብዙሕ ጸገማት የምጽእ ኣሎ” ክብል ማግነስ ሆርቦርተን ካብ ቤት ምክሪ ላዕለዋይ ትምህርቲ ሽወደን ይገልጽ። “እዚ ኲነታት ሽወደን ኣብ ኣህጒራውያን ተመሃሮን ተመራመርቲን ዝጸንሓ ጽቡቕ ስም ዝብርዝ እዩ” …

ንነዊሕ እዋን ፍልይቲ ልእኽቲ ላዕለዋይ ኮሚሽነር ስደተኛታት ሕቡራት ሃገራት (UNHCR) ኮይና ዘገልገለት ከምኡ’ውን ህብብቲ ተዋሳኢት ሆሊዉድን ነጣፊት ሰብኣዊ ሓገዝን ኣንጀሊና ጆሊ፡ እስራኤል ኣብ ቓዛ ዝወሰደቶ ወተሃደራዊ ስጉምትታት ብትሪ ነቒፋ። ብፍላይ ንሰብኣዊ ህልቂት ቓዛ ብምልዓል “ንልዕሊ ዕስራ ዓመታት ገፋሕ ቤት ማእሰርቲ ኮይና እያ ጸኒሓ” ክትብል ኣንጆሊና ተቓውሞኣ ኣስሚዓ’ላ። ክሳብ ህጂ ዝቕጽል ዘሎ ዘስካሕክሕ ክባን ደብዳብን ቓዛ፡ ንስነጥበባውያንን ፍሉጣት ሰባትን ሓዊሱ ብርክት …

ሓድሽ ሕጊ ፍቓድ ስራሕ፡ ዜጋታት ሕብረት ኤውሮጳ ንዘይኮኑን ኣብ ሽወደን ክጸንሑ ዝደልዩን ካብ መጭበርበርቲ ከምዘይከላኸል ማሕበራት ንኣገግሎት ዜና ሬድዮ ሽወደን ሓቢረን።ዳና ነቲ ሓድሽ ደረት 27,360 ክሮና ኣብ ወርሒ ንምምላእ ዝለዓለ ደሞዝ ከምዝተዋህቦኳ ፡ ነቲ ትርፊ ብጥረ ገንዘብ ንኣስራሒኡ ክመልሶ ከም ዝተነግሮ ይገልጽ። ማሕበር ሰራሕተኛታት ሆቴላትን ኣብያተ መግብን፡ ኣብ ልዕሊ ስነ-ምግባር ዘይብሎም ኣስራሕቲ ዝያዳ ምጽራይ ከምዘድሊ በዚ ኣጋጣሚ ኣተሓሳሲቡ’ሎ።