ሃገራዊ ዜና

ሽወደን ካብቲ ኣብ ግንባር ዩክሬን ዝካየድ ዘሎ ክንክን ጭንቀት ኲናት ብዙሕ ክትመሃር ከም እትኽእል ተገሊጹ። ነዚ ዝገለጸ ጥቓ ዶኔትስክ ኣብ ትሕቲ ቀጻሊ ኲናት ዘውርዶ ዕንወት ኣብ ዝዓዪ ክሊኒክ ዝሰርሕ ኣሜሪካዊ ዶክተር እዩ። ንሱን መሳርሕቱን ኣብ ጽንኩር ኩነታት፥ ሕክምናዊ ናውቲ ኣብ ዝሰኣነሉ ኣሸጋሪ ኲነታት ክሰርሑ ከም ዝግደዱ፡ እዚ ድማ ኣይግበሮ እምበር ኣብ ሽወደን ኲናት እንተተኸሲቱ ከጋጥም ንዝኽእል ኲነታት ን ሰብ ሕክምና …

ኣብ ፊንላንድ ዝመደበሩ ኩባንያ ቴክኖሎጂ ቲቶቭሪ፡ ድሕሪ’ቲ ኣብ ሽወደን ኣብ ዝርከብ ማእከል ኣገልግሎት ዳታ ብሃከራት ዝተፈጸመ መጥቃዕቲ፡ ​​ነገራት ናብ ንቡር ንምምላስ ሰሙናት ክወስድ ከምዝኽእል ገሊጹ። ኣብ ሽወደን ዓማዊል ናይቲ ኣብ ክላውድ፣ ዳታን ኣገልግሎት ሶፍትዌርን ትካል ዝኾና ብርክት ዝበላ ትካላት ንግድ፣ ሰብመዚን ካልኦትን በቲ መጥቃዕቲ ከምዝተሃስዩ ተፈሊጡ’ሎ። እዚ መጥቃዕቲ ብጉጅለ ሃከር ኣኪራ ከምዝተፈጸመ እዩ ዝንገር። ኣብ ሽወደን ዝበዝሓ ዩኒቨርሲቲታትን ልዕሊ 30 …

ቀዳማይ ሚኒስተር ሃንጋሪ ቪክቶር ኦርባን፡ ብዛዕባ ምጽንባር ሽወደን ናብ ኔቶ ንምዝርራብ ንኡልፍ ክሪስተርሾን ናብ ቡዳፐስት ዝዕድም ደብዳበ ከምዝለኣኸ ገሊጹ። ምስ ቱርኪ ብምዃን ንመመልከቲ ኔቶ ሽወደን ንምጽዳቕ ነዊሕ ዝደንጐየት ሃንጋሪ፡ ቅድሚ ሕጂ ወከልቲ ሽወደን ናብ ቡዳፐስት ክመጹ ሓቲታ እኳ እንተነበረት፡ ክሳብ ሕጂ ሕቶኣ ተቐባልነት ኣይረኸበን። ክሪስተርሾን ንሱን ኦርባንን ኣብ ሕብረት ኤውሮጳ ስሩዕ ኣኼባታት ከምዘለዎም ጠቒሱ’ሎ።

ባይቶ ቱርክ ሽወደን ናብ ወተሃደራዊ ኪዳን ሰሜን ኣትላንቲክ ኔቶ ክትጽንበር ዘቕረበቶ ሕቶ ኣጽዲቑ። ፕረዚደንት ቱርክ ረሲፕ ጠይብ ዔርዶጋን ሕጂ ነቲ ውሳነ ክታሙ ከንብት ትጽቢት ይግበረሉ’ሎ። ባይቶ ሃንጋሪ ገና ኣብ ሕቶ ሽወደን ድምጺ ኣይሃበን ኣሎ። ኣባላት ባይቶ ቱርክ፡ ሽወደን ናብ ኔቶ ክትጽንበር ንነዊሕ እዋን ከደናጒዮ ድሕሪ ምጽናሕ ነቲ ሕቶ ምጽዳቓ፡ ኣብ መንገዲ ኣባልነት እታ ኖርዲካዊት ሃገር ዓብዪ ስጉምቲ ንቕድሚት ዝውክል እዩ። …

ቀዳማይ ሚኒስተር ሽወደን ኡልፍ ክሪስተርሾን፥ ንመዘናኡ ፊንላንዳዊ ፔተሪ ኦርፖን ከምኡ’ውን ፕረዚደንት ኮሚሽን ኤውሮጳ ኡርሱላ ፎን ደር ሌየንን ሎሚ ኣብ ስቶክሆልም ብምቕባል፥ ኣብ ኣግራብን ዘላቕነትን ኣገዳሲ ዝርርብ ክገብር እዩ። ሽወደንን ፊንላንድን ነቲ ኣባል ሃገራት “ብዝተኻእለ መጠን” ካብ ምትካል ሓደ ዓይነት ኣርእቲን እጸዋትን ከምኡ’ውን ካብ ላጻዪ ምቊራጽ ኣግራብ ክቑጠባ ኣለወን ንዝብል ክፋል ስትራተጂ ውጥን ምግራብ ሕብረት ኤውሮጳ 2030 ክቃወማ ጸኒሐን እየን። ንርክብ …

ኣብ ዝሓለፈ ቀዳመ-ስንበት ኣብ ሽወደን ኣብ ዝርከብ ትካል ሶፍትዌርን ወሃቢ ማእከል ኣገልግሎት ዳታን ሓበሬታን ቲየቶቭሪ ዝኾነ ድሕሪ ዝተፈጸመ መጥቃዕቲ “ራንሶምዌር” ሓያሎ ኩባንያታት ኣብ ጸገም ምህላወን ተገሊጹ። ሓደ ካብቶም ዝተጎድኡ ትካላት ንግዲ ዝኾነ ሰንሰለት ሲነማ ፊልምስታደን፡ ብኢንተርነት ኣቢሉ ምዝገባ ከካይድ ይዂን ካርድ ማሽናቱ ክጥቀም ብዘይምኽኣሉ፡ ክፍሊት ስዊሽ ክጥቀም ምግዳዱ ተፈሊጡ። ገለ ዞባዊ ምምሕዳራትን ከተማታትን እውን በዚ ብኣሉታ ተጸልየን ምህላወን ሬድዮ ሽወደን …

መንበሪ ፍቓድ ዘይብሎም ሰባት ኣብ ሽወደናዊ ትካል ተጣባቒ ሰብኣዊ መሰላት ዝኾነ ክሊኒክ “ዶክተርስ ኦቭ ዘ ዎርልድ” ኣገልግሎት ይረኽቡ ኣለዉ ። ዓሚ ክሊኒካቶም ኣስታት 1900 ሰብ ከም ዝረኣያ እዚ ድማ – ምስቲ ኣብ 2022 ዝነበረ እንክወዳደር ብ 30% ዝዛይድ ምዃኑ ተፈሊጡ። ብዙሓት ሕሙማት ክረኽብዎ ዝግባእ ህዝባዊ ክንክን ጥዕና ይኽልከሉ ከምዘለዉ ሓያሎ ትካላት ይገልጻ’ለዋ። ካልኦት ድማ ናብ ሰብመኢ ከይስትለሙ ብምስጋእ ክንክን ካብ …

መንግስቲ ንዩክሬናውያን ስደተኛታት ዝወሃብ መዓልታዊ ኣበል ከምዘይውስኽ፥ ኣብ ክንድኡ ዩክሬናውያን ኣብ መዝገብ ህዝቢ ንኽኣትዉ ነቲ መስርሕ ከቀላጥፍ ድሌት ከም ዘለዎ ተገሊጹ። እዚ ድማ ንዩክሬናውያን ዝያዳ ተበጻሕነት ኣገልግሎት ክንክን ጥዕና፡ ማሕበራዊ ውሕስነት፥ ሓገዝ ኤጀንሲ ሽቕለትን ገለ ካልእ ጥቕምታትን ክህቦም እዩ ክትብል ሚንስተር ኢኒግሬሽን ማርያ ማልመ ስተነጋድ ን ሬድዮ ሽወደን ገሊጻ’ላ። ርግጽ’ዩ፡ እዚ ንውሕ ዝበለ ሕጋዊ መስርሕ ዝሓትት ብምዃኑ ግዜ ክወስድ ይኽእል …

ትካል ክሊማ ሽወደን ኣስታት ን ህቦብላ ኢሻ ምኽንያት ብምግባር 30 መጠንቀቕታታት ኩነታት ኣየር ኣውጺኡ፡፡ ህቦብላ ኢሻ ናብ ሽወደን ከቢድ ዝናብ፡ ህቦብላን ዕልቕልቕን ሒዙ ምምጽኡ እቲ ትካል ኣጠንቂቑ’ሎ። እዚ ህቦብላ ዘምጽኦ ዕልቕልቕ፣ ብርቱዕ ንፋስ፣ መሸንቦባን በረድን ዝበዝሖ ጽርግያታትን ድሮ ኣብ ሓያሎ ቦታታት ንህዝባዊ መጓዓዝያ ጸገም ፈጢሩ’ሎ። እዚ ህቦብላ ብፍላይ ኣብ ደቡባዊ ክፋል እታ ሃገር–ስኮርና–ብርክት ዝበለ ጒዕዞ ባቡርን ኣውቶቡሳትን ንኽስረዝ ምኽንያት ኮይኑ’ሎ። …

ማርከስ ዋንድት ናብ ጠፈር ተወንጪፉ ናብ ዓለምለኻዊ መደበር ህዋ ገጹ ይኸይድ ኣሎ። እዚ ሽወደናዊ ፓይለት ነፋሪት ኲናት ድሕሪ ናይ ተስዓ ደቓይቕ በረራ ኣብ ዝገበሮ ሓጺር ርክብ፡ እታ ‘ፋልኮን 9’ ዝተሰምየት ሮኬት ካብ ፍሎሪዳ ክትውንጨፍ ከላ ብዘርኣየቶ ቅልጣፈን ፍጥነትን ምግራምን ሓጎስን ከም እተሰምዖ፡ ኣብ ጠፈር ምህላው ዝስምዓካ ስምዒት ድማ ‘ብርቱዕ ሓጎስ” ክብል ገሊጽዎ’ሎ። ሰራሕተኛታት ‘ስፔስኤክስ’ ሰንበት ንግሆ ሰዓት 11.15 ኣብ ኣህጒራዊ …