ሃገራዊ ዜና

ኣስታት 25% ሽወደናውያን ብዘይሕጋዊ መንገዲ ፊልምታትን ተለቪዥንን ከም ዝርእዩ “ሚድያቪዥን” ኣብ ቀረባ እዋን ዘካየዶ ሓደ ዳህሳስ ሓቢሩ። እዚ ኣሃዝ ቅድሚ ዓሚ ካብ ዝነበሮ 20% እዩ ናብ 25% ወሰኽ ኣርእዩ ዘሎ። ብፍላይ ድማ ኣስታት 50% ካብ መናእሰይ ሽወደን ብዘይ ግቡእ ክፍሊት ፊልምን ፕሮግራማት ቲቪን ይርእዩ ኣለዉ። እዚ ዘይሕጋዊ ኣገባብ ንኢንዱስትሪ ተሌቪዥንን ምዝንጋዕን ብዙሕ ክሳራ ዘስዕብ እዩ ትብል ተንታኒት ሚድያቪዥን ናታልያ ቦረሊየስ።

ብመሳርሒ ኣርቲፊሻል ኢንተለጀንስ ዝመሃዙ ናይ ሓሶት ቪድዮታት ኣብ እዋን ጎስጓስ ምርጫ እናተጋደደ ዝመጸ ጸገም ክፈጥሩ እዮም ብል ስግኣት ምህላዉ ተሓቢሩ። ኣብ “ኤጀንሲ ምክልኻል ስነ-ልቦና” ሽወደን ላዕለዋይ ተንታኒ ኣንድርያስ ኤደቫልድ “ሓደ ፖለቲከኛ ዝበሎ ብምጥምዛዝ ወይ ምሉእ ብምሉእ ኣምሲልካ ዘይተባህለ ሓበሬታ ብምርጋሕ፡ ህዝቢ ኣብ ሓደ ፖለቲከኛ ወይ ዝውክሎ ሰልፊ ዝጸንሖ እምነት ንኸንቈልቊል፥ በዚ ድማ ውጽኢት ምርጫ ንምቕጽልባስ ክጥቀሙሉ ይኽእሉ እዮም” ይብል። ድሮ …

ስድርኦም ካብ ቤቶም ይስጐጒ ብምህላዎም ቆልዑ ተሰከምቲ ኣሉታዊ ጽልዋ ይኾኑ ከምዘለዉ ህዝባዊ ኣገልግሎት ተለቪዥን ሽወደን SVT ሓቢሩ። ዓሚ ኣብ ወርሓት ጥሪ ክሳብ ሕዳር 610 ህጻናት በዚ ኲነታት ከምዝተሃስዩን እዚ ድማ ምስቲ ቅድሚኡ ዝነበረ ዓመት ክነጻጸር እንከሎ ኣዝዩ ወሰኽ ከምዘርኣየ እታ ተሌቪዥን ጸብጺባ’ላ። ብመሰረት ሃገራዊ ትካል ምኽፋል ዕዳ “ክሮኖፎግደን” ድሕሪ ፋይናንሳዊ ቅልውላው 2008 ካብ ዝነበሩ ዓመታት ጀሚሩ፡ ክንድዚ ዝኣክል ብምስጓጒ ስድራቤት …

ላዕለዋይ ኣዛዚ ሰራዊት ሽወደን፡ ኩሉ ኣብታ ሃገር ዘሎ ሰብ ንኲናት ስነኣእምሮኣዊ ድሉውነት ክህልዎ ከም ግባእ ገሊጹ። ኩነታት ጸጥታ ኣውሮጳ ድሕሪ ካልኣይ ኲናት ዓለም ከምዚ ሕጂ ዘለዎ ጌሩ ከቢዱ ከም ዘይፈልጥ እቲ ላዕለዋይ ኣዛዚ ወሲኹ ኣመልኪቱ። ሩስያ ንሽወደን ድሮ ስግኣት ኮይና ኣላ ዝኸፍአ ጸጥታዊ ስግኣት እውን ክስዕብ ይኽእል እዩ ይብል ላዕለዋይ ኣዛዚ ሚካኤል ባይደን።

ዝሓለፈ ሰሙን ዋላኳ ከቢድ መጠንቀቕታ ኩነታት ኣየር እንተወጸ፡ ነቲ ኣብ ስካን ኣብ ሞተር ዌይ E-22 ኲለን ተሽከርከርቲ ደው ክብላ ብምቕሳብ ገዚፍ ዕልቕልቕ ትራፊክ ዝፈጠረ ብርቱዕ በረድን ንፋስን ብዝምልከት፡ ኣገዳሲ ህዝባዊ መተሓሳሰቢ ኣይተላእከን ዝብል ወቐሳ ቀሪቡ። ብምኽንያት እቲ ኲነታት ኣየር ገለ መራሕቲ መካይን ክሳብ ዕስራ ሰዓታት ኣብ መካይኖም ተዓጽዮም ክጸንሑ ተገዲዶም እዮም። ምምሕዳር መጓዓዝያ ሽወደን ብዛዕባ እዚ ኲነታት ኣየር ዘድሊ ሓበሬታ …

ቀዳማይ ሚኒስተር ሽወደን ኡልፍ ክሪስተርሰን ኣብ ዋዕላ ምክልኻል ኣብ ዝሃቦ መግለጺ፡ ኩሉ ሽወደናዊ ዜጋ ክኸውን ዝደሊ ሰብ፡ ምእንቲዛ ሃገር ህይወቱ መስዋእቲ ምግባር ክሓስበሉ ይግባእ ኢሉ። መራሒ ሰልፊ ዓቃባዊ ሞደራትና ክሪስተርሾን ብወገኑ ብቕድሚ ትማል ሶኑይ ኣብ ዓመታዊ ዋዕላ ምክልኻል “ፎልክ ኦክ ፎርስቫር” ኣብ ዝሃቦ መደረ ጒዳይ ዜግነት ኣልዒሉ’ሎ። “ኣብ ኲናት እቲ ኣዝዩ ኣገዳሲ ሃብቲ ሓንቲ ሃገር፡ ህዝቢ ንነብሱ ንምክልኻል ዘለዎ ሓባራዊ …

ኣብ ጽርግያታት ሽወደን ከይዝወራ እተኣገዳ አገልገላ መካይን ብዘይሕጋዊ መንገዲ ካብታ ሃገር ወጺአን ኣብ ናይጀርያ ብኽቡር ዋጋ ናብ ዕዳጋ ከምዝቐርባ ሬድዮ ኒውስ ሽወደን አካየደቶ ዳህሳሳዊ ጸብጻብ ኣመልኪቱ ። እተን መካይን ዝሽየጣሉ ዘለዋ ኣገባብ መብዛሕትኡ ግዜ ዓሎቕ ዝመልኦ ምዃኑ — ኣብ ፋልኮፒንግ ካብ ዝርከብ ጆርገን ቤንግትሰን ቫን ዝገዝአ ሰብ ድማ ቅያር ዋንነት ኣመዝጊቡ ከም ዘይፈልጥ ሬድዮ ሽወደን ኣጣሊላ’ላ። “እዚ ምትላል እምበር ካልእ …

ሽወደንን ፖላንድን ኣብ 2029 ሓንቲ ርእሰ ከተማ ባህሊ ኤውሮጳ ከአንግዳ እየን። ኣብ ሽወደን ክልተ ከተማታት ማለት ኣብ ማእከላይ ሽወደን እትርከብ ዩኒቨርሲቲ ኡፕሳላን፡ ካብ ዓንኬል ኣርክቲክ ልዕል ኢላ እትርከብ ከተማ ኪሩናን ነዚ ክብሪ መን ዝያዳ ትበቅዕ ኣብ ውድድር ይርከባ ኣለዋ። ኣካያዲ ፕሮጀክት ምምሕዳር ኡፕሳላ ፓትሪክ ኪራሊ ከተማኡ ናይ ገዛእ ርእሳ መንነት ንምድላይ ኣብ ጻዕሪ ምህላዋ ድሕሪ ምግላጽ “ን ፓሪስ ወይ ሮማ …

ኣብ ባቕዳድ ዝተፈጸመ ቅትለት ሽወደናዊ መራሒ ጉጅለ ገበን ኣብ ሽወደን ኣብ ዝፍጸም ጎነጽ ጕጅለታት ጽልዋ ክህልዎ እዩ ክብል ፖሊስ ሽወደን ሓቢሩ። ምስዚ ቅትለት ብተኣሳሰር፥ ኣብኢ ኣብ ርእሰ ከተማ ዒራቕ ዝተፈጸመ ቅትለት ኢድ ከምዘለዎምን ዝጥርጠሩ ተወሰኽቲ ሰለስተ ሽወደናውያን ኣብ ትሕቲ ቀይዲ ከምዝኣተዉን ተፈሊጡ። እቲ ቪድዮ ቅትለት ብኢንተርነት ይዝርጋሕ፡ ምስኡ ድማ ናይ ምፍርራሕ መልእኽቲ ይመሓላለፍ ምህላዉ ሬድዮ ሽወደን ኣተሓሒዛ ጸብጺባ’ላ።

ዋጋታት ሃለኽቲ ኣብ ወርሒ ታሕሳስ ብ 2.9% ከምዝወሰኸን፡ እዚ ድማ ነቲ ብ 20 ሃገራት ዝቖመ ገንዘባዊ ሕብረት ን 13 ኣዋርሕ ከም ዝዝሕል ዝገበረ ዝቕባበ ምዝዛሙ ዝሕብር ምዃኑ ዩሮስታት ብዓርቢ ኣብ ዘውጽኦ መባእታዊ መረዳእታ ኣመልኪቱ። ኣብ ፊንላንድ ዝቕባበ ዋጋታት 1.5% ከምዝበጽሐ እቲ መረዳእታ ይሕብር። ስሎቫክያን ኦስትርያን ብ 6.6 ክምኡ’ውን 5.7% ዝለዓለ ወሰኽ ዋጋታት ሃለኽቲ ኣርእየን ኣለዋ። ብኣንጻሩ ኣብ ቤልጅየምን ኢጣልያን ዝቕባበ …