ስራሕን ቁጠባን

መንግስቲ ሽወደን ምስ መሻርኽቱ ዝኾና ፖለቲካውያን ዉድባት ሽወደን ብሓባር ብምዃን ብዝበጽሖ ስምምዕ መሰረት፣ ነቲ ካብ ምጅማር ለበዳ ኮሮና ኣትሒዙ ትካላት ንዝበጽሐን ቁጠባዊ ሃስያ ንምሕዋይ ዝተመደበ ሓገዝ ከምዘለዎ ክጸንሕ ከምዝወሰነ ሓቢሩ። ብመሰረት ምስ መሻርኽቲ ሰልፍታት ዝተበጽሐ ምርድዳእ፣ መንግስቲ፡ ንትካላትን ካልኦት  ክፍልታት ሕብረተሰብን ብሰንኪ ለበዳ ኮሮና ንዝወርዶም ቁጠባዊ ሃስያ ንምሕዋይን፣ ምዉንዛፍ ካብ ምኽፋል ኣታዊ ግብርን፣ ዘጠቓልል ደገፍ ምዃኑ፣ ክፍለጥ ተኻኢሉ ኣሎ። እዚ …

ኣብ ሽወደን ዘሎ ቁጽሪ ደለይቲ ስራሕ፡ ብዙሕ ለውጢ ከይገበረ፡ ኣብ ዘለዎ ደዉ ኢሉ ምህላዉ፡ ሎሚ ንግሆ፡ ዝተፈነወ ሓበሬታ ኣመልኪቱ። ዋላ’ኳ ኣብዚ ዝሓለፈ ሰሙን ልዕሊ 12 ሽሕ ዝኣኽሉ ሓደሽቲ ደለይቲ ስራሕ ኣብ መላእ ሃገር እንተተመዝገቡ፡ እቲ  ብሃገር ደረጃ ተመዝጊቡ ዘሎ  ቁጽሪ ደለይቲ ስራሕ ማለት  456 ሽሕ ከምዘይቀየሮ ካብ ቤት ጽሕፈት ዕዮ ዝወጸ ሰሙናዊ ጸብጻብ ኣረጋጊጹ ኣሎ።  ብዘይካ እዚ፡ ቁጽሪ መንሰያት ደለይቲ …

ሽወደናዊ ኩባንያ ቮልቮ (AB Volvo)፡ ሓደስቲ ዝዓይነተን ብኤሌክትሪክ ዝስርሓ ናይ ጽዕነት መካይን፡ ኣብቲ ኣብ ከተማ ዮቶቦሪ ዝርከብ ፋብሪክኡ ምፍራይ ክጅምር ምዃኑን እዚ ድማ ናይ ስራሕ ዕድላት ክኸፍት ከምዝኽእል ተገምጊሙ ኣሎ። ኩባንያ ቮልቮ፡ ነዘን ካብ ዞባ ናብ ዞባ ክጓዓዛ ዝኽእላ ናይ ጽዕነት መካይን ከፍሪ ምጅማሩን እዘን መካይን ድማ ሓንሳብ ብኤሌክትሪክ ምስ ተመልኣ፡ ክሳብ 300 ኪሎ ሜትሮ ክጓዓዛ ከምዝኽእላ ተፈሊጡ ኣሎ። እዚ …

ኩለን መባእታ ቤት ትምህርታት፡ ንሰራሕተኛታተን ካብ መልከፍቲ ኮሮና ንምክልኻል ዘድልዩ ናውቲ ክቕርባ፡ በዓል መዚ ምክትታል ናይ ስራሕ ሃዋሁ ከምዝወሰነ መርበብ ሓበሬታ ተተ (TT) ኣቃሊሑ።     እዚ ውሳኔ፡ ድሕሪ ካብ ወኪል ውሕስነት ናይ ሓንቲ ኣብ ምምሕዳር ከተማ ባሪስ (Bergs) እትርከብ መባእታ ቤታ ትምህርቲ፡ ዝመጸ ጥርዓን፡ ከምዝጸደቐ ይፍለጥ። ብድሕሪ’ዚ፡ እቲ በዓልመዚ፡ ነታ ቤት ትምህርቲ፡ ዝግባእ ማስክ፡ ጓንትን መሸፈን ገጽን ከተቕርብ ከምዘገደዳ ይፍለጥ። …

ደቆም ከይሓመሙ፡ ደቅና ሓሚሞም ብምባል፡ ደቆም ንኽናብዩ ዕረፍቲ ዝወስዱ ወለዲ (VAB)፡ ንዝፍጽምዎ ናይ ምትላል መስርሕ ብኸመይ ኣገባብ ንምቁጽጻሩ ንምጽናዕ፡ መንግስቲ፡ ወግዓዊ መርመራ ከምዝጀመረን ንህሉው መስርሕ ካሕሳ ናይ ከምዚኦም ዝኣመሰሉ ዕረፍታት ዝምልከት ድማ ምሕዳስ ከምዘድልዮም ሓቢሩ ክብል መርበብ ሓበሬታ ተተ (TT) ኣቃሊሑ። ወለዲ ንዝሓመሙ ደቆም ንኽኣልዩ ዘኽእል መሰል ቅድሚ 40 ዓመታት ካብ ዝውሰን ኣትሒዙ፡ ኣብ ናይ ስራሕ ሂወት፡ ብዙሕ ለውጢታት ተፈጢሮም …

ናብ ሽወደን ዝኣተዉ ሓደስቲ ስደተኛታት፡ ንመትከል እግሪ (försörjningsstöd) ተባሂሉ ብመንግስቲ ዝዋሃብ ሓገዝ ንኽረኽቡ፡ ቋንቋ ሽወደን ምምሃር ከም ቅድመ ኩነት ክስራዕ ኣለዎ ዝብል፡ ብማእከላይን ሊበርላዊን ሰልፊታት ተደጊፉ፡ መንግስቲ፡ ሓድሽ እማመ ናብ ሽማግለ ሕጊ ምቕራቡ  መርበብ ሓበሬታ ተተ (TT) ገሊጹ።  ብኸምዚ ኣገባብ፡ ስደተኛታት ኣብ ትምህርቲ ቋንቋ ሽወደን ብዝለዓለ ደረጃ ንኽሳተፉን ብኡ ኣቢሎም ድማ  ናብ ዕዳጋታት ሽቕለት ዝዓበየ ዕድላት ንኽረኽቡ ተባሂሉ ዝወጸ እማመ …

ቤት ፍርዲ ፌደራላዊ ምምሕዳር ከተማ ላይፕዚግ፡ ብሰሉስ ኣብ ዝሃቦ ቃል፡ ንጀርመን ምስ ዴንማርክ ዘራኽብ ናይ ትሕቲ ባሕሪ ገለርያ፡ ክህነጽ ምስምምዑ ካብ ጀርመን ዝወጹ ጸብጻባት ቁጠባ ኣመልኪቶም። ጀርመናዊት ከተማ ቫይማርን (Weimarn) ምስ ዴንማርካዊት ደሴት ሎላንድ (Lolland) ዘራኽብ 18 ኪሎሜትር ዝንውሓቱ ገለርያ ናይ ምህናጽ መሰል ምርካባ ተፈሊጡ። እዚ ፕሮጀክት ክህነጽ የብሉን ዝብሉ ዝነበሩ ናይ ሕጊ መስርሓት ድሕሪ ምንጻጎም ዝስዕብ ዘሎ ውሳነ ምዃኑን …

ማሕበር ፈደረሽናት ምምሕዳር ከተማ (Kommunal) ምስ ማሕበር ኣስራሕቲ ኣብ ዝሓለፈ ቀዳመ ሰንበትን ሰኑይን ድሕሪ ዘካየዶ ጽዑቕ ዘተ፡ ንጉዳይ ወሰኽ ደሞዝ ሰራሕተኛታት ምምሕዳር ከተማ ብዝምልከት፡ ኣብ ስምምዕ ከምዝበጽሐ ኣዊጁ። እቲ ወሰኽ ደሞዝ ድማ 5.4% ክኸውን ከምዝተወሰነን፡ ክሳብ መወዳእታ ናይዚ ዓመት ድማ ንነፍሲ ወከፍ ሰራሕተኛ ኣብ ሓደ እዋን ናይ 5500 ክሮን ክኽፈል ከምዝወሰነ መርበብ ሓበሬታ SVT ኣቃሊሑ። ወሰኽ ደሞዝ ሰራሕተኛታት ምምሕዳር ከተማ፡ …

ንጉዳይ ደሞዝ ናይቶም ኣብ ምምሕዳራት ከተማ ዝሰርሑ ኣባላት ብዝምልከት፡ ኣብ መንጎ ማሕበር ኣካዳሚያውያን (SSR) ናይ ምምሕዳራት ማሕበር ኣስራሕትን (SKR) ክካየድ ዝጸንሐ ዘተ፡ ብስምምዕ ክልቲኦም ወገናት ከምተዛዘመን ንድሕሪት ተመሊሱ፡ ካብ ዝሓለፈ ወርሒ ሚያዝያ፡ ጀሚሩ ድማ ወሰኽ ናይ ደሞዝ ክግበር ምዃኑ ተፈሊጡ ክብል መርበብ ሓበሬታ ተተ (TT) ኣቃሊሑ። ክልቲኦም ወገናት ሎሚ ኣብ ዘካየድዎ ጋዜጣዊ ዋዕላ፡ እቲ ስምምዕ፡ ንኣርባዕተ ዓመታት ዝጸንሕ ምዃኑ እኳ …