ፖሎቲካ

ኣብዚ ሰሙን መንግስቲ ሽወደን ናብ ኔቶ ንምጽንባር ግዜኡ ከም ዘይኣኸለ ምግላጹ ዝዝከር ኮይኑ እቲ ብ ቀዳመይቲ ሚኒስተር ማግዳሌና ኣንደርሾን ዝተዋህበ ስነመጎት ድማ ሽወደን ናብ ኔቶ እንተተጸንቢራ ጸጥታ ሰሜናዊ ኣውሮጳ ክዝረግ እዩ ዝብል እዩ።. እንተኾነ ግና ባይቶ ሽወደን ኣብዚ ጒዳይ ኣብ ክልተ ከም እተመቕለን ብርክት ዝበላ ሰልፊታት ናብ ወተሃደራዊ ሽርክነት ኔቶ ምጽንባር ከም ዝድግፋን ሬድዮ ሽወደን ገሊጻ’ላ። ሓደ ካብዚኣቶም ሊበራላዊ ሰልፊ …

ኣብ ሽወደን ብፍላይ ድማ ኣብ ደቡባዊ ሽወደን ፓስፖርት ንምሕዳስ ነዊሕ መስርዕ ተፈጢሩ ምህላዉ ተገሊጹ። ፓስፖርቶም ክሕደሰሎም ዝደልዩ ሰባት ኣብ ከባቢኦም ብዝርከብ መደብር ፖሊስ ኣቢሎም ቦታ ክሓዝኡ ከም ዝኽእሉ ዝገለጸ እቲ ሓበሬታ እንተኾነ ግና ኣብ ገሊኡ ቦታታት ሕዙእ ቦታ ኣዝዩ ብምውሓዱ ንምርካብ ኣሸጋሪ እንኾነ ይመጽእ ምህላዉ ሬድዮ ሽወደን ኣመልኪታ።

መንግስቲ ኣብ ዝሓጸረ እዋን ን ወጻኢታት ምክልኻል ብ 2% ሓፈሻዊ እቶት ሽወደን ከዕብዮ ድሌት ከም ዘለዎ ቀዳመይቲ ሚኒስተር ማግዳሌና ኣንደርሾን ገሊጻ።. ኣብ ዝሓለፈ ዓመት ሽወደን ንምክልኻል እትገብሮ ወጻኢታት ክውስኽ ምጽንሑ ዝገለጸ ጸብጻብ ሬድዮ ሽወደን ኣንደርሾን ትማል ሓሙስ ንባይቶ እታ ሃገር ኣብ ዘቕረበቶ እማመ ንምክልኻል ዝወጽእ ባጀት ናብ 108 ቢልዮን ክሮና ክብ ክብል ምሕታታ ወሲኹ ኣረዲኡ’ሎ። ብዘይካዚ መንእሰያት ኣብ ዝመጽእ ዓመታት …

ዝተፈላለዩ ህዝብታትን ኲባንያታትን ዓለምና ንሰራዊት ዩክሬይን ዝውዕል ኣስታት 3.5 ቢልዮን ዶላር ምውፋየን ማእከላይ ባንክ ዩክሬይን ገሊጹ። ብመሰረት ሓበሬታ እዚ ባንክ እዚ ገንዘብ ካብ ከምኒ ሽወደን፡ ፊንላንድ፡ ኣመሪካን ካልኦት ሃገራትን እዩ ተረኺቡ። ሰራዊት ዩክሬይን ኣብ ዝገብሮ ዘሎ ኲናት ንዕጥቂ ስንቂን መግቢን ዝኸውን ገንዘብ ከም ዘድልዮ ካብ ዩኒቨርሲቲ ምክልኻል ፒተር ሊደን ንሬድዮ ሽወደን ኣብ ዝሃቦ ሓበሬታ ኣመልኪቱ”ሎ።

ቊጽሪ ሓተትቲ ዕቚባ ዩክሬይን ወሲኹሉ ኣብ ዘለወሉ ኣብዚ ሕጂ እዋን ንስደተኛታት ዩክሬይን ኣስታት 8,000 ናይ ህጹጽ እዋን መጽለሊ ይድለ ከም ዘሎ ዳይረክቶሬት ኢሚግሬሽን ኖርወይ ኣፍሊጡ። “ምስቶም ኣቐዲምና መቓን ስምምዕ ዝጸንሓና ኣቕረብቲ ኣብ ምርድዳእ በጺሕና ኣለና” ክብል እቲ ዳይረክቶሬይት ኣብ ዝሃቦ ጋዜጣዊ መግለጺ ኣብሪሁ’ሎ። እቲ መጽለሊ ተዳልዩ ንጠቕሚ ክፉት ክሳብ ዝኸውን ገለ ግዜያት ከድሊ እዩ ዝበለ እቲ ዳይረክቶረይት ክሳብ 25 ለካቲት …

ኣብታ ብብዝሒ ህዝቢ ዝቕመጣ ዞባ ሽወደን ሕጂ’ውን ኣማኢት ሰባት ብ ኮቪድ ተታሒዞም ኣብ ሆስፒታል ይእለዩ ምህላዎም ተገሊጹ። ኣብቲ ዞባ ክኢላ መብጣሕቲን ኣመሓዳሪን ማሕበር ሓካይም ሽወደንን ጆሃን ትሪረድ ን ሬድዮ ሽወደን P4 ስቶክሆልም ኣብ ዝሃቦ ሓበሬታ “ኣብዚ ምምሕዳር ዛጊት ካብ 300-400 ዝኾኑ ሕሙማት ኣብ ሆስፒታል ይእለዩ ኣለዉ፡ ኮቪድ-19 ክንድቲ እተተስፈናዮ ኣይጎደለን” ክብል ገሊጹ’ሎ።   ሽወደን መምርሒታት ኮቪድ-19 ካብ እተልዕል ዳርጋ ወርሒ …

ምስ ምኽሳት ወራር ሩስያ ኣብ ልዕሊ ዩክሬይን ሽወደን ፖሊሲ ጸጥታኣ ክለሳ ክትገብረሉ ትኽእል እኳ እንተኾነት ሽወደን ናብ ኔቶ ናይ ኣባልነት ሕቶ እተቕርበሉ ግዜ ሕጂ ኣይኮነን—-ግዜኡ ገና ኣይኣኸለን– ክትብል ሚኒስተር ጒድያት ወጻኢ ሽወደን ኣን ሊንድ ሓቢራ። ብዛዕባ ኣብ ዩክሬይን ዝካየድ ዘሎ ኲናት፡ ውጽኢታት እገዳ፡ ኲነታት ጸጥታ ሽወደንን ኣባልነት ኔቶን ኣመልኪታ ን ሬድዮ ሽወደን ፍሉይ ሓበሬታ ሂባ’ላ። ንሳ ኣብቲ ጻንሒታ “ኣብ እዋን …

ብምኽንያት ወራር ሩስያ ግዳያት ዝኾኑ ዩክሬናውያን ንምሕጋዝ ተባሂሉ ኣብ ኖርወይ ኣብ ዝተኻይደ ኮንሰርት 75 ሚልዮን ክሮና ከም እተኣከበ ተገሊጹ። ኣብዚ ብ 7 መጋቢት ዝተኻየደ ኮንሰርት ከምኒ ቲርጊቭ ስካውግ፡ ያርል በርንሆፍትን ማርያ መናን ሙዚቃዊ ስርሓት ኣቕሪቦም።  እዚ ዝተኣከበ ገንዘብ ብ ማሕበር ቀይሕ መስቀል ፡ ቆንስል ስደተኛታት ኖርወይ፡ ህጻናት ኣድሕን፡ ካሪታስ፡ ረዴት ቤተክርስትያን ኖርወይ ኣቢሉ ክመቓራሕ እዩ ተባሂሉሎ። እዘን ትካላት ብቐጥታ በቲ …

መንግስቲ ብዛዕባ እዞም ካብ ሩስያ ዝኣተዉ ዘለዉ ኣቕሑ ብኸመይ ክተሕእዙ ከም ዝግባእ ንጹር መምርሒታት ከሕልፍ ከም ዝግባእ ጽላት መጓዓዝያ ሽወደን ጻውዒት ኣቕሪቡ። መራብ ሩስያ ኣብ ወደባት ሽወደን ጽዕነተን ከራግፋ ምህላወን ብደረጃ ኣውሮእጵዊ ሕብረት ዘተ ከም እተኸይደሉ መንገስቲ ገሊጹ’ሎ። እንተኾነ ግና ገለ ማሕበራት ነዘን መራኽብ ኣብ ወደባት ሽወደን ኸየዕርፋ ንኽኽልክሉ ፍቓድ ክወሃቦም ንመንግስቲ ሕቶ ኣቕሪቦም ኣለዉ።

ኣብ ዩክሬይን ዘሎ ቅልውላው ዘስዓቦ ናህሪ ዋጋ ጋዝ ኣብ ቀረባ ግዜያት ምውሳኽ ዋጋታት መግቢን ዝቕባበን ከኸትል ከም ዝኽእል ተገሊጹ። ወሰኽ ዋጋ ነዳዲ ብቐጥታ ኣብ ዋጋ መግቢ ጽልዋ ክህልዎ እዩ ክብሉ ተንተንቲ ቊጠባ ንሬድዮ ሽወደን ኣብ ዝሃብዎ ሓበሬታ ገሊጾም ኣለዉ። ዋላኳ እዚ ወሰኽ ክሳብ ክንደይ ክኸውን እዩ ንዝብል ብኣሃዝ ንምቕማጡ ዘሸግር እንተኾነ አባት ዝቕባበ ዋጋ ክጽበዩ ከም ዝግባእ ኣብ ባንክ ኖርዲ …