ሕግን ሕብረተሰብን

ህንጻ ምምሕዳር ስቶክሆልም ፎክሌት ንዝኽሪ ሳዳም ሑሴን ተባሂሉ ብሓደ ማሕበር ዒራቓውያን ዝተገብረ ምክራይ ኣዳራሽ ሰሪዙ። ምምሕዳር ህንጻ ነዚ ምስራዝ ስለምንታይ ከም ዘካየዶ እንክገልጽ ” እቲ ማሕበር ምትእኽኻብ ዒራቓውያን ን 12 ዓመት ሞት ሳዳም ሑሴን ብሕቡእ እዩ ከካይዶ መዲቡ ኔሩ” ኢሉ። ” ኣዳራሽና ኣቐዲሞም ብምክራይ ኣማኢት ሰባት ዝርከብዎ ጉባኤ ከነካይድ ኢና ኢሎምና” ይብል ዳይረክተር ህንጻ ራግስቨድ ሊፍ ሮንገን። “እዚኦም ደገፍቲ ሰልፊ …

ወዲ 36 ዓመት ሽወደናዊ ቱሪስት ሞንሰራት ኣብ ዝተባህለ ሰፈር ከተማ ቡኖስ ኣይረስ ሓደ ጒሒላ ሞባይሉ ክሰርቆ ክብል ብዙሕ ስለ እተዋጠጦ ብጥይት እግሩ ከም ዘቚሰሎ ክላሪን ዝተባህለ ጋዜጣ እታ ሃገር ሓቢሩ። እቲ ቱሪስት ኣርባዕተ ግዜ መጥባሕቲ እኳ እንተገበረ ዶክተራት እግሩ ከድሕኑሉ ኣይክኣሉን። ካብ ብርኩ ንታሕቲ ክቚረጽ ከኣ ተጌሩ’ሎ።

ቅድሚ ሒደት መዓልታት ፖሊስ ሽወደን ኣብ ቤት ማእሰርቲ ምምሕዳር ኩልማ ኦሬቢ ብዓይነቱ ፍልይ ዝበለ ኲነታት ኣጋጢምዎም። እቲ ኣቓልቦ ዝሰሓበ ጒዳይ ሓደ ብዙሓት ሰባት ብምቕታል እተወንጀለ እሱር ብዘይተፈልጠ ምኽንያት ብልዕቱ ምቚራጹ እዩ። እዚ ክስተት ኣብ ድሮ ሓድሽ ዓመት እዩ ኣጋጢሙ። ብመሰረት ጋዜጣ ኣፍቶንብላዴት ፖሊስ ሓደ እሱር ብዙሕ ደም ከምዝፈሰሶ ምስ ረኣዩ ናብ ሆስፒታል ይወስድዎ። እቲ ወዲ 40 ዓመት እሱር ኣብ ዝደቀሰሉ …

ኣብ ዓመተ 2019 ኖርዌይ እታ ዝበለጸት ናይ ቱሪስት ምርጫ ክትከውን እያ ክብል ቫጋቦንድ ዝተባህለ ወኪል ጒዕዞ ሽወደን ተነብዩ። ” እዚ ዝኾነሉ ምኽንያት ብዙሓት ሰባት ኣብ ዙርያ ዓለም ባህርያዊ ጽባቐ ክርእዩ እኳ ዝደልዩ እንተኾኑ ዛጊት ኣብ ምዕራብ ኖርዌይ እግሮም ኣንቢሮም ዘይፈልጡ ምዃኖም እዩ”። ይብል ኣብ ዝሃቦ ጋዜጣዊ መግለጺ። ንሳ ናብታ ኻልኣይቲ ጐረቤት ሽወደን ዝኾነት ዴንማርክ ብምምልካት ደጋጊሞም ምብጻሕ ዝገብሩ ሰባት ብድልድል …

ወደባትና ንመራኽብ ስደተኛታት ዕጹዋት ክኾና እየን ክብል ሚኒስተር ውሽጣዊ ጒዳያት ኢጣልያ ማትዮ ሳልቬኒ ገሊጹ። ከንቲባ ኔፕልስ ሲዋች ዝበሃል ዘይመንግስታዊ ውድብ ቅድሚ ክልተ ቕነ ንዘድሓኖም ስደደኛታት ንምቕባል ቊርብነት ድሕሪ ምርኣዩ እዩ እዚ ግብረ መልሲ ሚኒስተር ውሽጣዊ ጒዳያት ዝሰዓበ። “ብዙሓት ናይ ሓሶት ስደተኛታት ተቐቢልና መህጠሩ ጁባ ዘይሕጋውያን ኣስገርቲ ኮይንና ኣሎና ይኣክል። ወደባትና ዕጹዋት እየን” ክብል ምስ ኣገልግሎት ዜና ኤኬኣይ ኣብ ዝሃቦ ቃል …

ኣብ ኣፕሳላ ዘለዉ ዓማዊሉ ብሰንኪ ዝተኸስተ ህቦብላ ኣገልግሎት ማይን ኤለትሪክን ተኣጓጒሉዎም ኣብ ሆቴልን ኣብያተ መግብን ዘየድሊ ወጻኢ ንዘፍሰሱ ዓማዊሉ ካሕሳ ክቕበሉ ምዃኖም ገሊጹ ቫተንፋል ተዛሪቡ። ናይቲ ኩባንያ በዓልመዚ መራኸቢ ብዙሃን ሚካኤል ቡርነር እዞም ዝተሃስዩ ሰባት ዝከሓሱሉ መምርሒ ምህላዉ ግና እዚ በበይኑ ክግበር ምዃኑ ገሊጹ። እዞም ዝተሃስዩ ሰባት መጀመርታ ኣገልግሎት ዓማዊል ብምውካስ ዘፍሰስዎ ወጻኢታት ብዝርዝር ክሕበሩ ኣለዎም ። “ዝተገዘአ ባተሪ፥ መውዓዪ …

ሓደጋ ምንሽርታት በረድ ኣብ ሽወደን ዓርቢ መዓልቲ’ውን ከም እተራእየን ፈለማ ብማእከል ምክትታል ግጉው በረድ እተዋህበ መጠንቀቕታ ኣብ ቦትኡ ምህላዉን ማእከል ሜትሮሎጂ ሽወደን ሓቢሩ። እዚ መጠንቀቕታ ዝሽፍኖም ዞባታት ኣውራጃ ኦስተርጎትላንድ ሶደርማላንድ ይቨልሁፕሪ ዳላርናን ቨስተርቩርላንድ እየን። እቲ ማእከል ከም ዝሓበሮ ምንሃል መሬት ዝኽሰት ዝናብ ኣብ ዝሑል ግጉው በረድ እንክሃርም እዩ። እንተኾነ ግና ኣብ ገሊኡ ቦታታት ሙቐት ልዕሊ ዜሮ ብምዃኑ ናይ ምንሽርታት ሓደጋ …

ሓላፊ ሰልፊ ዴሳዊ ዴሞክራሲ ስተፋነ ሉፈን ከምኡ’ውን ኣቦመንበር ዓቃባዊ ሰልፊ ኡልፍ ክሪስተርሰን ብዛዕባ ምቛም ሓድሽ መንግስቲ ንኣፈኛ ባይቶ ኣንድርያስ ኖርሊን ሓድሽ ጸብጻብ ምቕራቦም ተገሊጹ። ብመሰረት ኣገልግሎት ዜና ሽወደን ዛጊት ናብ ጠረጴዛ ዝቐረበ ዝኾነ ድሉው ናይ ዘተ ውጥን የለን። እዞም ሰልፊታት ቀዳማይ ጸብጻቦም ዝሓለፈ ዓመት 28 ታሕሳስ እዮም ኣቕሪቦም ። ኣብቲ ዕለት ኖርሊን ምስ ክልቲኣቶም ሕጹያት ብምዝርራብ ክልቲኣቶም ሰልፊታት ብዛዕባ ቅልውላው …

ላዕለዋይ ምክትታል ጥዕና ሽወደን ኣብ ቫርምላንድ ዝሰርሕ ዶክተር ነዊሕ ሰዓታት ናይ ምድቃስ ዝንባለ ስለዘርኣየ ናይ ስራሕ ፍቓዱ ክሰሓብ ጻውዒት ኣቕሪቡ’ሎ። ኒያ ቬርምላንድ ከምዚ ጸብጺባቶ’ላ። ብመሰረት እታ ጋዜጣ እቲ ዶክተር ሰለስተ ናይ ፈተነ ዓመታት ኣሕሊፉ ብቑዕ ሞያዊ ክእለት ኣለዎ ተባሂሉ ከም እተገምገመ እንተኾነ ግና ካብ ዝሓለፈ ጽድያ ጀሚሩ ሕሙማት ይቕበል ዘይምህላዉ ተፈሊጡ። ኮሚተ ጥዕና እቲ ምስሓብ ፍቓድ ስራሕ እዚ ዶክተር ተሪፉ …

እዚ ሓበሬታ ፖሊስ ዴንማርክ ካብ ዝሃቦ ጋዜጣዊ መግለጺ እዩ ተረኺቡ። እታ ባቡር ብረቡዕ ንደሴታት ዴንማርክ ዘራኽብ ድልድል ባልትርቦን እናሰገረት እዩ ተኸሲቱ። በዓልመዚ ፖሊስ ዴንማርክ ኣርነ ግሩም “ካልኦት ክልተ ፖሊስ እውን ሞይቶም ኣለዉ” ክብል ገሊጹ። እቲ ሓደጋ ንግሆ 7፡30 ሓደ ፉርጎ ብኻልእ ሸነኽ ተፈንዩ ምስታ ባቡር ብምግጫዉ እዩ ተኸሲቱ። ብመሰረት ትማል እተፈነወ ኣፈናዊ ኣሃዝ ሽዱሽተ ምሟቶምን 16 ኸኣ ብፈኲስ ምቚሳሎምን ተገሊጹ …