ሕግን ሕብረተሰብን

29 ዓመት ዝዕድሚኣ ሽወደናዊት ምስ ዳዕሽ ርክብ ኔርዋ ብዝብል ጠርጠራ ጽባሕ ሰንበት ኣብ ባቕዳድ ኣብ ዝትከብ መጋባእያ ቤትፍርዲ ክትቀርብ እያ ክትብል ተሌቪዥን ሽወደን ሓቢራ። ብሕጊ ዒራቕ እዚ ናይ ብዙሕ ዓመታት ማእሰርቲ ወይ ሞት ከቕጽዕ ዝኽእል ገበን እዩ። እዛ ሃይማኖታ ናብ እስላም ዝቐየረት ሰበይቲ ኣብ 2014 ምስ ክልተ ደቃ ናብ ዒራቕ ምጒዓዛን ምስቲ ኣብ መሳርዕ ዳዕሽ ዝቃለስ ዝነበረ ሰብኣያ ተራኺባ ሳልሳይ …

በዓልመዚ ኢሚግሬሽን ዝበዝሑ ግዜያዊ ፍቓድ ዝነበሮም ከናውሑ እዮም ኢሉ!!  ዝበዝሑ ኣብ ቀረባ እዋን ግዜኦም ዝሓልፎም ግዜያዊ ፍቓድ መንበሪ ክሕደሱ እዮም ክብል Magnus Bengstton ኣፍሊጡ ክብል ኣገልግሎት ዜና ሽወደን ሓቢሩ’ሎ። ክሳብ 300 ሽሕ ዝበጽሑ ግዚያዊ ፍቃድ ዝጸንሖም ኣብዚ ዓመት ክናውሑ ትጽቢት ከምዘሎን ካብኣቶም ድማ 14 ሽሕ ሶርያውያን 4200 ኣፍጋንስታውያን ከምእውን ውሑድ ኣሻሓት ቁጽሮም ኤርትራውያን ሶማልን ዒራቕን ይርከብዎም።

ብ online ቆጸራ ምሓዝ ንግዚኡ ደው ከምዘበለ በዓል መዚ ኢሚግሬሽን ሓቢሩ። በዓል መዚ ኢሚግሬሽን ዲጂታላዊ ናይ መወከሲ ብልሓት የዳሉ። ክሳብ መወዳእታ እዛ ዓመት ናብ 30 ሽሕ ዝጽግዑ ሰባት ብ ዲጂታላዊ ናይ መወከሲ ብልሓታት ግዜያዊ ፍቓድ መንበሪኦም ከናውሑ ትጽቢት ተጌሩ’ሎ። በዓል መዚ ኢሚግሬሽን ብመንገዲ መርበብ ሓበሬታኡ ኣቢሎም ኣመልከትቲ ብቐጥታ ብዲጂታላዊ ኣገባብ ሕቶኦም ዘቕርቡሉ ብልሓት እናዳለወ ይርከብ። ኣብዚ ናይ መሰጋገሪ እዋናት ግና …

ኮሚተ ወጻኢ ጒዳያት ሰኔት ትማል ረቡዕ ንሕጹይ ትራምፕ ኣምባሳደር ኣመሪካ ኣብ ሽወደን ቢልዮኔር ኬን ሀርሊ ድምጺ ሂቡ። ኤምባሲ ኣመሪካ ብዘይ ኣምባሳደር ክዓዪ ካብ ዝጸንሐ 28 ዓመታት ሓሊፎም ኣለዉ። ሓደ መዝነት ንኽንድዚ ዝኣክል ንውሓት ግዜ ባዶ ክጸንሕ ኣብ ታሪኽ ዲፕሎማሲ ፋልማይ እዩ ክትብል ተሌቪዥን ሽውደን ገሊጻ’ላ። ድሕሪ ምምጻእ ፕረዚደንት ትራምፕ ሓደስቲ ኣምባሳደራት ናብ ኮፐንሃገን ስቶክሆልምን እኳ እንተተረቚሑ ንኽልተ ዓመትን መንፈቕን ኣብ …

እቲ ብዙሕ ናይ ሚድያ ምልዕዓል ፈጢሩ ዝጸንሐ ጒዳይ ናይዞም ጓሎም ብጥምየት ብምስቓይ እተኸሱ ወለዲ ሎሚ ፍርዲ ተዋሂብዎ። እቶም ወለዲ ኣብ ልዕሊ 2 ዓመት ዝዕድሚኣ ጓሎም ከምዚ ዝበለ ናይ ጥምየት ገበን ብምፍጻሞም ንሰለሰተ ኣዋርሕ ክእሰሩ ተበይንሎም ኣሎ። እንተኾነ ድሮ ካብ ዝኽሰሱ ጀሚሮም ንሰለስተ ኣዋርሕ ኣብ ማእሰርቲ ብምጽናሖም 60 ሽሕ ክሮነር ካሕሳ ነታ ህጻን ክኸፍሉ ተቐጺዖም ኣለዉ። ዳኛ Per Norden እዚ “ንህይወት …

ቦርድ ኢሚግሬሽን ኣብ ቀረባ እዋን ኣብ ዘመሓላለፎ ውሳነ ንኣቦን ክልተ ደቁን (ሓዲኦም ወዲ ሓሙሽተ ወርሒ ኮይኑ ኣብ ሽወደን እዩ ዝውለድ) ክሰጒግ እንከሎ ንኣደ’ቶም ደቂ ግና ግዜያዊ ፍቓድ መንበሪ ሽወደን ሂቡ’ሎ። ኣደ’ቶም ቆልዑ 20 ዝዕድሜኣ ኣፍጋናዊት ጃቫሄር ረዛይ ብኣዋጅ ላዕለዋይ ትምህርቲ ግዜያዊ መንበሪ ፍቓድ ምርካባ ጸብጻባት መራኸቢ ብዙሃን ሽወደን የመልክቱ። እቲ ሕጊ ንገለ መንእሰያት ሓተትቲ ዕቚባ ትምህርቶም ንኽዛዝሙ ግዜያዊ ፍቓድ መንበሪ …

ሓደ ናይ ወጻኢ ሰራሕተኛ ኣርባዕተ ዓመታት ኣብ ግዜያዊ ስራሕ ተዋፊሩ ጸኒሑ ፍቓድ መንበሪ እንድሕሪ ተኸሊኡ ንሽወደን ክለቅቕ ጥራይ ዘይኮነ ክሳብ 7 ዓመት ንስራሕ ከመልክት እውን ኣይፍቀዶን እዩ። እዚ ማለት እዚ ፍቓድ ስርሑ ምሕዳስ እተኸልኤ ወጻእተኛ ናብ ሽወደን ተመሊሱ ናይ ስራሕ ፍቓድ ከመልክት ብውሕዱ ሰለስተ ዓመታት ክጽበ ኣለዎ ማለት እዩ። ንዝያዳ ሓበሬታ መርበብ ሓበሬታ ክፍሊ ኢሚግሬሽን ተወከሱ። https://shorten.alkompis.se/8qsk2

ኣብ ከባቢ ቫርምላንድ ትነብሩ ሰባት ኣብቲ ከባቢ ክሳብ 36 ሚሚ ዝዓቀኑ ኣዝዩ ብርቱዕ ዝናብ ንሎሚ ሓሙስ 23 ግንቦት 2019 ክዘንብ ምካኑን እዚ ኸኣ ዕልቅልቅ ከኸትል ከምዝኽእል ካብ ትካል ሜትሮሎጂ ስዊድን (SMHI)ሓቢሩ ስለዘሎ ኣብቲ ከባቢ ትነብሩ ጥንቃቐ ክትገብሩ ንሕብር።

ብመሰረት ውሽጣዊ መግለጺ ቤትጽሕፈት መራኸቢ ዕዮ 1800 ሰራሕተኛታት ከም እተሰጒ ተረጋጊጹ። ብመሰረት ብዙሓት መራኸቢ ብዙሓን ዝተቐባበላሉ ውሽጣዊ መግለጺ 1600 ሰራሕተኛታት ካብ ስራሕ ተሰናቢቶም ኣለዉ። ብመሰረት ኣገልግሎት ዜና ሽወደን 200 ካልኦት ሰራሕተኛታት ከኣ ኣብ ኣብዝመጽእ ክልተ ሳምንቲ ናይ መሰናበቲ ደብዳቤ ክቕበሉ እዮም። ብመሰረት ኣርባዕቲኦም ሰልፊታት ዝበጽሕዎ ስምምዕ ኣብ ወርሒ ጥሪ’ዚ ዓመት ቤትጽሕፈት ዕዮ 4500 ሰራሕተኛታት ካብ ስራሕ ክስጐጉ ምዃኖም ሓቢሮም ኔሮም …