ሃገራዊ ዜና

ኣብ ኦስተርሱንድ ኣብ ዝርከብ ህንጻ መንበሪ ብዘጋጠመ ባርዕ ሓዊ ክልተ ሰባት ሞይቶም። እቶም ግዳያት ኣብ ዕድመ ሰብዓታት ዕድመ ዝርከቡ ሰብኣይን ሰበይቲን ምዃኖም ብፖሊስ ይግለጽ። ኣገልግሎት ህጹጽ እዋን እቲ ጻውዒት ለይቲ ቅድሚ ሰዓት 1፡30 ከም ዝበጽሖምን ሰባት ካብቲ ህንጻ ክወጹ ምግባሮምን ገሊጾም ኣለዉ።

ሰልፊ ዲሞክራሲ ሽወደን ቅድሚ ሓፈሻዊ ምርጫ ሽወደን 2018 ኣብ ማሕበራዊ መራኸቢታት ፕሮፖጋንዳ ንምፍራይን ንምዝርጋሕን ዘኽእሎም ኣገባብ “ትሮል ፋክትሪ” ምትእትታዎም መደብ ቲቪ4 ካላ ፋክታ ኣቃሊዑ። እዚ ሰልፊ ስሞም ዘይተገልጸ ናይ ማሕበራዊ መራኸቢታት ሕሳባት ምውጻእ ይቕጽሉ ከምዘለዉ እቲ መደብ ብተወሳኺ ሓቢሩ’ሎ። ኣካያዲ ህዝባዊ ርክባት ናይቲ ውድብ፡ ነዚ ህዝባዊ ፖለቲካዊ ርእይቶ ንምዝባዕ ዝሰርሕ ኣገባብ ጨሪስና ኣይወዓልናዮም ኢላ ድሕሪ ምንጻግ ፡ ኣብ ማሕበራዊ መራኸቢታት …

ቅነ ውድድር ደርፊ ዩሮቪዥን ኣብ ዝካየደሉ ዘሎ ሰሙን፥ በጻሕትን ተቐማጦን ማልም ልዑል ህላወ ፖሊስ፡ ከምኡ’ውን ትራፊክ ዝጸሉ ምኽባብ ከባቢታት ክህሉ ምዃኑ ኣብ ግምት ከእትዉ ከም ዝግባእ ተገሊጹ። ኣብ ከተማ ማልሞ ሓላፊ ጸጥታ ኡልፍ ኒልሰን፡ ኣብ ሰለስተ ቀንዲ ከባቢታት ዩሮቪዥን ቦርሳ ኢድ ምሓዝ ክኽልከል ምዃኑ ጽንዕ ዝበለ ክትትል ጸጥታን ከምዘሎ ገሊጹ’ሎ። “ነዚ ጽንብል ብዘይ ዝኾነ ስግኣት ጸጥታ ንምስላጥ ኣብ ውሽጢ ሽወደንን …

ዓሚ ኣብ ዓለም ንወተሃደራዊ መዓላ 2.4 ትሪልዮን ዶላር ወጻኢታት ከም እተገብረ፡ እዚ ድማ ብዓለምለኻዊ ትካል ምርምር ሰላም ስቶክሆልም (SIPRI) ክሳብ ሕጂ ዝተመዝገበ ዝለዓለ መጠን ገንዘብ እዩ ተባሂሉ። ሲፕሪ ካብ 1949 ጀሚሩ ወተሃደራዊ ወጻኢታት ክከታተል ዝጸንሐ ኮይኑ፡ ትማል ሰኑይ ኣብ ዘውጽኦ ዓመታዊ ጸብጻቡ፡ ኣብ 2023 ካብቲ ቅድሚኡ ዝነበረ ዓመት ዝነበረ 2.2% ናብ 2.3% ካብ ዓለማዊ ሓፈሻዊ ውሽጣዊ ፍርያት (GDP) ዕቤት ኣርእዩ’ሎ። …

መንግስቲ ኣብ ሽወደን ዘለዉ ስደተኛታት ኣመልኪቱ እተተኽለ ኮርስ ቋንቋ ኤስ.ኤፍ.ኣይ ዝወሃበሉ ኣገባብ ዳግማይ መርመራ ክገብረሉ ከም ዝደሊ ተፈሊጡ። እቶም ዝቐረቡ ለውጥታት ኣብ መሰረታዊ ንባብን ምጽሓፍን ከምኡ’ውን ዝያዳ ውልቃዊ ኮርሳት ዝያዳ ኣተኲሮ ክግበርን ካልእን ዘጠቓልል እዩ። ዳርጋ ፍርቂ ካብቶም ብነጻ ኣብ ዝወሃብ ናይ SFI ኮርስ ዝጅምሩ፡ ከምዘይውድእዎ ነቲ ኮርስ ኣመልኪቶም ዝወጹ ኣሃዛት ይሕብሩ። ብኻልእ ዜና ዓሚ መንግስቲ ኣባላት ጕጅለታት ካብ ገበናዊ …

ኣማንዳ ሊንድ ሓዳስ ልፍንታዊት መራሒት ሓምለዋይ ሰልፊ ኮይና። ትማሊ ሰንበት ኣብ ዝተኻየደ ዋዕላ ሰልፊ ድሕሪ እተዋህበ ድምጺ፡ ዝበዝሑ ኣባላት ደጊፎም ገሊጾምላ ኣለዉ። ሓምለዋይ ክልተ ናይ ሓባር ”ኣፈኛታት”፣ ሓደ ወዲ ተባዕታይን ሓንቲ ጓል ኣንስተይትን ናይ ምግባር ልምዲ ኣለዎ። እቲ ካልእ ልፍንታዊ መራሒ ድማ ዳኒኤል ሄልደን እዩ። ብኻልእ ዜና ካብ ሽወደን ወጻኢ ዝተወልዱ ወለዲ ካብቶም ሽወደናዊ ድሕረ ባይታ ዘለዎም ወለዲ ብዝበዝሕ መጠን …