ዜና ቀዳመ ሰንበት

ብመሰረት ኣሃዛት ውድብ ሕቡራት ሃገራት ካብ ምጅማር ኲናት ዩክሬይን ንደሓር ክልተ ሚልዮን ዝኾኑ ዜጋታት እታ ሃገር ተሰዲዶም ኣለዉ። ዛጊት 1.2 ሚልዮን ካብዞም ስደተኛታት ናብ ፖላንድ ምእታዎም ሰብመዚ እታ ሃገር ይገልጹ። ክሳብ ሎሚ ብጠቕላላ 2,011,312 ዩክሬናውያን ካብ ሃገሮም ብምስዳድ ኣብ ጎረባብቲ ሃገራት ኣትዮም ምህላዎም ኣብ ውድብ ሕቡራት ሃገራት ላዕለዋይ ኮሚሽነር ስደተኛታት ፍሊፖ ግራንደ ብሰሉስ ገሊጹ’ሎ። ትማል ሰሉስ ዩክሬናውያን ብምብራቕ ክፋል ሓንቲ …

ኣባላት ኣውሮጳዊ ሕብረት ሓንቲ ካብአን እንድሕር ተጠቒዓ ክሕግዛኣ ሓላፍነት ከም ዘለወን ዘዘኻኽር ደብዳበ ብሽወደንን ፊንላንድን ከም እተላእከ ቀዳመይቲ ሚኒስተር ማግዳሌና ኣንደርሾን ገሊጻ። ብመሰረት ውዕል ሊዝበን ኣውሮጳዊ ሕብረት ሓንቲ ኣባል እቲ ሕብረት እንድሕሪ ግዳይ ተጻብኦ ኮይና መሬታ ተወሪሩ ኲለን ኣባላት እቲ ሕብረት ዓቕመን ብዝፈቐዶ ክሕግዛ ሓላፍነት ከም ዘለወን ይድንግግ እዩ። ዝመጽእ ሰሙን ኣብ ፈረንሳ ዋዕላ ኣውሮጳዊ ሕብረት ክካይድ ኣብ ዝበሃለሉ ዘሎ …

ሩስያ ን ዩክሬይን ድሕሪ ምውራራ ኖርወይ ካብተን ኣብ ልዕሊኣ እገዳታት ክጸንዕ ዝደገፋ ሃገራት ብምዃና ኣብቲ መንግስቲ ሩስያ ዘጽደቖ ዝርዝር “ጸላእቲ ሩስያ ዝኾና ሃገራትን መሬታትን” ከም ዝኣተወት ተገሊጹ። እዚ “ኣብ ልዕሊ ሩስያ፡ ናይ ቢዝነስ ኮማን ህዝባን ናይ ጽልኢ ተግባራት ዝፈጸማ” ብዝብል ኣርእስቲ ንውሕ ዝበለ ዝርዝር ሃገራትን ትካላትን ዘካትት ጸብጻብ ብመንግስቲ ሩስያ ዝጸደቐ ምዃኑ ኣገልግሎት ዜና ሩስያ ታስ ሓቢሩሎ።  ብዘይካ ኖርወይ ከምኒ …

ብግብረሽበራዊ ስርሓት ዝጥርጠር ኖርዌጃዊ ኣንደርሽ ካሜሩን ኡስተንስቪግ ኣብ የመን ኣብ ትሕቲ ቊጽጽር ምውዓሉ ፖሊስ ኣገልግሎት ጸጥታ ን ኖርዌጃን ብሮድካስቲንግ ኣብ ዝሃቦ ሓበሬታ ኣመልኪቱ። “ኣብዚ ሕጂ እዋን ክንብሎ እንኽእሎ እንተሎ እዚ ጥርጡር ኣብ ርእሰ ከተማ የመን ሰንዓ ኣብ ትሕቲ ቀይዲ ምህላዉ እዩ” ክብል ኣባል እቲ ኣገልግሎት ጸጥታ ሃሪስ ህረኖቪካ ነቲ ማዕከን ዜና ገሊጽሉ’ሎ። 43 ዝዕድሜኡ ካሜሩን ኦስተንስቪግ ቅድሚ ዓሰርተ ዓመታት እዩ …

ተሸለምቲ ኖቤል ዝርከቡዎም 29 ስሙያት ደረስቲ፡ ዜጋታት ሩስያ ብዛዕባ ኲናት ዩክሬይን ሓሶትን ፕሮፓጋዳን ዘይኮነ እቲ ሓቂ ክጽብጽቡ ዝጽውዕ ክታም ምንባሮም ተገሊጹ። “ህዝቢ ሩስያ ንብርከት ዝበላ ዓመታት ሓሶታት መንግስቲ ክቕለብ እዩ ኣሕሊፍዎ። ኣብታ ሃገር ናጻ ዘበለ ምንጪ ሓበሬታ ኲሉ ተዓጽዩ እዩ፥ መራሕቲ ተቓወምቲ ስልፊታት እውን ኣፎም ክዕበስ ተጌሩ መንግስታዊ ማዕከናት ዜና ከም ቃሕታአን ዜና ዝፍብርኻሉ ኲነታት እዩ ተፈጢሩ” ክብሉ እቶም ደረስቲ …

ወራር ሩስያ ኣብ ልዕሊ ዩክሬይን ካብ ዝጅመር 10 መዓልታት መሊኡሉ ኣብ ዘለወሉ እዋን ልዕሊ 1.7 ሚልዮን ዩክሬናውያን ካብ ሃገሮም ከም እተሰደዱ ኣብ ውድብ ሕቡራት ሃገራት ላዕለዋይ ኮሚሽን ስደተኛታት (UNHCR) ኣፍሊጡ። ትማል ሰኑይ ጥራይ 1,735,068 ስደተኛታት ከም ዝምዝገበ ዝገለጸ UNHCR እዚ ምስ ቅድሚኣ ዝነበረ መዓልቲ እተመዝገበ ኣሃዝ እንክወዳደር ናይ 200,000 ወሰኽ ከም ዘለዎ ኣፍሊጡ። ፍርቂ ካብዞም ስደተኛታት ቆልዑ ምዃኖም ማዕከን ቆልዑ …

ሚኒስትሪ ጒዳያት ወጻኢ ሽወደን ብቕድሚ ትማል ሰንበት ኣብ ዘውጽኦ ናይ ጒዕዞ መምርሒ ዜጋታት እታ ሃገር ናብ ፈደሬሽን ሩስያ ካብ ምጋሽ ክቚጠቡ ኣተሓሳሲቡ’ሎ። እዚ ብምኽንያት ኲናት ዩክሬይን ወጺኡ ዘሎ ሓበሬታ ክሳብ ብኻልእ ክሳብ ዝትካእ ተግባራዊ ክኸውን እዩ ኢሉ’ሎ እቲ መምርሒ። ኣብዚ መጠንቀቓታ ሰፊረን ዘለዋ ካልኦት ሰለስተ ሃገራት ዩክሬይን፡ ቤላሩስን ሞልዶቫን እየን።.

ትማል ሰኑይ ሰዓት 3 ድሕሪ ቀትሪ ኣብ መላእ ሽወደን ፈተነ ግዳማዊ ናይ መጠንቀቓት ሲረና ተኻዪዱ። እዚ ፈተነ ኣብ ዓመት ኣርባዕተ ግዜ ዝካየድ ኮይኑ ኣብ ወርሓት መጋቢት፡ ሰነ፡ መስከረምን ታሕሳስን ሰኑይ መዓልቲ ክካየድ እዩ። “ፈተነ ሲረና ክንገብር ዝደረኸና ኣብ ዓለምና ዝምዕብል ዘሎ ኲነታት እዩ። ሰባት ነዚ ሲረና ናይ ኲናት ወይ ካልእ መጠንቀቕታ ጌሮም ክወስድዎ የብሎምን” ክብል ኣብ ኤጀንሲ ሲቪላዊ ተኽእሎታት ሃኬን …

ኣብ ዩክሬይን ብሰንኪ ዝካየድ ዘሎ ኲናት ሎሚ ንግሆ ምንቊልቋል ብርኪ ሽወደን ኣጋጢሙ ምንባሩን እዚ ድማ ኣብ ልዕሊ ኣውፈርቲ ሻቕላ ፈጢሩ ምህላዉን ተገሊጹ። ዕዳጋ ብርኪ ሽወደን ካብዚ ክሳራታቱ ኣብ ዝሓጸረ ግዜ እኳ እንተሓወየ ካብ ምጅማር ወራር ሩስያ ጀሚሩ ብቐጻሊ ምንቊልቋል ከአንግድ ምጽንሑ እዩ ዝግለጽ ዘሎ። እዚ ኩናት ኣብ ዋጋ ነዳዲን ጋዝን ኣስዒብዎ ዘሎ ተወሳኺ ሰከም ኣብ ልዕሊ ነጋዶ ሻቕላ ፈጢሩ ምህላዉ …

ዓሰርተታት ኖርዌጃውያን ሕጂውን ኣብ ዩክሬይን ምህላዎም ሚኒስተር ጒዳያት ወጻኢ ንጋዜጣ ኣፍቶንብላዴት ኣብ ዝሃቦ ሓበሬታ ኣመልኪቱ። ካብ ወርሓ ጥሪ ኣትሒዙ ነዞም ዜጋታት ናብ ዓዶም ንኽምለሱ ክሕተቱ ምጽንሖም እቲ ሚኒስተሪ ሓቢሩሎ። ካብ ዝሓለፈ ወርሒ ለካቲት ኣትሒዙ ዜጋታት ናብ ዩክሬይን ከይጐዓዙ ከጠንቅቕ ምጽንሑን ሕጂ ኣብ ዩክሬይን ክንደይ ዝኣኽሉ ኖርዌጃውያን ከም ዘለዉ ልክዕ ኣሃዝ ሓበሬታ ከም ዘይብሎምን ሰብመዚ እቲ ሚኒስትሪ ወሲኹ ገሊጹሎ። “እንተኾነ ግና …