ሃገራዊ ዜና

ቁጽሪ ናይቶም ምስ ትካል መሰላት ህጻናት ብሪስ ዝራኸቡ ህጻናት ይውስኽ ኣሎ። ብመሰረት ሓድሽ ጸብጻብ፡ ዓሚ ኣስታት ፍርቂ ካብቲ ናብ መስመር ሓገዝ ብሪስ ዝተገብረ ጻውዒት ንሕማም ኣእምሮ ዝምልከት እዩ ነይሩ። እዚ ድማ ምስ ናይ 2022 ክነጻጸር እንከሎ ብ 42% ወሰኽ ኣርእዩ’ሎ። ጉዳይ ነብሰ ምጉዳእ እውን ኣብዚ ጻውዒታት ካብ ዝለዓሉ ጒዳያት እቲ ኻልእ እዩ። ዋና ጸሓፊ ብሪስ ማግኑስ ያገርስኮግ፡ ንመንእሰያት ንምሕጋዝ ኣብ …

ናይ ሰለስተ ዓመት ገደብ ግዜ ዝተገብረሉ ኮርስ “ሽወዲሽ ፎር ኢሚግሬንስ (SFI)” ምውሳድ፡ ናብታ ሃገር ዝመጹ ሓደስቲ ሰባት ቀልጢፎም ቋንቋ ሽወደን ንኽመልኩ ከም ዝገብር ካብ መንግስትን ሰልፊ ደሞክራስን ዘቕረቦ ሓድሽ እማመ ሓቢሩ። ኣብ ውሽጢ ሰለስተ ዓመት ንምምሕዳራት ከተማ ዝግበር ተወሳኺ 100 ሚልዮን ክሮና ምወላ ሰባት ዘድልዮም ትምህርቲ ብዝግባእ ደረጃ ንኽረኽቡ ከረጋግጽ ኣለዎ ክብሉ እቶም ሰልፍታት ገሊጾም ኣለዉ። “ሓደ ስክፍታ ዝፈጥር ነገር …

ኣብ ሽወደን ካብ ዓሰርተ ምምሕዳራት ከተማ ደረጃ ብከላ ኣየር ኣብ ቅድመ ትምህርቲ ዘለዎ ከባቢታት ዝዕቅና ካብ ሓደ ዝውሕዳ ምዃነን ኣገልግሎት ዜና ሬድዮ ሽወደን ኣመልኪቱ። ፍርቂ ካብተን ኣገልግሎት ቅድመ-ትምህርቲ ዝህባ ትካላት ጽሬት ኣየር ከባቢ ንጥዕና ህጻናት ሓደገኛ ክኸውን ኣብ ዝኽእለሉ ቦታታት ዝርከባ ምዃነን ነዚ ዳህሳስ ኣተሓሳሳቢ ዝገብር እዩ። በዚ ድማ ክኢላታት፥ ምምሕዳራት ከተማ ኣብ ቅድመ ትምህርቲ ዝሓሸ ዳህሳስ ጽሬት ኣየር ዘይብለን …

ሚኒስተር ትምህርቲ ኣና-ማጃ ሄንሪክሰን (SFP) ብቕድሚ ትማል ሰሉስ ካብ ህዝባዊ ሰልፊ ሽወደን ከም እትወጽእ ኣፍሊጣ። “ኣብ ዝቕጽል ዋዕላ፥ ኣብቲ ሰልፊ ኣብ ሕጹይ መሪሕነት ከምዘይከውን እንክሕብር ኣዝዩ ዓቢ እፎይታ ይስማዓኒ” ክትብል ዝሓለፈ ትማሊ ሰሉስ ን ጋዜጣ “ሄልሲንጊን ሳኖማት” ሓቢራ። ካብ 2016 ጀሚሩ ነቲ ዳርጋ ንነዊሕ እዋን ዝጸንሕ ንኡስ ልፍንታዊ መሻርኽቲ ዝመርሐት ሄንሪክሰን፡ ዝሓለፋ ክልተ ዓመታት ከበድቲ ምንባረን ገሊጻ’ላ። ኣብቲ ሃገርና ብለበዳ …

ጆን ዳህል ቶማሶን ሓድሽ ዋና ኣሰልጣኒ ሃገራዊት ጋንታ ኩዕሶ እግሪ ደቂ ተባዕትዮ ሽወደን ኮይኑ ስርሑ ጀሚሩ። እዚ ደንማርካዊ ዜጋ ቅድሚ ሕጂ ኣብ ኢጣልያዊት ክለብ ኤሲ ሚላን ከምኡ’ውን ኣብ ሆላንድ ኣብ ዝርከብ ፈየኖርድ ተጻዊቱ እዩ። ንማልሞ ኤፍ ኤፍ እውን ኣሰልጢኑ፡ ኦልስቨንስካን ክልተ ግዜ ክትዕወት ከኣ ወሳኒ ተራ ተጻዊቱ እዩ። ሃገራዊት ጋንታ ኩዕሶ እግሪ ደቂ ተባዕትዮ ሽወደን ናይ ወጻኢ ኣሰልጣኒ ክህልዋ ሕጂ …

ብፒ.ኬ.ኬ ዝፍለጥ ሰልፊ ሰራሕተኛታት ኩርዲስታን ክሳብ ሕጂ ኣብ ሽወደን ንጥፈታት ምወላ ግብረሽበራ የካይድ ከምዘሎ ኣገልግሎት ስለያ ሽወደን ሳፖ ከሲሱ። ፒ.ኬ.ኬ ኣብ ሽወደንን ሕብረት ኤውሮጳን ከም ግብረሽበራዊ ትካል ዝተመደበ ኮይኑ፡ ማዕከኑ ንምስሳስን ዓመጽን ምፍርራሕ ይጥቀም ከምዘሎ እዩ ዝንገር። ንጥፈታት ፒ.ኬ.ኬ ኣብ ሽወደን ኣዝዩ ዓብዪ ጒዳይ ኮይኑ ክረአ ዝጀመረ ቱርኪ ንኣባልነት ሽወደን ኣብ ኔቶ ንምጽዳቕ ድሕሪ ዘቕረበቶ ቅድመ ኲነት ምዃኑ ዝፍለጥ እዩ።

ሓደ ህጻን ኣብ ሽወደን ኣበየናይ ሸነኽ እታ ሃገር ይቕመጥ ዝብል ረቑሒ ናብ ሓኪም ስነ-ኣእምሮ ንምኻድ ክንደይ ግዜ ክጽበ ከም ዘለዎ ይውስን ምህላዉ፥ እዚ ድማ ንውዕል መሰል ህጻናት ሕቡራት ሃገራት ዝጥሕስ ምዃን ተገሊጹ። እዚ ናይ ትጽቢት ግዜ ሕክምና ስነ-ኣእምሮ ህጻናትን መንእሰያትን (BUP) ቅቡል ኣይኮነን ክትብል ሓባሲት ንብዓት ህጻናት ኤልሳቤጥ ዳህሊን ትገልጽ። ብርክት ዝበሉ ህጻናት ብጉዳይ ጥዕና ኣእምሮ ይሳቐዩ ከምዘለዉ፡ ንኣእምሮኣዊ ንጥፈታት …

ሓደ ካብቶም ኣዝዮም ፍቱዋት ኣወሃሃድቲ ሙዚቃን ሙዚቀኛ ጃዝን ሽወደን ዝኾነ ጆርጅ ሪደል ኣብ መበል 90 ዓመቱ ዓሪፉ። ሪድል ንገለ ካብቶም ኣብ ሽወደን ፍሉጣት ደርፍታት ንፊልምታት ህጻናት መጽሓፍቲ ኣስትሪድ ሊንድግረን ብምምርኳስ ኣዳልዩ እዩ። ህጻናት ሽወደን እናሰምዕወን ዝዓበዩ ከምኒ ኢዳ ሶማቪዛ ከምኡ’ውን ዱ ሻረሊል ሽንከቡ ስርሃት ድርሰታት ሪደል እየን ኔረን።

ኣብ ቀጽርታት ኣመሓደርትን ተቓወምትን ዘሎ ፍልልይ ደገፍ እናጸበበ ይኸይድ ከምዘሎ ኢንዲካተር ብስም ኣገልግሎት ዜና ሬድዮ ሽወደን ዘካየዶ ናይ ቀረባ ዳህሳስ ርእይቶ ኣመልኪቱ። ማዕረ ማዕሪኡ ድማ ንማግዳሌና ኣንደርሰን ካብ ተቓወምቲ ሶሻል ዲሞክራት ቀዳመይቲ ሚኒስተር ክትከውን ዝደልዩ ሰባት ውሑዳት እዮም። ኣብ ዩኒቨርሲቲ ዮተቦሪ ፕሮፌሰር ፖለቲካዊ ሳይንስ ሄንሪክ ኤከንግረን ኦስካርሰን፡ እቲ ውጽኢት ኣብዚ ቀረባ እዋን ኣብ ዙርያ እቲ ሰልፍን መራሒኡን ዝተራእየ ዕግርግር ዘንጸባርቕ …

ሃንጋሪ ንሕቶ ኣባልነት ሽወደን ናብ ኔቶ ንምጽዳቕ ዝወሰደቶ ውሳነ ብወግዒ ክትክትም ክሳብ 10 መዓልታት ክወስድ ይኽእል እዩ ተባሂሉ። ነዚ ዝበለ ቤት ጽሕፈት ኣፈ ጉባኤ ባይቶ ሃንጋሪ ከምዝኾነ ሬድዮ ኒውስ ሽወደን ጸብጺባ’ላ። ብኻልእ ወገን ኣብዚ ሰሙን ኣብ ዋሽንግተን ኣብ ዝርከብ ኤምባሲ ሽወደን ዝካየድ ተወጢኑ ዝነበረ ፍሉይ ኣቀባብላ ከምዝተሰጋገረ ማዕከን ዜና TT ሓቢራ’ላ። እዚ እናኾነ ቀዳማይ ሚኒስተር ሽወደን ኡልፍ ክሪስተርሾን፡ ባይቶ ሃንጋሪ …