ዜና ቀዳመ ሰንበት

ክልተ ሽወደናውያን ኣሕዋት፡ ንሽወደን ምስ ኣገልግሎት ወተሃደራዊ ስለያ ሩስያ ብምትሕብባር ክስልዩ ብምጽንሖም ንነዊሕ ዓመታት ማእሰርቲ ከም እተፈርዱ ተገሊጹ። እዞም ኣሕዋት፡ ንዝሓለፈ ዓሰርተ ዓመታት ናብ ኣገልግሎት ወተሃደራዊ ስለያ ሩስያ ሓበሬታታት ሽውደን ከቐብሉ ዝጸንሑ እዮም ተባሂሉ’ሎ። ካብዞም ክልተ ኣሕዋት እቲ ብዕድመ ዝዓበየ፡ ኣብ ሓደ እዋን ምስ ኣገልግሎት ድሕነት ሽወደን–SÄPO–ዝሰርሕ ዝነበረ ኮይኑ  ብ ቤት ፍርዲ ወረዳ ስቶክሆልም፡ ናይ ዕድመ ልክዕ ማእሰርቲ ተፈሪዱ’ሎ። ሓዉ …

ሽወደን፡ ሓድሽ ወተሃደራዊ ሓገዝ ናብ ዩክሬይን ክትልእኽ ምዃና፡ መንግስቲ ሽወደን ትማል ሓሙስ ንግሆ ኣፍሊጡ። እዚ ሓገዝ መካይን ኲናት፡ ጸረ-ታንክ ሚሳይላት፡ ከምኡ’ውን ዝተራቐቐ ስርዓተ መድፍዕ “ኣርቸር” ዘጠቓልል እዩ ተባሂሉ’ሎ። “ዩክሬይን ግዝኣታዊ ሓድነታ፡ ነጻነታን ሓርነታን ከተውሕስ ኲሉ ዝከኣለና ጻዕርታት ከነካይድ ኢና” ክብል ሚኒስተር ምክልኻል ፓል ጆንሰን ን ሬድዮ ሽወደን ገሊጹ’ሎ።

ኣብ ዝሓለፋ ሒደት ዓመታት ብሰንኪ ለበዳ ኮቪድ ሲነማ ሽወደን ኣዝዮም ሒደት ሰባት ጥራይ ክበጽሕዎ ምጽንሖም ተገሊጹ። ንኣብነት 2022 ካብ ቀዳሞት ዓሰርተ ብሉጻት ተሰምያ ኣብ ዓበይቲ ሲነማታት ዝተራእየት ፊልም የላን። ኣብ ዝሓለፈ ዓመት 16% ካብ ኣፍቀርቲ ፊልም ጥራይ ፊልምታት ሽወደን ምዕዛቦም፡ ኣብ ዓበይቲ ሲነማታት ሽወደን–ፊልምስታደን–ዳይረክተር ተርታ ፊልምታት ፐር ማርተንሰን ገሊጹ’ሎ። “ኣብ 2022 ብብዝሒ ዝተራእዩ ፊልምታት ናይ ኣመሪካ እዮም ኔሮም። ፊልምታት ሽወደን …

ኣብ ስቶክሆልም ዝርከብ “ትካል ፊልም ሽወደን”፡ ኣብዚ ጽድያ ፊልምታት ከርኢ ምዃኑ ተፈሊጡ። ብልፍንቲ ዝስራሕ ኮመዲ “ሃሰ ኣልፍረድሰን” ን “ታገ ዳኔልሰን” ምስ ሓድሽ መጽሓፍ ዝርዝር ፊልምታቶም፡ ኣብቲ ኣጋጣሚ ክቐርብ እዩ። ሃሰን ታገን፡ ንኣስታት 30 ዓመታት ብ ፊልምታቶም፡ ንድፍታቶምን ምርኢታቶምን ንብዙሓት ኣዘናጊዖም እዮም። “ሽወደናውያን ካበይ ይምጽኡን ዘለዎም ማሕበራዊ ደርቢን ብዘየገድስ፡ ምስ ተዋስኦ፡ ዋዛ፡ ዳእላን ፊልምታትን እዞም ሰባት ብገለ ይተኣሳሰሩ እዮም” ክብል ተሓጋጋዚ …

ኣብ ሰሜን ሽወደን፡ ኣዝዮም ተደለይቲ ሜታላት ብብዙሕ መጠን ኣብ ትሕቲ መሬት ከም እተዳህሰሱ ተገሊጹ። ዝሓለፈ ሰሙን፡ ብመንግስቲ ሽወደን ዝውነን ኲባንያ ዕደና (LKAB)፡ ኣብ ትሕቲ መሬት ከተማ ኪሩና፡ ኣዝዩ ብዙሕ መጠን እዞም ሜታላት ከም እተረኽበ ሓቢሩ’ሎ። እዚ ብኣህጒር ኣውሮጳ ደረጃ ዓብዪ ዜና ኮይኑ’ሎ። እዞም ሜታላት፡ ብ ጸዓት ኤለትሪክ ዝሰርሑ ተሽከርከርቲ ሓዊስካ፡ ካልኦት ኣገደስቲ ቲክኖሎጂያዊ ምህዞታት ንምስራሕ ወሰንቲ ምዃኖም ሬድዮ ሽወደን ጸብጺባ። …

ፈላማይ ክትዕ መራሕቲ ሰልፊታት ባይቶ እዚ ዓመት፡ ሎም ንግሆ ኣብ ህንጻ ባይቶ ሽወደን ተኻዪዱ። ቀረብ ጸዓትን ዋጋ ኤለትሪክን፡ ቀንዲ ዛዕባታት እዚ ክትዕ እዮም ኔሮም። ብዘይካዚ፡ መሪሕነት ሰልፊ ማእከላይ ብፍቓዳ ንዝገደፈት ኣኒ ሉፍ ኣብቲ ክትዓት ምስታፋን፡ በቲ ኣጋጣሚ ስንብት ከም እተገብረላን ሬድዮ ሽወደን ጸብጺባ’ላ።

ኣብ ኪስታ (ሰሜናዊ ምዕራብ ስቶክሆልም) ዝርከብ ህንጻ ኲባንያ፡ ትማል ረቡዕ ለይቲ ብእተኸስተ ሓድሽ ምፍንጃር ከም ዝዓነወ ተገሊጹ። ከምዚኦም ዝመሰሉ መርመራታት ምፍንጃር፡ ናብ ምትሓዝ ፈጸምቱ ከም ዘይበጽሑ ስታቲስቲክስ የመልክት። ክልተ ሲሲ ካብዞም መርመራታት፡ መወዳእትኡ ብፍሽለት እዮም ዝዕጸዉ። እዚ ንኸይከውን፡ ፖሊስ መርትዖታት ቅድሚ ምጥፍኡ ናብ ቦታ ፍጻመ ከርክቡ ከም ዝግባእ ኣኽባር ሕጊ ገሊጹ’ሎ።

ናብ ገበን ክዋፈሩ ይኽእሉ እዮም ተባሂሎም ዘስግኡ ቖልዑ ኣመልኪቶም፡ ፖሊስን ማሕበራዊ ኣገልግሎትን ምስ ወለዲ ዝገብርዎ  ውዕል ክፍትንዎ ምዃኖም ይግለጽ ኣሎ። እዚ ሞዴል ኣብ ሃገረ ጀርመን ኣብ ጠቕሚ ዝወዓለ ኮይኑ ሕጂ ድማ ኣብ ሊንሾፒን፡ ሶደርታልየን ሰሜናዊ ዮተበሪን ክፍተን እዩ ተባሂሉ’ሎ። ኣተኲሮ እዚ ፈተነ ዕድሜኦም 13ን ትሕቲኡን ዝኾኑ ቆልዑ እዮም።

ሰለስቲአን ሰልፊታት መንግስቲ፡ ን ቋንቋ ኣደ ብዝምልከት ገምጋም ክግበር ምስ ሰልፊ ዴሞክራሲ ሽወደን ኣብ ስምምዕ በጺሐን። ተመሃሮ ብዝተፈላየ ኣህጒራዊ ቋንቋታት ዝቐስምዎ ፍልጠት፡ ኣብ ምዕባለ ቋንቋ ሽወደን ኣሉታዊ ጽልዋ ከይህልዎዎ ገምጋም ክግበር እዩ። ህሉው ኣገባብ ኣማህራ፡ ኣብ ምዕባለ ቋንቋ ሽወደን ኣሉታዊ ሳዕቤን ዘለዎ ምዃኑ ዘረጋግጽ ሳየንሳዊ ጭብጢ የለን፡ እቲ ሓቂ ብኣንጻሩ እዩ ዝብሉ ምጒታት ቀሪቦም ኣለዉ። “ትምህርቲ ሙዚቃ ይዂን ዘመናዊ ቋንቋታት …

ፖሊስ ነቲ ሎሚ ለይቲ ኣብ ስቶክሆልም ዘጋጠመ ምፍንጃር ይምርመሩ ኣለዉ። በዚ ኣብ ሰዓታት ለይቲ፡ ኣብ ከባቢ ሶደርማልም ኣብ ኣፍደገ ሓደ ቤት መግቢ ብዘጋጠመ ምፍንጃር፡ ዝኾነ ዝተጎድአ ሰብ የለን። እንተኾነ ግና፡ በሪ እቲ ቤት መግቢ ከም ዝዓነወ፡ ብርክት ዝበለ መሳዂቲ መንበሪ ኣባይቲ ኸኣ በቲ ነውጺ ከም እተሰባበረ ሬድዮ ሽወደን ጸብጺባ’ላ። ዕላማ እዚ መጥቃዕቲ እቲ ቤት መግቢ ምንባሩ ፖሊስ ገሊጾም ኣለዉ።