ንዝያዳ ሓበሬታ ብዛዕባ ክሮና

ሕብረተ ሰብ ሽወደን በዓል ፋሲካ ንምጽንባል ናብ ዝተፈላለያ ምምሕዳራት ካብ ምጋሽ ክቑጠቡ መንግስቲ ተማሕጺኑ። ብተወሳኺ፡ ምስፍሕፋሕ ለበዳ ኮሮና ንምግታእ ሃይማኖታዊ በዓላት ከም በዓል ፍሲካ ኮነ ሮሞዳን ንምጽንባል ዝግበሩ ዝነበሩ ምትእኽኻባት ንኽስረዙ ሚኒስተር ህዝባዊ ጉዳያት፡ ሊና ሃሊንግሪን ጸዊዓ። ምስፍሕፋሕ ለበዳ ቫይረስ ምግታእ ሓላፍነት ነፍሲ ወከፍ ሰብ ምዃኑ እታ ሚኒስተር ሎሚ ኣብ ዝገበረቶ ጋዜጣዊ ዋዕላ ገሊጻ። ህዝባዊ መጓዓዝያ ኣውቶቡሳት፡ ቤት ምግብታት፡ ድኳናትን …

ኣብ ዕዳጋታት መድሃኒት ቅልውላው ንኸየጋጥም ብምባል መንግስቲ ሽወደን ነቲ ካብ ፋርማሲ ዝሃልኽ መድሃኒታት ቀይዲ ክገብረሉ ሎሚ ንግሆ ወሲኑ። ፋርማሲታት ንሕሙማት ክሸጣሎም ዝጸናሓ ናይ ሓደ ዓመት መድሃኒት ተሪፉ ንሰለስተ ኣዋርሕ ዝኣክል መድሃኒት ጥራይ ክሸጣሎም ከምዘለወን እዚ ሓድሽ ውሳነ ይእዝዝ ክትብል ሚኒስተር ማሕበራዊ ጉዳያት፡ ሊና ሃሊንግሪን፡ ሎሚ ኣብ ዝገበረቶ ጋዜጣዊ ዋዕላ ሓቢራ። ሕዱር ሕማም ዘለዎ ሰብ ኣብ ሓደ እዋን ንሓደ ዓመት ዝኣክል …

ዝያዳ መርመራ ቡዙሕ ወጻእታትን ዝያዳ ስራሕ ከም ዘድሊ እካ እንተኮነ። ክኢላ ለበዳ ሕማም ኣንደርስ ቴግኔል ሓቢሩ’ሎ። ኣብ ዝሓለፈ ሰሙን 10 ሽሕ ሰባት መርመራ እዚ ቫይረስ ከም እተገብረሎም ዝፍለጥ እዩ። መንግስቲ ዝያዳ ሰባት ክምርመሩ ከም ዘለዎም ኣብ ስምምዕ ምብጽሑ እንተኾነ ግና ሚኒስተር ጥዕናን ማሕበራዊ ጒዳያትን ሌና ህልግረን እዚ ኣገባብ ቅኑዕ ኣይኰነን ነቶም ዝምልከቶም ዝበልናዮም ጥራይ ሸቶ ክንገብር ይግባኣና ኢላ።

ህዝባዊ ኣገልግሎት ጥዕና ሽወደን ተወሳኺ መርመራታት ክሮና ቫይረስ ንኸካይድ ብመንግስቲ ሓላፍነት ከወሃቦ ምዃኑ መራሒ ዓቃባዊ ሰልፊ፡ ኦልፍ ክሪስቶርሾን ሓቢሩ። ኣብ ኣገልግሎት ጥዕና ዝሰርሑ እቶም ቀዳሞት መርመራ ዝካየደሎም ክፋል እዮም። ስዒቡ ድማ ንብዙሓት ዝሽፍን መርመራታት ክካየድ ምዃኑ ክሪስቶርሾን ሎሚ ምስ ቀዳማይ ሚኒስተር ድሕሪ ዝገበሮ ዝርርብ ንመርበብ ሓበሬታ ሽወደን TT ዝሃቦ ሓበሬታ ገሊጹ። እዚ መስርሕ ናይ ቅምሶ መርመራ ቅድሚ ሳምንታት ክትግበር ዝነበሮ …

ኤጀንሲ ህዝባዊ ጥዕና መንግስቲ ሃገራዊ ስትራቴጂ መርመራ ኮሮና ከዳሉ ከም ዝግባእ ትማሊ ብሰሉስ ሓቢሩ’ሎ።፡ እዚ ዝኸውን ዘሎ መራሕቲ ሰልፊታት ኣብ ባይቶ ድሕሪ ምርኻቦም ኮይኑ ኡልፍ ክሪኣተርሰን ነቲ ዜና ናብ ኣገልግሎት ዜና TT ክባጻሕ ምግባሩ ተፈሊጡ። ንሱን ከምዝሓበሮ ሰልፊ ቬኒስተርን ሞድራትናን ዝያዳ መርመራ ንክግበር ድፍኢት ይገብሩ ምህላዎም ድማ ኣመልኪቱ። ሰባት ናይ ፋስጋ ጒዕዞ ካብ ምግባር ክቚጠቡ ድም ኣተሓሳሲቡ’ሎ። ኣብ ሽወደን ተወሰኽቲ …

ኣብ ስቶክሆሎም ዝርከብ ሆስፒታል Sodersjukhuset ዝሰርሑ ሰለስተ ሓካይምን ክልተ ተሓጋገዝቲ ሓኪምን ኣብ ትሕቲ ኣሃዱ ጽዑቕ ሕክምናዊ ምክትታል’ቲ ሆስፒታል ዝርከቡ ብሓገዝ ማሽን ዘስተንፍሱ ዘለዉ ኮይኖም፡ ሓደ ካብኣቶም ናይ ምምሕያሽ ምልክታት የርኢ ስለዘሎ ኣብ ዝሓጸረ እዋን ናብቲ ዝፎኸሰ ኣሃዱ ክሰጋገር ተስፋ ንገብር ክትብል ዝለዓለት ሓኪም’ቲ ሆስፒታል፡ ክላራ ስትሮምቢሪ፡ ንተለቪዥን ሽወደን ሓቢራ። ክሳብ ሕጂ ክንደይ ካብ ኣባላት ኣገልግሎት ጥዕና ብቫይሮስ ክሮና ተለኺፎም ከምዘለዉ …

ሓደስቲ ንክለሰ ሓሳባዊ መርመራ ምዝዋር መኪና ዓይነታት A፡ B፡ BE፡ AM ን ተሳሓብቲ መካይንን ዝቐርቡ ሰባት ካብ 23 መጋቢት ክሳብ 4 ግንቦት ምዝገባ ደው ከምዝበለን እቶም ተመዝጊቦም ቆጸራ ዝሓዙ ግን ክሳብ ሓድሽ ሓበሬታ ብደብዳቤ ዘይመጾም እቲ መደብ ከምዘለዎ ከምዝቕጽል ተሓቢሩ። ኣብ ምምሕዳር ስቶክሆሎም ቤት ጽሕፈት ግን ንኹሎም ክለሰ ሓሳባዊ መርመራ ንኽገብሩ ቆጸራ ዝለዎም ከይተረፈ ካብ 23 መጋቢት ክሳብ 30 ሚያዝያ …

ኣብ ኣገልግሎት ማእሰርቲ ናይ መጀመርታ መልከፍቲ ቫይረስ ኮሮና ተራእዩ ክብል ኣገልግሎት ዜና TT ሓቢሩ። እዚ ቫይረስ ኣብ ከባቢ ስቶክሆልም ክፍሊ ጸጥታ ከም እተራእየ ጆርጊን ካብ ክፍሊ ተሃድሶ ሰሜን ገሊጹ። ካልኦት ሒደት ስባት እውን ምልክታት እዚ ሕማም የርእዩ ከም ዘለዉን ክምርመሩ ከም ዝግብኦምን ተመልኪቱ።

ቊጠባ ሽወደን ብሰንኪ ለበዳ ኮሮና ብሓያል ተጸልዩ እንሃለወ ኣብዚ ወርሒ ካብ ስራሕ ምድስካል ብናህሪ ይረአ ምህላዉ ተገሊጹ።፡ ሓላፊት ኣገልግሎት ሽቕለት ማርያ ሚንድሃመር መንግስቲ ንዘሎ ምቊራጽ ስራሕ ከድሕኖን ማዕከን ሽቕለት ከይብደልን ስጒምቲ ክወስድ ተስፋ ከም ዘለዋ እውን ገሊጻ’ላ። ዛጊት 36 ሽሕ ሰባት ካብ ስራሕ ከም ዝደስከሉን ፍርቆም ኣብዚ ሰሙን ጥራይ ከም ዝተፋነዉ ድማ ተገሊጹ።