ሓበሬታ

ብምኽንያት ምስፍሕፋሕ ሓድሽ ጅር ኦሚክሮን; ክታበት ኮቪድ-19; ንዝበዝሑ ዜጋታት ግዱድ ከም ዝኸውን ኤኳዶር ኣፍሊጣ። ንምሉእ ህዝቢ እታ ሃገር ኣንጻር እዚ ሕማም ዝዕጠቐሉ እዂል ብልቃጣት ከም ዘለዋ ሚኒስትሪ ጥዕና እታ ሃገር ገሊጹ’ሎ። እዚ ንኸይግበር እዂል ሕክምናዊ ምኽንያት ዘቕርቡ ጥራይ ካብዚ ግዱድ ክታበት ናጻ ክኾኑ እዮም። ኲሎም ካልኦት ካብ 5 ንላዕሊ ዝዕድሜኦም ዘበሉ ክኽተቡ እዮም። ክሳብ ሕጂ፡ 77.2% ኲሎም ኣብዚ ዝርዝር ዘለዉ …

ሩስያ፡ ኣብ ዶብ ሃገረ ዩክሬይን እትገብሮ ዘላ ምጽጋዕ ገዚፍ ሰራዊት፡ ኣመልኪተን ኣመሪካን ሩስያን ቅድሚ ክኣቱ ሒደት መዓልታት ጥራይ ተሪፍዎ ኣብ ዘሎ ሓድሽ ዓመት ክዘራረባ ምዃነን ሰብመዚ ኣመሪካ ገሊጾም። ፕረዚደንት ፑቲን እውን ኣቐድም ኣቢሉ ኣብ ጀነቫ ክራኸቡ ተስፋ ከም ዘለዎ ክገልጽ ጸኒሑ እዩ። መራሒ ሩስያ፡ ቭላድሚር ፑቲን፡ ቀጻልነት ሓይልታት ኪዳን ኣትላንቲክ (Nato) ነዚ ቅልውላው ኣብ ምብታን ክምርኮስ ህጹጽ ውሕስነት ክወሃቦ ጠሊቡ’ሎ። …

ኣብ ፊንላንድ፡ ዝተረሩ ቀይድታት ኮቪድ ክተኣታተዉ ምዃኖም ተሓቢሩ። እቲ ብልፍንቲ ቡዙሓት ሰልፍታት ዝቆመ መንግስቲ፡ ውሳነኡ ኣማሓላሊፉ’ሎ፡ ንሱ ከኣ ግድን ” ህጹጽ ናይ ዕጽዋ ግዜ ክተኣታቶ ኣለዎ ” ክትብል ቀዳመይቲ ሚኒስተር ፊንላንድ፡ ሳና ማሪን፡ ገሊጻ ክብል ማዕከን ዜና ተተ ሓቢሩ። እዚ ማለት፡ ቕድሚ ኩሉ እቲ መንግስቲ ኣብቲ ጉዳይ ኣትዪ፡ ኣብ ክንዲ ብደረጃ ምምሕዳራት፡ ብሃገር ደረጃ ውሳነ ከመሓላልፍ እዩ። ” ንሕና በቲ …

ቻይና ኣብ ልዕሊ 4 ዜጋታት ኣመሪካ እገዳ ኣንቢራ ክብል ማዕከን ዜና ተተ ሓቢሩ፡፡ እዚ ስጉምቲ’ዚ፡ ነቲ ሕ. መ. ኣ. ኣብ ዝሓለፈ ሰሙን ኣብ ልዕሊ ሺንጅያንግ ዝግበር ዝነበረ ንጥፈታት ቻይና ንምቁጽጻር ዘንበረቶ እገዳታት ግብረ- መልሲ ንምሃብ’ዩ ተባሂሉ፡፡ ሕ.መ.ኣ. ነቶም ሰዓብቲ ሃይማኖት ምስልምና ዝኾኑ ውሑዳት ኡጉራውያን ዓሌት ግዳይ፡ ጃምላዊ መቕተልቲ ከምዝኾኑ’ያ ትኣምን፡፡ እቶም 4 እገዳ ዝተነብረሎም ኣመሪካውያን፡ ምስ’ቲ ኣብ መላእ ዓለም፡ ንሃይማኖታዊ …

ሽወደን፡ ኣባል ኤውሮጳዊ ሕብረት ካብ ትኸውን፡ ምስ ዓለምለኻውን ምስ ኤውሮጳዊ ሕብረት ዝተሓሓዙ ስራሓት እንዳበዝሑ እዮም መጽዮም። ኩለን ኣብያተ ጽሕፈት ሚኒስትሪታት ሽወደን፡ ምስ ኤውሮጳዊ ሕብረት ዝተሓሓዙ ስራሓት ይዓያ፣ ናይ ሽወደን መገጺታት የዳልዋ፡ ከምኡ ድማ፡ ኣብቲ ቤት ፍርዲ ኣውሮጳ ሕብረት ዝላዓሉ ጉዳያት ይከታተላ። ኣብ ዓመተ 1994 ድሕሪ ዝተኻየደ ረፈረንደም፡ ሽወደን፡ ካብ ዕለት 1 ጥሪ 1995 ጀሚራ፡ ኣባል ኤውሮጳዊ ሕብረት ክትከውን በቒዓ። ኣባል …

ኣስታት 6,000 ሰባት ካብ ፎርሼክሪንካሳን ክረክብዎ ዝግበኦም ናይ ካሕሳ ክፍሊት ቕድሚ በዓል ልደት ክቕበልሉ ዝክእሉ ግዜ ከምዘይብሎም፡ ሬድዮ ሽወደን  P4 ዮቶቦሪ ጸብጺቡ ክብል ማዕከን ዜና ተተ ሓቢሩ። እዚ ከኣ፡ ብምክንያት እቲ በዓል መዚ፡ ንኩሎም ጉዳያት ከማሕድሮም ስለዘይከኣለ’ዩ። በዓል መዚ ውሕስነት መድሕን ሽወደን፡ ምስ ናይ ዝሓለፈ ዓመት ተመሳሳሊ ግዜ ብምንጽጻር፡ ካብ ጥቅምቲ ንደሓር ጥራይ፡ ከባቢ 500,000 ተወሰክቲ ምልክታታት ካብ ንግዜኡ ናይ …

ብሰንኪ መልከፍቲ ኦሚክሮን ክፍጠሩ ዝኽእሉ ጥዕናዊ ጸገማት፡ ምስቶም ብካልኦት ጅራት ኮሮና ዝፍጠሩ ክነጻጸር እንከሎ፡ ዝሓሸ ከም ዝኾነ ኣብ ብሪጣንያን ደቡብ ኣፍሪቃን እተኻየዱ ኣፈናዊ መጽናዕቲታት ኣመልኪቶም። ሕሙማት ኦሚክሮን እቶም ዝወሓዱ ጥራይ ክንክን ጥዕና ከም ዘድልዮም ዝጠቐሰ እቲ መጽናዕቲ፡ ይዂንምበር ብሰንኪ ዘሎ ናህሪ ለበዳ ሆስፒታላት ብሕሙማት ከም ዝመልእ ብምግባር፡ ኣብ ስርዓተ ጥዕና ጸቕጢ ክፈጥር ከም ዝኽእል ኣጠንቂቑ። ኣብ ብሪጣንያ ኣብ ሓደ መዓልቲ …

ክሳብ ሕጂ ኣብ ሽወደን፡ ቁጽሪ ናይቶም ክልተ እብረ ክታበት ዝወሰዱ ልዕሊ 12 ዓመት ዝኾኑ ሰባት፡ 7,355,704 በጺሑ ከምዘሎን፡ እዚ ማለት ድማ፡  81.4% ካብ መላእ ልዕሊ 12 ዓመት ዝዕድሚኦም ህዝቢ ሽወደን ምዃኑ፡ መዛግብቲ ሃገራዊ ኣወሃሃዲ ክታበት ገሊጾም ክብል ማዕከን ዜና ተተ ሓቢሩ። ኣስታት 2,2 ሚልዮን ዝኾኑ ልዕሊ 18 ዓመት ዝዕድሚኦም ሽወደናውያን ድማ፡ ሳልሳይ እብረ ክታበት ወሲዶም ከምዘለዉን እዚ ማለት ድማ፡ 26.5% …

ጽባሕ ዓርቢ ክካየድ ተሓሲቡ ዝነበረ ፕረዚደንታዊ ምርጫ ሊብያ፡ ንሓደ ወርሒ ክናዋሕ ምዃኑ ኮሚሽን ምርጫ ሊብያ ገሊጹ። እቲ ኮሚሽን፡ ምስ ባይቶ እታ ሃገር ድሕሪ ዘካየዶ ልዝብ፡ ነቲ መዓልቲ ምርጫ ናብ 24 ጥሪ ክሰግር ምግባሩ ኣመልኪቱ’ሎ። እቲ ባይቶኣዊ ኮሚቴ፡ ኣቐድም ኣቢሉ ኣብ ዝሃቦ መግለጺ፡ ጽባሕ ዓርቢ ምርጫ ምክያድ ዘይከኣል እዩ ምባሉ ዝዝከር እዩ። እዚ ምርጫን ሕጹያትን ሕጋውያን ድዮም ዝብል ክርክራት ከምኡውን ናይ …