ኢመግረሽን

ጉዳይ ስደተኛታት፡ ከቢድ ሓላፍነት ኣብ ልዕሊ ምዃኑ ብዙሕ ሽግራት ዝፈጥር እዩ ክብል ሓላፊ ሰልፊ ሞደራትና፡ ኡልፍ ክሪስተርሾን፡ ገሊጹ ክብል ማዕከን ዜና ተተ ኣቃሊሑ። ኣብ ሽወደን፡ ጉዳይ ስደተኛታት ዓቢ ተጽዕኖ ኮይኑ ኣሎ ጥራይ ዘይኮነ፡ ገበናት፡ ምግሃስ ክብርታት፡ ማሕበራዊ ጸገማትን ጻዕቂ ሰብን ዝኣመሰሉ ሽግራት ዝፈጥር እዩ ክብል ክሪስተርሾን ንሬድዮ ሽወደን P1-Morgon ሓቢሩ። ገበናውያን ጉጅለታትን ቶኽስን ኣብተን ትሑት ቁጠባዊ ዓቕሚ ዘለወን ከባቢታት ይበዝሕ …

ንማእከላይ ባሕሪ ሰንጢቖም ናብ ኤውሮፓ ክሰግሩ ኣብ ሰለስተ ዝተፈላለዩ ፈተነታት ዝነበሩ 178 ስደተኛታት፡ ኣብ ደቡባዊ ገማግም ቱኒዝያ ብኣባላት ሓይሊ ባሕሪ ቱኒዝያ ከምዝደሓኑ፡ ሚኒስተር ምክልኻል ቱኒዝያ ሓቢሩ ክብል ማዕከን ዜና ተተ ኣቃሊሑ። እዞም ዜጋታት ግብጺ፡ ቱኒዝያ፡ ሶርያ፡ ኮትዲቭዋር፡ ባንግላዴሽ፡ ናይጀርያ፡ ማሊን ኢትዮጵያን ምዃኖም ዝንገረሎም ስደተኛታት፡ ካብ ወደባዊ ከተማ ሊብያ ዝኾነት፡ ዙዋራ፡ ተበጊሶም ናብ ኤውሮፓ ንምእታው፡ ብቀዳም ምሸት ከምዝተበገሱ ጸብጻባት ይሕብሩ። መብዛሕትኦም …

    ጻዕቂ ሰብ፡ ሕማቕ ምግብን፡ ሕጽረት ጽሩይ ክዳውንትን ጸቕጥን ነቶም ብዘይ ስድራ ናብ ኣሜሪካ ኣትዮም ናብ ግዝያዊ መንበሪ ኣባይቲ ዝኣተዉ ህጻናት ብኸቢድ ጸልይዎም ከምዘሎ እቲ 17 ነጥብታት ሓዚሉ ናብ ቤት ፍርዲ ዝቐረበ ምስክርነት ገሊጹ ክብል ማዕከን ዜና ተተ ኣቃሊሑ።   እቶም ምስክርነቶም ዝሃቡ ህጻናት፡ ደቂ 9 ክሳብ 17 ዓመት ዝዕድሚኦም ኮይኖም ካብ ጓቲማላ፡ ሆንድራስን ኤልሲልቫዶርን ዝመጹ እዮም። እዞም ህጻናት፡ …

ግዝያዊ መንበሪ ፍቓድ እቲ መንገዲ ኮይኑ፡ ቀዋሚ መንበሪ ፍቓድ ግን እንተቀልጠፈ ኣብ ሰለስተ ዓመታት ክወሃብ ዝብል ዘተ፡ ኣብ ባይቶ ሽወደን ውሳኔ ክወሃበሉ ትጽቢት ይግበር ክብል ማዕከን ዜና ተተ ኣቃሊሑ። እዚ ውሳኔ ሕጊ ኢሚግሬሽን፡ ነቲ ሽወደን ኣብ ዓመተ 2015 ን 2016 ንህጹጽ ቅልውላው ስደተኛታት ተባሂሉ ዝቖመ ግዝያዊ ሕጊ፡ ብምትካእ፡ ቀዋሚ ሕጊ ኢሚግሬሽንን ዑቕባን ክኸውን እዩ። መንግስቲ ሽወደን፡ ነቲ ዘቕረቦ እማመ፡ ብሰልፍታት …