ሃገራዊ ዜና

ኣብ ሽወደን ካብ ዝሓለፈ ሰሙን ኣትሒዙ ኣብ ሓያሎ ከባቢታት እታ ሃገር መሸጣ መብሰሊ መግቢ፡ ተንቀሳቓሲ ምድጃ፡ ኢመርጀንሲ ሬድዮን መጽረዪ ማይን ዝኣመሰሉ ነገራት ዋጋ ክውስኽ ተእርዩ’ሎ። እዚ ዝኾነሉ ምኽንያት፡ ካብ ሚኒስተራት መንግስትን ዋና ኣዛዚ ሰራዊት እታ ሃገርን፡ ሽወደናውያን ኣብ መጻኢ ክኽሰት ዝኽእል ኲናት ኣብ ግምት ብምእታዉ ስነኣእምሮኣዊ ምድላው ክገብሩ ዝብል መግለጺታት ድሕሪ ምቕራቡ እዩ። በዚ ድማ ሸሓኒታት መብሰሊን ራቪዮሊን እውን ብብዝሒ …

ኣብ ፊንላንድ ትሕቲ 35 ዓመት ዝዕድሚአ ውላድ ክህልወን ዘይደልያ ደቂ ኣንስትዮ ብቚጽሪ እናወሰኻ ምምጽአን ብ “ትካል ጥዕናን ድሕነትን ፊንላንድ (THL)” ዝተኻየደ መጽናዕቲ ኣቃሊዑ። 73% ካብ 20–34 ዝዕድሚአን ደቂ ኣንስትዮ ከምዘይወለዳን እቲ ትካል ጥዕና ኣብ ዘካየዶ መጽናዕቲ ኣመልኪቱ። እዚ ድማ ካብ 2017 ጀሚሩ ብሸሞንተ ሚእታዊት ወሰኽ ኣርእዩ’ሎ። ብኣንጻሩ ቊጽሪ ናይተን ልዕሊ 35 ዓመት ዝዕድሚአን ናብ ሕርሲ ዝመጻ ደቀንስትዮ፥ ምስ ዝሓለፈ ሽዱሽተ …

ኣብ ልዕሊ ኣሜሪካዊ ትካል ኤሌክትሪክ መኪና ተስላ ዝተወስደ ኢንዱስትርያዊ ስጉምቲ ምኽንያት ብምግባር፡ ሽወደናዊ ንኡስ ኮንትራክተር ካብ 600 ሰራሕተኛታ ን 20 ፍሉይ ሓበሬታ ክህብ ምዃኑ ሃለፈ ከምዘሎ ሎሚ ኣፍሊጡ። ሃይድሮ ኤክስትሩዥን ንባዕሉ ብ ሕውነታዊ ናይ ኣድማ ስጒምቲ ሃስያ ከም ዝወረዶ፡ ንመካይን ዝኸውን ኣሉሚንየማዊ ኣካላት ከኣ ደው ምባሉ ተሓቢሩ። ቴስላ ናይ ሓባር ልዝብ ምፍራም ብምእባዩ ኣብ ሽወደንን ገለ ካልኦት ሃገራት ኖርዲክን ዝርከብ …

ኣስታት 25% ሽወደናውያን ብዘይሕጋዊ መንገዲ ፊልምታትን ተለቪዥንን ከም ዝርእዩ “ሚድያቪዥን” ኣብ ቀረባ እዋን ዘካየዶ ሓደ ዳህሳስ ሓቢሩ። እዚ ኣሃዝ ቅድሚ ዓሚ ካብ ዝነበሮ 20% እዩ ናብ 25% ወሰኽ ኣርእዩ ዘሎ። ብፍላይ ድማ ኣስታት 50% ካብ መናእሰይ ሽወደን ብዘይ ግቡእ ክፍሊት ፊልምን ፕሮግራማት ቲቪን ይርእዩ ኣለዉ። እዚ ዘይሕጋዊ ኣገባብ ንኢንዱስትሪ ተሌቪዥንን ምዝንጋዕን ብዙሕ ክሳራ ዘስዕብ እዩ ትብል ተንታኒት ሚድያቪዥን ናታልያ ቦረሊየስ።

ብመሳርሒ ኣርቲፊሻል ኢንተለጀንስ ዝመሃዙ ናይ ሓሶት ቪድዮታት ኣብ እዋን ጎስጓስ ምርጫ እናተጋደደ ዝመጸ ጸገም ክፈጥሩ እዮም ብል ስግኣት ምህላዉ ተሓቢሩ። ኣብ “ኤጀንሲ ምክልኻል ስነ-ልቦና” ሽወደን ላዕለዋይ ተንታኒ ኣንድርያስ ኤደቫልድ “ሓደ ፖለቲከኛ ዝበሎ ብምጥምዛዝ ወይ ምሉእ ብምሉእ ኣምሲልካ ዘይተባህለ ሓበሬታ ብምርጋሕ፡ ህዝቢ ኣብ ሓደ ፖለቲከኛ ወይ ዝውክሎ ሰልፊ ዝጸንሖ እምነት ንኸንቈልቊል፥ በዚ ድማ ውጽኢት ምርጫ ንምቕጽልባስ ክጥቀሙሉ ይኽእሉ እዮም” ይብል። ድሮ …

ስድርኦም ካብ ቤቶም ይስጐጒ ብምህላዎም ቆልዑ ተሰከምቲ ኣሉታዊ ጽልዋ ይኾኑ ከምዘለዉ ህዝባዊ ኣገልግሎት ተለቪዥን ሽወደን SVT ሓቢሩ። ዓሚ ኣብ ወርሓት ጥሪ ክሳብ ሕዳር 610 ህጻናት በዚ ኲነታት ከምዝተሃስዩን እዚ ድማ ምስቲ ቅድሚኡ ዝነበረ ዓመት ክነጻጸር እንከሎ ኣዝዩ ወሰኽ ከምዘርኣየ እታ ተሌቪዥን ጸብጺባ’ላ። ብመሰረት ሃገራዊ ትካል ምኽፋል ዕዳ “ክሮኖፎግደን” ድሕሪ ፋይናንሳዊ ቅልውላው 2008 ካብ ዝነበሩ ዓመታት ጀሚሩ፡ ክንድዚ ዝኣክል ብምስጓጒ ስድራቤት …

ላዕለዋይ ኣዛዚ ሰራዊት ሽወደን፡ ኩሉ ኣብታ ሃገር ዘሎ ሰብ ንኲናት ስነኣእምሮኣዊ ድሉውነት ክህልዎ ከም ግባእ ገሊጹ። ኩነታት ጸጥታ ኣውሮጳ ድሕሪ ካልኣይ ኲናት ዓለም ከምዚ ሕጂ ዘለዎ ጌሩ ከቢዱ ከም ዘይፈልጥ እቲ ላዕለዋይ ኣዛዚ ወሲኹ ኣመልኪቱ። ሩስያ ንሽወደን ድሮ ስግኣት ኮይና ኣላ ዝኸፍአ ጸጥታዊ ስግኣት እውን ክስዕብ ይኽእል እዩ ይብል ላዕለዋይ ኣዛዚ ሚካኤል ባይደን።

ዝሓለፈ ሰሙን ዋላኳ ከቢድ መጠንቀቕታ ኩነታት ኣየር እንተወጸ፡ ነቲ ኣብ ስካን ኣብ ሞተር ዌይ E-22 ኲለን ተሽከርከርቲ ደው ክብላ ብምቕሳብ ገዚፍ ዕልቕልቕ ትራፊክ ዝፈጠረ ብርቱዕ በረድን ንፋስን ብዝምልከት፡ ኣገዳሲ ህዝባዊ መተሓሳሰቢ ኣይተላእከን ዝብል ወቐሳ ቀሪቡ። ብምኽንያት እቲ ኲነታት ኣየር ገለ መራሕቲ መካይን ክሳብ ዕስራ ሰዓታት ኣብ መካይኖም ተዓጽዮም ክጸንሑ ተገዲዶም እዮም። ምምሕዳር መጓዓዝያ ሽወደን ብዛዕባ እዚ ኲነታት ኣየር ዘድሊ ሓበሬታ …

ቀዳማይ ሚኒስተር ሽወደን ኡልፍ ክሪስተርሰን ኣብ ዋዕላ ምክልኻል ኣብ ዝሃቦ መግለጺ፡ ኩሉ ሽወደናዊ ዜጋ ክኸውን ዝደሊ ሰብ፡ ምእንቲዛ ሃገር ህይወቱ መስዋእቲ ምግባር ክሓስበሉ ይግባእ ኢሉ። መራሒ ሰልፊ ዓቃባዊ ሞደራትና ክሪስተርሾን ብወገኑ ብቕድሚ ትማል ሶኑይ ኣብ ዓመታዊ ዋዕላ ምክልኻል “ፎልክ ኦክ ፎርስቫር” ኣብ ዝሃቦ መደረ ጒዳይ ዜግነት ኣልዒሉ’ሎ። “ኣብ ኲናት እቲ ኣዝዩ ኣገዳሲ ሃብቲ ሓንቲ ሃገር፡ ህዝቢ ንነብሱ ንምክልኻል ዘለዎ ሓባራዊ …

ኣብ ጽርግያታት ሽወደን ከይዝወራ እተኣገዳ አገልገላ መካይን ብዘይሕጋዊ መንገዲ ካብታ ሃገር ወጺአን ኣብ ናይጀርያ ብኽቡር ዋጋ ናብ ዕዳጋ ከምዝቐርባ ሬድዮ ኒውስ ሽወደን አካየደቶ ዳህሳሳዊ ጸብጻብ ኣመልኪቱ ። እተን መካይን ዝሽየጣሉ ዘለዋ ኣገባብ መብዛሕትኡ ግዜ ዓሎቕ ዝመልኦ ምዃኑ — ኣብ ፋልኮፒንግ ካብ ዝርከብ ጆርገን ቤንግትሰን ቫን ዝገዝአ ሰብ ድማ ቅያር ዋንነት ኣመዝጊቡ ከም ዘይፈልጥ ሬድዮ ሽወደን ኣጣሊላ’ላ። “እዚ ምትላል እምበር ካልእ …