ዜና

ሕጹይ ፕረዚደንት ሃገራዊ ጥምረት ፊንላንድ ኣሌክሳንደር ስታብ፡ ንፕረዚደንት ሳውሊ ኒኒስቶ ንምትካእ ዓብዪ ተስፋ ከም ዘለዎ ብ YLE ዝተኻየደ ዳህሳስ ርእይቶ ህዝቢ ኣቃሊዑ። ደገፍ ስታብ ካብቲ ዝሓለፈ ወርሒ ብኣርባዕተ ሚእታዊት ብምጒዳል ናብ 27% ወሪዱ’ኳ እንተነበረ፥ ንኻልኣይ ወርሒ ብተኸታታሊ 23% ዘምጽአን ናይ ቀረባ መወዳድርቱን ንዝኾነ ፔካ ሃቪስቶ ቀዲሙ ይርከብ ኣሎ። ጁሲ ሃላ-ኣሆ፡ ኣብ መወዳእታ ምዕራፍ ናይቲ ጎስጓስ ዝያዳ ዕዉት ድፍኢት ከምዝገበረ፡ ተፈታውነቱ …

ገበነኛታትን ኣብቲ ናብ ናይጀርያ ዝካየድ ዘሎ ዘይሕጋዊ ሰደድ መካይን ብድሕሪ መጋረጃ ዝእዝዙ ዘለዉ ሰባትን፡ ኣብ ሽወደን ንዝርከቡ ምዝጉባት ወነንቲ መካይን ብምርካብን መካይኖም ክሸጡ ምድፍፋእን ይቕጽልሉ ምህላዎም፡ ካብዚ ሃሊፎም እውን ካብ ኤጀንሲ መጓዓዝያ ሽወደን ውልቃዊ መረዳእታ ይገዝኡ ከምዘለዉ ኣገልግሎት ዜና ሬድዮ ሽወደን ሓቢሩ። እቲ ሓበሬታ ናብታ ኣፍሪቃዊት ሃገር ኣታዊ ዘለወን ኣረጊት መካይን ረኺብካ ንምስግጋር ይውዕል ምህላው እታ ሬድዮ ኣጣሊላ’ላ።

ኣብ ስርዓተ ቴክኖሎጂ ሓበሬታ ፊንላንዳዊ ትካል Tietoevry ዝተፈጸመ መጥቃዕቲ “ራንሶምዌር” ክሳብ ሕጂ ፍታሕ ዘይምርካቡ፡ ሳዕቤናቱ ድማ ክሳብ ሕጂ ይቕጽል ከም ዘሎ ተፈሊጡ። “ዛጊት ምሉእ ስፍሓቱ ዘይንፈልጦ ከቢድ ጒዳይ ንገጥም ከምዘለና ርዱእ’ዩ” ይብል ሚኒስተር ሲቪል ምክልኻል ካርል-ኦስካር ቦህሊን። እቲ መጥቃዕቲ ምኽንያት ምዕጻው ብዙሓት ኩባንያታትን መንግስታዊ ትካላትን ኮይኑ’ሎ። ሓደ ካብዞም ሃስያ ዝወረዶም ኣሰራርሓታት እቲ ልዕሊ 60 ሽሕ ሰራሕተኛታት መንግስቲ ዝጥቀሙሉ ስርዓተ ዕደላ …

ቱርክ፥ ዝሓለፈ ሓሙስ ንሕቶ ኣባልነት ሽወደን ናብ ኔቶ ብወግዒ ከምዘጽደቐቶ፥ ፕረዚደንት እታ ሃገር ረሲፕ ጠይብ ዔርዶጋን ከኣ ኣብ መጀመርታ ናይዚ ሰሙን ነቲ ናይ ደገፍ ሰነድ ምኽታሙ፥ ማዕከን ዜና ሮይተርስ ሓቢራ። በዚ ድማ፥ ሕጂ ሃንጋሪ ንምጽንባር ሽወደን ናብ ኔቶ ዘየረጋገጸት እንኮ ኣባል እቲ ውድብ ኮይና ትቕጽል ኣላ። ቀዳማይ ሚኒስተር ሽወደን ኡልፍ ክሪስተርሾን፡ ቱርክ ነቲ ሕቶ ኣባልነት ምጽዳቓ ብሓጎስ ብምቕባል፡ ኣብ ማሕበራዊ …

ፕረዚደንት ናይጀርያ ቦላ ቲኑቡ ርእሰ ከተማ እታ ሃገር ካብ ኣቡጃ ናብ ሌጎስ ንምግዓዝ ዝኾነ መደብ ከምዘይብሉ ሓቢሩ። እቲ ፕረዚደንትነት ንኸምዚ ዝኣመሰለ ወረታት ዘጋውሑ ዘለዉ ፖለቲካዊ ተቓወምቲ ድሕሪ ምውቃስ፡ ሓቅነት የብሉን ኢሉ። እቲ ወረ ኣመሓዳሪ ሌጎስ ነበር ቲኑቡ ዝሓለፈ ግንቦት ስልጣን ቅድሚ ምሓዙ እዩ ጀሚሩ። ትካል መዓርፎ ነፈርትን ክፍሊ ማእከላይ ባንክን ናብ ሌጎስ ይግዕዙ ከምዘለዉ ድሕሪ ምግላጹ ከኣ እቲ ጒዳይ ኣዘራራቢ …

ሽዱሽተ ሕጹያት ፕረዚደንት ፊንላንድ ነቲ ኣብ ሕብረተሰብ ፊንላንድ ርኡይ እናኾነ ዝመጽእ ዘሎ ቀጻሊ ዝንባለ እንግሊዝኛ ብሙሉእ ድምጺ ተቓውሞኦም ምስምዖም ኣብዚ ቀረባ እዋን ብ Oma kieli ry ኣብ ዝተኻየደ መጽናዕቲ ኣመልኪቱ። እቶም ሕጹያት ሚካ ኣልቶላ፡ ሳሪ ኤሳያ፡ ፔካ ሃቪስቶ፡ ጁሲ ሃላ-ኣሆ፡ ሃሪ ሃርኪሞን ኦሊ ረንን፡ ብዛዕባ ተራ እንግሊዝኛ ኣብ ሕብረተሰብ ፊንላንድ፡ ብፍላይ ኣብ ትምህርቲ መንግስታውን ውልቃውን ኣገልግሎታት ንዝቐረበሎም ተኸታተልቲ ሕቶታት መልሲ …

ንጉሳዊ ቤተሰብ ሽወደን፡ ን ኣፍራዪ ቸኮሌት ማራቡ ካብ ዝርዝር ቀረባት ንጉሳዊ ቤተ መንግስቲ ሰርዝዎ። ወናኒ እቲ ትካል ሞንዴለዝ ብሰንኪ ኣብ ሩስያ ጌርዎ ዝበሃል ስራሕ ብ “ሃገራዊ ትካል ምክልኻል ብልሽውና ዩክሬን” ኣብ ጸሊም ዝርዝር ኣትዩ ጸኒሑ’ሎ። በዚ ድማ ካብ መወዳእታ ዝሓለፈ ዓመት ኣትሒዙ እቲ ፍርያት ካብ ቀረብ ጉሳዊ ቤተሰብ ሽወደን ክስረ ከም እተወሰነ ክፍሊ ፕረስ እቲ ንጒሳዊ ቤተሰብ ንማዕከን ዜና ቲቲ …

ንገዛእ ርእሶም ንምዕንጋልን ክኽደኑን ካብ ሲቪላዊ ማሕበራት ሓገዝ ዝሓቱ ሽወደናውያን ቁጽሮም እናወሰኸ ምምጽኡ ቀይሕ መስቀል ሽወደን ዘውጽኦ ጸብጻብ ኣመልኪቱ። ብመሰረት እቲ ትካል ገባሪ ሰናይ፡ ዝበዝሑ ሰባት ኣብ ከም መግብን ክዳውንትን ዝኣመሰሉ ኣዝዮም መሰረታውያን ነገራት ሓገዝ ዘድልዮም እኳ እንተኾኑ፡ ኣብ ናይ መዓልታዊ ህይወት ምንቅስቓሶም ምኽርን ደገፍን ዝሓቱ ሓደስቲ ጉጅለታት እናበርከቱ መጺኦም ኣለዉ። “ዘሎና ውሱንነት ማል ንነፍሲ ወከፍ ወጻኢ ሳንቲም ብዕቱብ ክንከታተል …

ብዙሓት ሽወደናውያን ኣብ ኣገልግሎታት ኔትፍሊክስ፣ ስፖቲፋይን ፔይፓልን ዝጥቀሙሉ ኣስማትን ፓስዎርድን ብኢንተርነት ምዝራቚ ኣገልግሎት ዜና ሬድዮ ሽወደን ሓቢራ። ቅድሚ ክልተ ሳምታት ኣብ ሕቡእ መርበብ ሓበሬታ ብምኽንያት ዝተፈጸመ ሰፊሕ ምዝራቚ ፓስዎርድ ኣስታት 70 ሚልዮን ሕሳባትን ፓስዎርዶምን ቃልዕ ከም እተገብሩ ብብሕቱ ዝዓዪ ክኢላ ድሕነት ቴክኖሎጂ ሓበሬታ (ኣይቲ) ዴቪድ ያኮቢ ገሊጹ’ሎ። “ገበነኛታት ሳይበር ነዞም ሕሳባት ክረኽቡ ምኽኣሎም፡ ንገበናዊ ንጥፈታቶም ዓብዪ ምንጪ ኣታዊ እዩ ዝኸውን …

ኣብ ደቡባዊ ሽወደን ስካን ኣብ እትርከብ ቁሸት ሆርቢ፡ ኣብ ዝሓለፈ 50 ዓመታት እቲ ዝኸፍአ ዝተባህለሉ ዕልቕልቕ ዝናብ ተኸሲቱ። ሃገራዊ ቤት ጽሕፈት ኩነታት ኣየር ሽወደን SMHI ንልዑል መጠን ማይ ብምልከት ዝወጸ ኣራንሾኒ ዝሕብሩ መጠንቀቕታ ንዝተረፈ መዓልቲ ኣብ ቦትኡ ክጸንሕ ምዃኑ ገሊጹ’ሎ። ኣብቲ ብዕልቕልቕ ዝተሃስየ ከባቢ ጽባሕ ዓርቢ ተወሳኺ ዝናብ ክዘንብ ትጽቢት ምህላዉ፥ በዚ ድማ ሃገራዊ ቤት ጽሕፈት ኩነታት ኣየር ሽወደን ዝለዓለ …