ንዝያዳ ሓበሬታ ብዛዕባ ክሮና

ናይዚ ዓመት ማእከላይ ገምጋም ዕድመ ሽወደናውያን፡ ብሰንኪ ለበዳ ኮሮና ክጎድል ትጽቢት ከምዘሎ ማእከል ስታቲስቲክስ ሽወደን ሓቢሩ። ማእከላይ ገምጋም ዕድመ ሽወደናውያን ደቂ ኣንስትዮ ካብ 84.7 ናብ 84.4 ዓመትን ናይ ደቂ ኣንስትዮ ድማ ካብ 81.3 ናብ 80.8 ዓመት ክጎድል ከምዝኽእል ገምጋማት’ቲ ማእከል ይገልጹ። ማእከላይ ገምጋም ዕድመ ሽወደናውያን ደቂ ኣንስትዮ፡ ካብ መጨረሽታ ሰማንያታት ጀሚሩ፡ ሒደት እዋናት ጥራይ ምጉዳሉ ዝዝከር ኮይኑ፡ ኣብ ናይ ደቂ …

ሓፈሻዊ ክታበት ኣብ ዝጅምረሉ እዋን፡ ሰባት፡ ኣብ ዓበይቲ ኣብያተ ጽሕፈታት፡ ማእከላት ጥዕናን እንዳ መናበይ ዓበይትን ከምኡ ውን ኣብ ኣባይቲ ብምኻድ ክታበት ጸረ ኮሮና ንኽህባ ይውጥና ምህላወን ምምሕዳራት ሽወደን ይገልጻ ምህላወን መርበብ ሓበሬታ ተተ (TT) ኣቃሊሑ። ኣብ ዝቕጽል ወርሒ፡ መስርሕ ክታበት ኮሮና ክጅምር ትጽቢት ከምዘሎ ዝፍለጥ ኮይኑ፡ ቀዳማይ ገጽ ክታበት ክወስዱ ቀዳምነት ዝዋሃቦም፡ እቶም ልዕሊ 70 ዓመት ዝዕድሚኦም ሽማግለታት፡ ንሓደጋ ዝተቓልዑ …

ኣብ መወዳእታ ወርሒ ጥቅምቲ፡ በዓል መዚ ህዝባዊ ጥዕና ሽወደን፡ ምስፍሕፋ ለበዳ ኮሮና ከምእንደገና እናገደደ ምስ መጸ፡ ከባብያዊ ቀይድታት ንኽተኣታተው መምርሒታት ሓቢሩ ምንባሩ ዝዝከር ኮይኑ፡ ካብቲ እዋን ጀሚሩ፡ ኣብ ስቶክሆሎም፡ ቁጽሪ ተጠቀምቲ ባቡራት እናወሓደ ምምጽኡ፡ ኩባንያ SL ሓቢሩ። ኣብ ምጅማር ናይዚ ሰሙን፡ መጠን ብዝሒ ተሳፈርቲ ባቡራት፡ ብ40% ምጉዳሉ ጸብጻባት ሬድዮ ሽወደን ሓቢሮም። ብተወሳኺ፡ መጠን ብዝሒ ብኣውቶቡሳት ዝሳፈሩ ሰባት፡ እናጎደለ ምምጽኡ ውን …

ኣባል ናይ ሓንቲ ስድራ ቤት ብቫይረስ ኮሮና ምስ ዝልከፍ፡ ኣብ ቅድመ ትምህርቲ ዝመሃሩ ኣባላት’ታ ስድራ ቤት (ህጻናት) ክውሸቡ ኣለዎም ክብላ ማሕበራት ሰራሕተኛታትን መማህራንን ጠለበን ከም ዘቕረባ ሬድዮ ሽወደን ሓቢሩ። ኣብ ቅድመ ትምህርቲ ከቢድ ጻዕቂ ስራሕ ኣሎ። ኣብ ገዛ፡ ብኮሮና ዝተለኽፈ ሰብ ምህላዉ እናተፈልጠ፡ ህጻናት ናብ ቤት ትምህርቲ ክኸዱ ምግባር፡ መማህራን ልዕሊ መደቦም ክሰርሑን ኣብ ትሕቲ ከቢድ ጸቕጢ ክእትዉን ዝገብር እዩ …

መድሃኒት ክታበት ኮሮና ናብ ሽወደን ምስ ኣተወ ፡ ናብ ኩለን ምምሕዳራት ዝካየድ መስርሕ ምጉዕዓዝን ምክፍፋልን፡ ሓላፍነት ናይ መጓዓዝያ ኩባንያታት ክኸውን ምዃኑን ድሕሪ ምግላጽ፡ እቲ መስርሕ፡ ከቢድን ዝተሓላለኸን በዳህን ክኸውን ከምዝኽእል ሓላፊ ማሕበር መከፋፈሊ መድሃኒት ሽወደን፡ ላርስ ሺናትዝ፡ ንሬድዮ ሽወደን ሓቢሩ። እዘን ኩባንያታት፡ ካብቲ ዘጓዓዕዘኦ ዝነበራ መጠን ብዝሒ ብኣርባዕተ ዕጽፊ ዝበዝሕን ኣብ ውሱን መጠን ሙቐት ተዓቂቡ፡ ናብ ዝተፈላለያ ምምሕዳራት ሽወደን ክበጽሕ …

ኣብ ሽወደን፡ ቁጽሪ ናይቶም ጽዑቕ ሕክምናዊ ምክትታል ዘድልዮም ሕሙማት ኮቪድ-19፡ 209 ሰባት ምብጽሑን እዚ ቁጽሪ ፡ ኣብ ዝሓለፉ 5 ኣዋርሕ እቲ ዝለዓለ ምኻኑ መርበብ ሓበሬታ ኣፍቶንብላደት ሓቢሩ። ቁጽሪ ናይቶም ኣብ ጽዑቕ ሕክምናዊ ምክትታል ዝሕከሙ ሰባት ከንቆልቁል ድሕሪ ምጽናሕ፡ ኣብ ዝሓለፋ ሒደት ሳምንታት፡ ካልኣይ ማዕበል ኮሮና ብምግጣሙ፡ እቲ ቁጽሪ ከም እንደገና ይረአ ኣሎ። ኣብ ጨንፈር ጽዑቕ ሕክምናዊ ምክትታል ዝረአ ዘሎ ጸቕጢ፡ …

ካብ ትማሊ ዕለት 24/11/2020 ጀሚሩ፡ ብዝሒ ማሕበራዊ ምትእኽኻብ ካብ 8 ሰባት ዘይበዝሕ ዝብል መምርሒ፡ ተግባራዊ ከምዝኾነ ተሓቢሩ። ሰባት፡ ነቲ ዝለመድዎ ቅዲ መነባብሮ ይቕይሩ ምህላዎም ይረኣየካ ዝበለ ሚኒስተር ውሽጣዊ ጉዳያት ሽወደን፡ ሚካኤል ዳምቤሪ፡ ሕብረተሰብና ምስ ኮሮና ምንባር ይለማመዶ ምህላዉ ጽቡቕ ምልክት እዩ ኢሉ። ኣብዚ ሕጂ እዋን ክንገብሮም ዝግባኣና መሰረታውያን ነገራት፡ ምስ ካልኦት ሰባት ንራኸበሎም ኣጋጣሚታት ብምውሓድ፡ መምርሒታት ማሕበራዊ ምትእኽኻባት ምትግባር እዩ። …

ኣብ ልዕሊ ተቐማጦ ከተማ ስቶክሆሎም ዝግበር መርመራ ጸረ ኣካል፡ ንመበል ሻድሻይ ሰሙን፡ ኣወንታዊ ውጽኢት ምምዝጋቡ ጋዜጣ ዳግነዝ ነሂተር ገሊጹ። ኣብ መበል 47 ሰሙን፡ ካብቶም መርመራ ጸረ ኣካል ዘካየዱ 15000 ሰባት እቶም 31.6% ጸረ ኣካል ኮሮና ቫይረስ ዘማዕበሉ ምዃኖም እቲ ውጽኢት ሓቢሩ። ኣብ ዝሓለፉ ሓሙሽተ ሳምንታት፡ መጠን ብዝሒ ናይቶም ጸረ ኣካል ዘማዕበሉ ሰባት፡ ብቐጻሊ እናዓበየ ክመጽእ ምጽንሑ ዝፍለጥ እኳ እንተኾነ፡ ኣብ …

ጀርመንን ዓዲ እንግሊዝን ኣብ ዝቕጽል ወርሒ፡ ክታበት ኮሮና ክጅምራ ምዃነን ድሕሪ ምግላጸን፡ ሽወደን ድማ ብመንገዲ ኣዋሃሃዲ ክታበት፡ ሪቻርድ ቤሪስትሮም ኣቢላ፡ ኣብ ምጅማር ወርሒ ታሕሳስ 2020፡ ክታበት ኮሮና ክትጅምር ምዃና ሓቢራ ክብል መርበብ ሓበሬታ ኣፍቶንብላደት ሓቢሩ። ኣቐድም ኣቢሉ ኤውሮፓዊ ሕብረት፡ ንኣባላት ዝኾና ሃገራት፡ ኣብ ዘመሓላላፎ ሓበሬታ ምርኩስ ብምግባር፡ ሽወደን፡ ኣብ ወርሒ ጥሪ 2021 ክታበት ክትጅምር እያ ብምባል ቤሬስትሮም ሓቢሩ እኳ እንተነበረ፡ …