ኢመግረሽን

ሓሙሽተ ዝርእሱ ሰራሕተኛ ብሰሪ ዝሰርሖ ንእሽቶ ጌጋ ካብ ሽወደን ክባረር ከም እተኣዘዘ ተፈሊጡ። እዚ Gentian Hoksa ዝስሙ ካብ 2013 ጀሚሩ ኣብ Småland ክሰርሕ ዝጸንሐ ኣልባንያዊ ኣገልግሎት ኢሚግሬሽን ናይ ስራሕ ውዕሉ ከናውሑሉ ንዘቕረቦ ሕቶ ምንጻጎም ከም ዘሰንበዶ ገሊጹ’ሎ። ብዘይካዚ ንሱን ስድራኡን ብህጹጽ ናብ ዓዶም ክምለሱ ኣፍሊጦሞም ኣለዉ። “እቲ ዘስርሓኒ ኩባንያ ፋይናንሳዊ ጸገም ስለዝነበሮ ናይ ዕረፍተይ ደሞዝ ኣብ ግዚኡ ኣይከፈለንን” ክብል Huxa …

ኤምባሲ ፈረንሳይ ኣብ ስቶክሆልም ነቶም ልዕሊ 6 ሽሕ ዝኾኑ ዜጋታቱ ኣብቲ ኣብ ግንቦት 26 ኣብ ሽወደን ዝካየድ ምርጫ ኣውሮጳዊ ሕብረት ድምጾም ንኽህቡ የተባብዕ ኣሎ ክትብል ሬድዮ ሽወደን ገሊጻ። እዚ ዝኾነሉ ምኽንያት ኣብ 2014 ኣዝዩ ውሑድ መራጺ ብምኽሳቱ እዩ ክትብል እታ ማዕከን ሓበሬት ወሲኻ ገሊጻ’ላ።

ቤት ጽሕፈት ዕዮ arbetsförmedlingen ከም ባዓል መዚ መንግስቲ መጻኢ መደብ ስርሑ ንዕማማቱን ከመይ ክመስል ከምዘሎዎ፣ ዝዉስን መጽናዕታዊ ትንተና ብምግባር ንዉሳነ ንመንግስቲ ከቕርብ ተኣዚዙ። ብመሰረት ፖለቲካዊ ስምምዕ ወርሒ ጥሪ ባጀት ተቓወምቲ ንዕምማትን ንጥፈታትን ቤት ጽሕፈት ዕዮ ዳግመ ስርርዕ ክግበረሉን መብዛሕቱ ዕማማቱ ብኻልኦት ብሕታዊ ትካላት ክዕመም፣ ዝብል ፖለቲካዊ ዉሳነ ከምዝተገብረ ዝፍለጥ ኮይኑ፣ብኡ መጠን ብመሰረት ተቓወምቲ ዘጽደቕዎ ምደባ ባጀት እቲ ቤት ጽሕፈት ዘድልዮ …

እቶም ምስ ሽወደን ምትእስሳር ካብዘሎዎም ወለዲ ዝተወልዱን ኣብ ትሕቲ ፈጣሪ ራዕዲ ጉጅለ ዳዕሽ ካብ ዝጸንሑን፣ ቆልዑ ናብ ሽወደን ክመጹ ወግዓዊ መስርሕ ከምዝተጀመረ ሚንስትሪ ጉዳያት ወጻኢ ኣፍሊጡ። ብመሰረት እቲ ሓበሬታ ከም ቀንዲ ወዳቢ ናይቲ ፈጣሪ ራዕዲ ኣብ ሃገራት ስካንዲናቪያ ምዃኑ ዝተነግረሉ፣ምካኢል ስክራሞ ዝወለዶም ብጠቕላላ ሾዉዓተ ቆልዑ ናብ ሽወደን ክመጹ ኣብ ጉዕዞ ከምዘሎዉን፣ወከልቲ መንግስቲ ሽወደን ኣብ ዒራቕን ጉዳይ እቶም ቆልዑ ተቕቢሎም ይሰርሕሉ …

ኣብ ሰሜናዊ ምዕራብ ስቶክሆልም ከባቢ Rinkeby ተሳትፎ ምርጫ ኣውሮጳዊ ሕብረት ክዛይድ ብውድባት ሲቪካዊ ማሕበራት ጻዕሪ ይካየድ ምህላዉ ተፈሊጡ። እዞም ምርጫታት ካብ 23 ክሳብ 26 ግንቦት ዝካየዱ ኮይኖም 400 ሚልዮን ዜጋታት ክሳተፍዎም እዮም ዝብል ትጽቢታት ምህላዉ ተፈሊጡ’ሎ። ውድባት ማሕበረሰብ ሶማል ንተቐማጦኡ ኣብ ዝገበሮ ጐስጓስ ሰሚናራት ክልተ ሕጹያት ምርጫ ክከታተሉ ምዕዳሙ ይዝከር። ኣብ 2014 ኣብ ዝተገብረ ምርጫ Rinkby ዝወሓደ መራጺ ከም እተራእየላ …

እዞም ናህሪ ዋጋ ነዳዲ ንምዕጋት ኣብ ከተማታት ሽወደን ሰልፊ ክገብሩ ፍቓድ ንዝሓተቱ ጒጅለ ዓርቢ ከካይዶ መዲብዎ ዝነበረ ናይ ተቓውሞ ሰልፊ ፖሊስ ፍቓድ ስለዝኸልእዎ ክፍጽሞ ዘይምኽኣሉ ገሊጹ’ሎ። ናህሪ ዋጋ ነዳዲ ኣብ ሽወደን Bensinupproret 2.0 ዝበሃል ናይ ተቓውሞ ጒጅለ ምፍጣሩ ይፍለጥ። እዚኣቶም ከምቶም ሰብ ብጫ ጃኬት ተባሂሎም ዝጽውዑን ኣብ ፈረንሳይ 20 ሽሕ ሰብ ኣብ ጐደና ዘሰለፉን ጒጅለ ምዃኑ ይዝረበሉ። መስራቲ ናይዚ ምንቅስቓስ …

ፖሊስ ሽወደን ትማል ምሸት ነዚ ቅትለት ንምፍጻም ወጢንካ ተባሂሉ እተጠርጠረ ሰብ ብናጻ ለቒቑ’ሎ። እቲ ጥርጡር ነበር ገዝኡ ብፖሊስ ከም እተፈተሸን ኣብ ገዝኡ ኣውቶማቲክ ክላሺን ትህሉ እያ ዝብል ጥርጣረ ከም ዝነበረን ዛጊት ግና ምንም ከም ዘይረኸቡን እዮም ገሊጾም። እቲ ሰብኣይ ኣብ እስልምናን ኣመንቱን ጽልኢ ከም ዝነበሮ ብተደጋጋሚ ዝገለጸ ኮይኑ ኣቐዲሙ ናብቲ መስጊድ Bellevue ብምኻድ ኣበየናይ ሰዓት እዮም ምእመናን ብብዝሒ ዝእከቡ ኢሉ …

ከምዝፍለጥ ኣብ ሃገረ ሽወደን ኣብ ዝሓለፉ ዓመታት ዝተኻየዱ ምቅይያር ሕግታት ብዙሓት ስድራቤታት ንኽበታተኑ ጠንቂ ከምዝኾነ ዝፍለጥ እዩ። ኮሜቴ ምጥርናፍ ስድራቤት ምስ ኣባላት ፓርላማ ስዊድን ክገብሮ ድሕሪ ዝጸንሐ ርክባት ንዕለት28 ግንቦት 2019 ኣብ ከተማ ስቶክሆልም ካብ ሰዓት12:00 ክሳብ ሰዓት 15:00  ሰላማዊ ሰልፊ ንኽግበር መደብ ወጽዩ ስለዘሎ: ኩላትኩም በዚ ጉዳይ ትግደሱ ሰባትን ደገፍትን ኣብቲ ተመዲቡ ዘሎ ሰዓትን ዕለትን መጺኹም ድምጽኹም ከተስምዑ ጻዊዕትና ነቅርብ። …

ሰንበት 5 ግንቦት 2019 መራሕቲ ባይቶኣዊ ሰልፊታት ሽወደን ኣብ ጒዳይ ኢሚግሬሽን ክሊማ ሕጊን ገበንን ዝመሰሉ ጒዳያት ዝገብርዎ ክትዓት ብቴሌቪዥን ክመሓላለፍ እዩ ተባሂሉ። ብተወሳኺ ኣብቲ ክትዓት ጒዳያት ትምህርቲ ክንክን ጥዕናን ሰብኣዊ ድሕነትን ሽወደን ክለዓሉ እዮም። እዚ ክትዓት ኣብ መንጐ ቀዳማይ፡ሚኒስተር Stephan Löfven ከምኡውን መራሒ ዓቃባዊ ሰልፊ Olf Christersen ኮይኑ ኣብ ጒዳያት ድሕነት ኮሚኒቲ ሕጊን ስርዓትን እዮም ክዝትዩ። እዚ ክትዓት ኣብ መንጐ …

ዜጋታት ኤርትራ ብዘይ ፓስፖርት ብቐጥታ ምጥርናፍ ስድራቤት ሕቶኦም ከቕርቡ ይኽእሉ እዮም ተባሂሉ:: ብብዙሕ ምኽንያታት ኤርትራውያን ፓስፖርት ዓዶም ክረኽቡ ይጽገሙ እዮም። በዚ ምኽንያት ከኣ ካብቲ ኣብ ኣስመራ ዝርከብ ኤምባሲ ሽወደን ፍቓድ መንበሪ ንምሕታት ወይ ምጥርናፍ ስድራቤት ኣብ ምስላጥ ክሽገሩ ምጽንሖም ይፍለጥ። በዚ ድማ ኤጀንሲ ኢሚግሬሽን ሽወደን ዜጋታት ኤርትራ ብዘይ ፓስፖርት ብቐጥታ ሕቶኦም ከቕርቡ ዝኽእልሉ ቀጥታዊ ኣገልግሎት ምቕራቡ የፍልጥ።