ምክልኻል ኮረና

ኣብ ዓመተ 2020፡ ቤት ጽሕፈት ኢሚግሬሽን ሽወደን፡ 88,814 መንበሪ ፍቓድ ወረቐት ከምዝሃበ፡ እዚ ድማ ካብቲ ኣብ ዓመተ 2019 ዝተዋሃበ ብዝሒ ፍቓድ ብ25% ( 29099) ምጉዳሉ ተፈሊጡ። ካብዞም ዝተዋህቡ ፍቓድ፡ እቶም 32379 ናይ ስራሕ ፍቓድ፡ 29468 ፍቓድ ምጥርናፍ ስድራቤትን 7189 ድማ ፍቓድ ዑቕባ ነይሮም። ቤት ጽሕፈት ኢሚግሬሽን ሽወደን፡ ዝሓለፈ ዓመት፡ ንመጀምርያ እዋን ክሳብ 12,991 ዝበጽሕ ጠለብ ሕቶ ዑቕባ ከምተቐበለ ይዝከር። ለበዳ …

 ኣብ ሽወደን፡ መስርሕ ክታበት ጸረ ኮሮና፡ ካብ ዕለት 24 ታሕሳስ 2020 ምጅማሩ ዝዝከር ኮይኑ ክሳብ ዝሓለፈ ሰኑይ ኣብ ዝነበረ ግዜ ኣስታት 40 ሽሕ ሰባት ከምተኸትቡ ሽወደናዊ ናይ መድሃኒት ኤጄንሲ ሓቢሩ ክብል መርበብ ሓበሬታ ተተ ኣቃሊሑ። ኣሉታዊ ጽልዋታት ናይቲ ክታበት ዝከታተል እቲ ኤጄንሲ፡ ክሳብ ሕጂ፡ ዓሰርተ ዝኸውን ጉዳያት ከምተራእዩን ንሳቶም ድማ ፍኹስ ዝበሉ ምልክታት ኣብ ከባቢ ክታበት ዝተወግኡሉን ጸረ ኣካል ኣብ …

ካልኣይ ደረጃ ቤት ትምህርታት፡ ክሳብ ዕለት 24 ጥሪ፡ ናይ ርሕቀት ኣገባብ ኣመሃህራ ክቕጽላ ምኻነን በዓል መዚ ህዝባዊ ጥዕና ሽወደን ሓቢሩ። ካብ ሎሚ ዕለት 7 ጥሪ ጀሚሩ፡ እዚ ሓድሽ ውሳነ፡ ግብራዊ ክኸውን በዓል መዚ ህዝባዊ ጥዕና እንተኣፍለጠ፡ ሓለፍቲ ቤት ትምህርታት ብወገኖም፡ ኣድላይ ኮይኑ እንተረኺበሞ፡ ኣብ ክፍሊ ትምህርቶም ክቕጽሉ ከምዝኽእሉ ሓቢሩ። ነቶም ኣብ ትምህርቲ ድኽመት ዘርእዩ ተመሃሮ ድማ ናብ ክፍሊ እንዳጸውዑ ተወሳኺ …

ለበዳ ኮሮና ንምዕጋት ብዝብል ምጉት፡ ድሕሪ ክሪስማስን ሓድሽ ዓመትን፡ ኣብያተ ትምህርቲ ካብ ክልተ ክሳብ ኣርባዕተ ሳምንታት ተዓጽየን ክጸንሓ 30 ተመራመርቲ ሽወደን ጻውዒት ኣቕሪቦም ኣለዉ። ንሳቶም፡ ኣብ ጋዜጣ ዳገንስ ንሂተር ኣብ ዘውጽእዎ ጽሑፍ፡ እቲ ህጻናት ሳሕቲ ጥራይ እዮም ካልኦት ዝልብዱ ዝብል መደምደምታ ብሓድሽ መጽናዕቲ ከም ምልክት ሕቶ ኮይኑ ኣሎ። ህጻናት ናብ ቤት ትምህርቲ ዝለኣኹሉ ዘለዉ ምኽንያት ብቐንዱ፡ ህጻናት፡ ኣብ ቤት ትምህርቲ …

መራሒት ጀርመን፡ ቻንስለር ኣንገላ መርከል፡ ሃገራ ብምኽንያት ለበዳ ኮቪድ-19 ነቲ ኣተኣታትያቶ ዝጸንሐት ከፊላዊ ምዕጻው ሃገር፡ ክሳብ መወዳእታ እዚ ወርሒ ከተትርሮን ከተናውሖን ምዃና ብሰሉስ ኣፍሊጣ። ዜጋታት ድማ ክሳብ 31 ጥሪ ኣብ ዘሎ ግዜ፡ እቲ ምስ ሰባት ዝገብርዎ ርክባት ክድርቱ ኣተሓሳሲባ። ብተወሳኺ፡ ዝበዝሑ ምግባዊ ኣገልግሎት ዘይህቡ ትካላት፡ ባራት፡ ኣብያተ ምግቢ፡ ባህላዊ ማእከላት፡ መዘናግዒ ቦታታትን ኣብያተ ትምህርትን ክዕጸዋ እየን። ነዚ ሕማም ንምምካት፡ ማሕበራዊ …

ኤውሮፓዊ አጀንሲ መድሃኒት (EMA) ነቲ ብኣሜሪካዊ ኩባንያ ሞደርና ዝፈረየ ጸረ ኮሮና መድሃኒት (ክታበት)፡ ሎሚ ሮቡዕ ኣብ ሰዓታት ፍርቂ መዓልቲ፡ ተቐባልነት ከምዝሃቦ ሓቢሩ ክብላ ሮይተርስን ፍራንስ ፕረስ ከምዝገለጻ SVT ኣመሓላሊፉ። ኣቐድም ኣቢሉ ኤውሮፓዊ ሕብረት፡ ነቲ ብኩንያታት ፋይዘርን ቢዮንቴክን ዝፈረየ መድሃኒት፡ ተቐባልነት ከምዝሃበ ይዝከር። ኤውሮፓዊ ኮሚሽን ንውሳኔ ኤውሮፓዊ አጀንሲ መድሃኒት ኣብ ዝሓጸረ እዋን ክሰማማዓሉ ትጽቢት ይግበር። ብድሕሪ’ዚ እቲ መድሃኒት፡ ኣብ መላእ ሃገራት …

ምስፍሕፋሕ ለበዳ ኮሮና ንምግታእ፡ ኩለን ካብ ሻውዓይ ክሳብ ታሽዓይ ክፍሊ ዝምህራ ቤት ትምህርታት፡ ክዕጸዋ ከምዘለወን በዓል መዚ ጥዕና ምምሕዳር ብለኪንገ መኺሩ። ብመሰረት ምኽሪ፡ ሓኪም ተመሓላለፍቲ ሕማማት፡ ቤንግት ዊቴኾ፡ ኩለን ቤት ትምህርታት ማእከላይ ደረጃ፡ ካብ ዕለት 11/01/2021 ጀሚረን ንኽልተ ሰሙን ክዓጽዋ ምዃነን ነዚ ውሳኔ ድማ ኩለን ምምሕዳራት ከተማ ምምሕዳር ብለኪንገ ክተግብረኦ ምዃነን ተፈሊጡ ኣሎ። ብመሰረት እቲ ውሳኔ፡ ካብ ዕለት 11 ጥሪ …

ሓደ ሰራሕተኛ ምልክታት ሕማም ኮሮና እናተሰመዖ ናብ ስራሕ ብምምጽኡ ንካልኦት ብጾቱ ብምልካሙ ካብ ስርሑ ክሰናበት ከም እተገብረ ኣገልግሎት ዜና SVT ሓቢሩ። እዚ ዝተጠቕሰ ሰራሕተኛ፡ ኣብ ከባቢ ካርልስታድ ዝርከብ መእለይ ሕሙማት ኣልዘሃይመር ክሰርሕ ከም ዝጸንሐን ድሕሪ ምልክታት ሕማም ኮሮና ምርኣዩ መርመራ ጌሩ ውጽኢት ሕማሙ ከይተዋህበ ናብ ስራሕ ከምዝኸደን ድሒሩ ድማ ብኮሮና ተለኺፉ ከምዘሎ ዝሕብር ውጽኢት ከምዝመጾን ቀጺሉ ድማ፡ ፍርቂ ኣባላት ናይታ …

ካብ ጽባሕ ሓሙስ ዕለት  7 ጥሪ ጀሚሩ፡ ኣብ ህዝባዊ መጓዓዝያታት ሽወደን፡ ማስክ ምውዳይ ግብራዊ ክኸውን እዩ ክብል በዓልመዚ ህዝባዊ መጓዓዝያ ሓቢሩ’ሎ። ቅድሚ ዓመተ 2004 ዝተወልዱ ሰባት ኮይኖም ህዝባዊ መጓዓዝያታት ኣብ ዝጥቀሙሉ እዋን፡ ማስክ ክጥቀሙ ከምዝግባእ ተሓቢሩ።  ካብ 7-9 ቅ/ቀ ከምኡውን ካብ 16-18 ድ/ቀ ኣብ ዘሎ ግዜያት፡ ህዝባዊ መጓዓዝያታት ኣብ ዝጥቀምሉ እዋን እዚ መምርሒ ግብራዊ ክኸውን ምዃኑ በዓል መዚ ህዝባዊ መጓዓዝያ …