ዜና

ድሕሪ’ቲ ኣብ ቀይሕ ባሕሪ ኣብ ልዕሊ ንግዳዊ መራኽብ ዝተፈጸመ ተኸታታሊ መጥቃዕቲታት፡ ​“​ማሕበር ወነንቲ መራኽብ ሽወደን” ስጉምትታት ጸጥታ ክውሰድ ጸዊዑ። እዚ ኣብ ቀይሕ ባሕሪ ኣብ ልዕሊ ዝመላለሳ መራክብ ዝፍጸም ዘሎ መጥቃዕቲ ኣብ የመን ብዝመደብሩን ብኢራን ብዝሕገዝን ዕጡቕ ሑቲ ብሓላፍነት ክኸስ ምጽንሑ ዝፍለጥ ኮይኑ፡ ሽወደንን ሕብረት ኣውሮጳን ነተን መራኽብ ሓለዋ ክገብራለን ኣለወን ክብል ዋና ኣካያዲ ስራሕ እቲ ማሕበር ኣተሓሳሲቡ’ሎ። ኩባንያታት ሽወደን ን …

ውጽኢት ፒዛ መንእሰያት ፊንላንድ ኣብ መላእ እቶም ኣብቲ ኣህጉራዊ ገምጋም ዝተመርመሩ ሰለስተ ቀንዲ ትምህርትታት ማለት ሳይንስ፡ ንባብን ሒሳብን እናንቁልቈለ መጺኡ። ሚኒስትሪ ትምህርትን ባህልን ዝሓለፈ ሰሉስ ኣብ ዘውጽኦ መግለጺ፡ ደቂ 15 ዓመት ፊንላንዳውያን፡ ኣብቲ ቀንዲ ትኹረት ናይዚ ናይ ቀረባ ኣብ ዝኾነ ትምህርቲ ሒሳብ – ካብ 2018 ብ 23 ነጥቢ ብምጒዳል ናብ 484 ነጥቢ ክወርድ ከምዝረኣዩን ፊንላንድ ኣብዚ መዳይ እዚ ዳርጋ ፍልይቲ …

ሰራሕተኛታት ፊንላንድ ካብ ዝኾነ እዋን ብዝለዓለ ምስልቻውን ክቱር ድኻምን የጥቅዖም ኣሎ ክብል ኣብዚ ቀረባ እዋን ብትካል ጥዕና ኣከባቢ ስራሕ ፊንላንድን ቤት ትምህርቲ ቢዝነስ ኤምሊዮንን ዝተገብረ መጽናዕቲ ኣመልኪቱ። እቲ ኣብ መጽሔት ሞያዊ ባህሪ ዝተሓትመ መጽናዕቲ፡ ነቲ ብዛዕባ ጠንቂታት ምስልቻን ድኻምን ሰራሕተኛታት ኣመልኪቱ ክወሃብ ዝጸንሐ ልሙድ ኣረኣእያታት ዝፈታተን ኮይኑ፡ ብዝሒ ስራሕ ጥራይ ዘይኮነስ ኣገዳስነት ናይቲ ስራሕ እውን ብ ተዛማዲ ዘጉልሕ እዩ። እቲ …

ኣቦ መንበር ጉጅለ ባይቶ ጸጋማይ ኪዳን ጁሲ ሳራሞ፡ ነቲ ዝሓለፈ ሓሙስ ኣብ መንጎ ፊንላንድን ኣመሪካን ዝተበጽሐ ስምምዕ ምትሕግጋዝ ምክልኻል (DCA) ግቡእ መስርሕ ባይቶ ጌሩ ክሓልፍ ከም ዝደሊ ገሊጹ። ሳራሞ ንሄልሲንጊን ሳኖማት ኣብ ዝሃቦ መግለጺ፡ ሓደ ወተሃደር ኣመሪካ ኣብ ፊንላንድ ገበን ኣብ ዝፈጽመሉ እዋን ስልጣን ምኽሳስን ምፍራድን ናብ ፊንላንድ ዝምለሰሉ ኩነታት ንምርግጋጽ እቲ ስምምዕ ብ ጠበቓታት ክትንተን ኣለዎ ክብል ከም ኣብነት …

ሓድሽ ኣሃዛት ባንክ SBAB ከምዘመልክቶ፡ ኣብ ሽወደን ማእከላይ ዋጋ መነባብሮ ገዛ ዝውንኑ ስድራቤት ካብ 2021 ጀሚሩ ብ 100 ሽሕ ክሮና ወሲኹ’ሎ። ዋላ’ውን ኣብ ዝመጽእ ዓመት ዋጋታት ጸዓት፡ ነዳድን ናፍታን ከምኡ’ውን ክፍሊት ወለድ ንብረት ትሕጃ እንተወረደ፡ ንማእከላይ ስድራቤት ዝኸውን ወጻኢታት ኣብ ዝመጽእ ዓመት ገና ክውስኽ ምዃኑ እቲ ባንክ ሓቢሩ’ሎ። ኣብ SBAB ክኢላ ስነ-ቑጠባ ሊንዳ ሃሰልቪክ ን ኣገልግሎት ዜና ሬድዮ ሽወደን ኣብ …

ሽወደናውያን ካብ ምጅማር ምሉእ ወራር ሩስያ ኣትሒዞም ኣስታት 94 ሽሕ ፓኬጃት ክንክን ናብ ዩክሬን ሰዲዶም። ኣገልግሎት ፖስታ ሽወደን “ፖስትኖርድ” ነዞም ፓኬጃት ካብ ውልቀ ሰባት እናተቐበለ ብነጻ ክሰዶም ጸኒሑ እዩ። “ካብ ቊሪ ዝከላኸል ክዳን፡ ጓንቲ፡ ካልሲ፡ ውሽጣዊ ክዳን … እቶም ኣብዚ እዋን’ዚ ኣዝዮም ዘድልዩ ነገራት እዮም” ይብል ኣካያዲ ህዝባዊ ጉዳያት ፖስትኖርድ ሄንሪክ ኢሺሃራ። ብኻልእ መዳይ ሽወደናውያን ክኢላታት ሃንደሳ ንዩክሬናውያን የሰልጥኑ’ለዉ። ኣብ …

ሓፈሻዊ ባይቶ ውድብ ሕቡራት ሃገራት ብወሳኒ ድምጺ ኣብ ጋዛ ብቕልጡፍ ተኹሲ ደው ክብል ጸዊዑ። እቲ ብፊንላንድ ሓዊሱ ብ153 ኣባል ሃገራት ዝድገፍ ውሳኔ፡ እቲ ተጻብኦታት ደው ክብል ጥራይ ዘይኮነ፡ ብዘይ ቅድመ ኩነትን ብቕጽበትን ብሓማስ ዝተታሕዙ ጅሆታት ክፍትሑ፡ ከምኡ’ውን ብመሰረት ኣህጉራዊ ሕጊ ሓለዋ ሲቪላት ክግበር ዝጠልብ እዩ። ኣቦ መንበር ኮሚቴ ጉዳያት ወጻኢን ኣባል ዴሳዊ ዲሞክራስያዊ ሰልፊን ፊንላንድን ኪሞ ኪልጁነን፣ ክብደት ናይቲ ኩነታትን …

ኣብ ማልሞ ዝርከቡ ኣዳለውቲ ውድድር ደርፊ ዩሮቪዥን፡ ኣብ ዝመጽእ ዓመት ግንቦት ንደገፍትን ልኡኻትን ንምቕባል 600 ወለንተኛታት ይደልዩ ኣለዉ። ኣተሓባባሪ ወለንተኛታት ዮሃን ሮኒንግ፡ ድሮ ኣብቲ ዝቐርብ ዝተፈላለየ ግደታት ዓቢ ተገዳስነት ከም እተዓዘበ ይገልጽ። ኣብዚ ብፍላይ ጽቡቕ ክእለት ቋንቋ ዘለዎም ኣመልከትቲ ይድለዩ ኣለዉ–ብመሰረት ጸብጻብ ሬድዮ ሽወደን።

ሚኒስተር ኣከባቢ ሽወደን ሮሚና ፑርሞክታሪ ነቲ መንግስታት ዓለም ካብ ባህርያዊ ነዳዲ ክርሕቑ ዝጽውዕ ውዕል ክሊማ ዱባይ ብሓጎስ ከም እትቕበሎ ንዚ ኣገዳሲ ውሳነ ብዝቐልጠፈ ኣብ ትግባረ ምውዓል ነቲ ኣብ 2050 ፈነወ በካሊ ጋዝ ናብ ዜሮ ምውራድ ዝብል ሸቶ ኣብ ግብሪ ንምውዓል ኣዝዩ ሓጋዚ እዩ ተባሂሉ’ሎ። ብፍላይ ማ ኣፍረይቲ ነዳዲ ዝኾና ሃገራት ኣካል እዚ ውዕል ምዃነን ነቲ ውዕል ዝያዳ ሓይሊ ዝህቦ እዩ …

ህጻናት ብኻልኦት ህጻናት ኣብ ገበናዊ መርበባት ይምልመሉ ምህላዎም ተገሊጹ፡፡ እዞም ከምዚ ዝገብሩ ዘለዉ ህጻናት ኣብ ስልጣን ናይቲ መርበብ ንላኦሊ ንኽወጹ ብምባል ነዚ ይፍጽሙ ምህላዎም፡ ብብራ ዝፍለጥ ሃገራዊ ቤት ምኽሪ ምክልኻል ገበን ዘውጽኦ ሓድሽ ጸብጻብ ሓቢሩ። “እቲ ምልመላ ኣዝዩ ቅልጡፍ እዩ፡ ሓደ መዓልቲ ኣብ ዘይመልእ እዋን፡ ናብቲ መርበብ ክትኣቱ ትኽእል ኢኻ” ትብል ኣና ጆንሰን ዝተባህለት ተመራማሪት “ብራ”። ክሳብ 12 ዓመት ዝዕድሚኦም …