ዜና

ፓርላማ ፈረንሳ ድሕሪ ናይ ኣዋርሕ ፖለቲካዊ ክርክር ንፖሊሲ ኢሚግሬሽን ፈረንሳ ዘትርር ሕጊ ኣጽዲቑ። እቲ ዝተመሓየሸ እማመ ብኽልቲኡ ማእከላይ ሰልፊ ሕዳሰ ፕረዚደንት ኣማኑኤል ማክሮንን ብናይ ማሪን ለ ፐን ሕሉፍ የማናዊ ሃገራዊ ሰልፍን ደገፍ ረኺቡ’ሎ። እቲ ድምጺ ንሰልፊ ማክሮን ክኸፋፍፍሎ እንከሎ ፡ ሚኒስተር ጥዕና ኣውረሊን ሩሶ ድማ ካብ ስልጣኑ ክወርድ ምዃኑ ኣፍሊጡ’ሎ። ጸጋማውያን ውድባት፡ ማክሮን ንርሑቕ የማናውያን ሕድገታት ከምዝገበረ ብምልዓል ከሲሶም ኣለዉ። …

መንግስቲ ኖርወይ ብቕድሚ ትማል ሰኑይ ኣብ ልዕሊ ተወሳኺት መርከብ ኖርወይ መጥቃዕቲ ድሕሪ ምብጽሑ ፡ መኮንናት ሓይሊ ባሕሪ ናብ ቀይሕ ባሕሪ ክልእኽ ምዃኑ ተፈሊጡ። ​​እስራኤል ኣብ ቓዛ ኣብ ልዕሊ ዝርከብ ፍልስጤማዊ ውድብ ሓማስ እትገብሮ ዘላ ኲናት ዝቃወሙ ሰልፍታት ኣብ ኦስሎ ምክያዶም ዝፍለጥ እዩ። ኣባላት ናይቲ ንፍልስጤማውያን ዝድግፍ ኣብ የመን ዝርከብ ምልሻ ሑቲ፡ ኣብ ልዕሊ ምስ እስራኤል ዝተኣሳሰራ እየን ዝእመነለን መራኽብ መጥቃዕቲ …

ኣብ ከባቢኦም ካብ ዝርከብ ምምሕዳር ከተማ ኣዝዩ መሰረታዊ ገንዘባዊ ሓገዝ ዝተኸልከሉ ወይ ቅድሚ ምቕባሎም ንንውሕ ዝበለ ግዜ ክጽበዩ ዝግደዱ ሰባት፡ መግቢን ገዛ ኽራይን ዝዝኣመሰለ መሰረታዊ ሰብኣዊ ጠለባት ንምኽፋል ልቓሕ ምውሳድ ልሙድ እናኾነ ይመጽእ ከምዘሎ ተመራመርቲ “ቤት ትምህርቲ ማሕበራዊ ስራሕ ዩኒቨርሲቲ ሉንድ” ገሊጾም። ኣብ ሽወደን ሰባት ንነብሶም ዝመርሕሉ መገዲ እንተዘይብሎም ኣብ ከባቢኦም ካብ ዝርከብ ምምሕዳር ከተማ ገንዘባዊ ሓገዝ ወይ “ፎርሾርኒንስቶድ” ከመልክቱ …

መንግስትን ሰልፊ ዲሞክራትናን ንኮተቴ ገበነኛታት ኣመልኪቶም ፍሉይ ክንፊ ቤት ማእሰርቲ ንምቛም ዘቕረብዎ እማመ ካብ ብዝተፈላለዩ ወገናት ይንቀፍ ኣሎ። ንሰራሕተኛታት ኣገልግሎታት ቤት ማእሰርትን ኣመክሮን ዝውክል ማሕበር፡ ኣብዚ እዋን’ዚ ኣብቲ ትካል ዘሎ ክቱር ሕጽረት ቦታን ዓቕሚ ሰብን ከይኣክል ሓድሽ ስርዓተ ቤት ማእሰርቲ ምህናጽ ኣጸጋሚ’ዩ ክብል ነቲ ሓሳብ ነቒፉ’ሎ። ትካላት ተጣበቕቲ መሰላት ህጻናት፡ ትሕቲ ዕድመ ቆልዑ ኣብ ቤት ማእሰርቲ ምዕጻው ጌጋ ምዃኑ እኳ …

ኣብ ስቶክሆልም ዝርከብ ቤት ፍርዲ ይግባይ ስቬያ፡ ነቲ ኣብ ልዕሊ በዓልመዚ ኢራን ነበር ሓሚድ ኑሪ ዝበየኖ ፍርዲ ናይ ዕድመ ልክዕ ማእሰርቲ ኣጽዲቑ። ኢራናዊ ሓምድ ኑሪ ብምኽያት እቲ ኣብ 1988 ኣብ ኢራን ዝፈጸሞ ጃምላዊ መርሸንቲ እሱራት፥ ኣብ ሽወደን ብገበን ቕትለትን ከቢድ ምጥሓስ ኣህጉራዊ ሰብኣዊ ሕጊን ተኸሲሱ፥ ብኣውራጃዊ ቤት ፍርዲ ስቶክሆልም ኣብ ወርሒ ሓምለ 2022 ንዕድመ ልክዕ ማእሰርቲ ከም እተፈረደ ዝፍለጥ እዩ፡፡ …

ባይቶ ፊንላንድ ንሽቕለት ኣልቦነት ዝጸሉ ተኸታታሊ ጽገናታት ኣጽዲቑ፡፡ እዚ ድማ ኣብ ምሉእ 2024 ክዝርጋሕ እዩ። እዚ ለውጥታት፡ ምጉዳል መሰረታዊ ኣበል ሽቕለት ኣልቦነት፡ ድጎማ ዕዳጋ ሽቕለትን ሓፈሻዊ ኣበል ኣባይትን ዘጠቓልል ኮይኑ፡ ኣብ ኣገባብ ምሕሳብን ምክፍፋልን መልዕሎ ጽልዋ ክህልዎ እዩ። ካብ ባሕቲ ጥሪ 2024 ኣትሒዙ፡ ሓደ ውልቀ ሰብ ሓገዝ ሽቕለት ኣልቦነት ክረክብ ቅድሚ ምጅማሩ ዝጸንሓሉ ግዜ ካብ ሓሙሽተ ናብ ሸውዓተ መዓልታት ክናዋሕ …

ኣብ ዝሓለፈ መዓልታት፡ መሰረት ዘይብሉ ናይ ዑቕባ ሕቶ ዘቕረቡ ሰባት ዶብ ሰጊሮም መታን ከይንቀሳቐሱ ሰብመዚ ሚኒስትሪ ውሽጣዊ ጉዳያት፡ ሕጊ ወጻእተኛታት ንምምሕያሽ ዝዓለመ እማመ ንምውጻእ ለይትን መዓልትን ይሰርሑ ከምዘለዉ፡ ነቲ ፕሮጀክት ብቐረባ ዝፈልጡ ብርክት ዝበሉ ምንጭታት ሓቢሮም። ብመሰረት እዚ ሓድሽ መስርሕ ዝተወሰኑ ምብራቓዊ ዶብ ዝርከቡ ኣመልከትቲ ብወግዒ ናብታ ሃገር ከይኣትዉ ክኽልከሉ እዮም። ኣብዚ ዝኣትዉ ኣመልከትቲ ቅድሚ ሕጂ ብኸቢድ ገበን ዝተፈርዱ፡ ንሰበስልጣን …

ሓደ ንገዛእ ርእሱ ብራዚላዊ ጆሴ ኣሲስ ጂያማርያ ኢሉ ዝጽውዕ፡ ከምኡ’ውን ኣብ ትሮምሶ ኣብ ዝርከብ ኖርወይ’ስ ኣርክቲክ ዩኒቨርሲቲ ናይ ጋሻ ተመራማሪ ስራሕ ዝረኸበ ሰብኣይ፡ ሓቀኛ ስሙ ሚካኤል ቫለሪየቪትስጅ ሚኩስጂን ዚግነቱ ኸኣ ሩስያዊ ምዃኑ ተኣሚኑ። ንሱ ዛጊት ብ ትካል ስለያ ፖሊስ ኖርወይ ፒኤስቲ ንዝቐረበሉ ሕቶታት ምምላስ ኣብዩ’ሎ። ምስ ትካል ስለያ ሩስያ GRU ምትእስሳር ከም ዘአዎ እተኣመነ ሚኩስጂን፡ ኣብ ዝሓለፈ ዓመት ኣብ ወርሒ …

ሚኒስተር ጉዳያት ወጻኢን ቀዳማይ ሚኒስተር ላቲቭያ ነበርን ክሪሽያኒስ ካሪንሽ ሎሚ ኣብ ስቶክሆልም ዑደት ብምግባር ምስ ሽወደናዊ መዘንኡ ቶብያስ ቢልስትሮም ተራኺቡ። ንሱ ሃንጋሪን ቱርኪን ኣባልነት ሽወደን ኣብ ኔቶ ንምጽዳቕ ድሌት ነግ-ፈረግ ይብላ ምህላወን፡ እንተኾነ ግና እዚ ጒዳይ “ካብ ቀጥታዊ ጽልዋ መንግስቲ ሽወደን ወጻኢ ብዝካየዱ መስርሓት ዝምራሕ ብምዃኑ” መንግስቲ ካብዚ ንላዕሊ ብዙሕ ክገብር ከምዘይክእል ንሬድዮ ሽወደን ገሊጹ፡፡ እዚ ይዂንምበር ሚኒስተር ጒዳይት ወጻኢ …

ኣብዚ ቀረባ እዋን ኣብ ስራሓት ህንጻ ድሕሪ ዘጋጠመ ሓያሎ ሞት ዘስዓበ ሓደጋታት፡ ብዛዕባ እቶም ኣብ ፕሮጀክትታት ህንጻ ዝውዕሉ ዘለኡ ንኡሳን ኮንትራክተራት ዳግማይ ዘተ ይካየድ ኣሎ። ብመሰረት ጸብጻብ ማሕበር ሰራሕተኛታት ባይግናድስ፡ ኣብቲ ዝሓለፈ ሰኑይ ብሓደጋ ሊፍት ሓሙሽተ ሰባት ዝሞቱሉ ኣብ ሱንድባይበርግ ዝርከብ ህንጻ 119 ንኡሳን ኮንትራክተራት ተመዝጊቦም ኣለዉ። እቲ ማሕበር፡ ጠንቂ ናይቲ ኣብ ሳንድባይበርግ ዘጋጠመ ሓደጋ እንታይ ምዃኑ ግምቱ ክህብ ከም …