Harmony Media መሓዛ ተዛረብቲ ቋንቋ ትግርኛ
ኣብ ሽወደን፡ ቁጽሪ ናይቶም ጽዑቕ ሕክምናዊ ምክትታል ዘድልዮም ሕሙማት ኮቪድ-19፡ 209 ሰባት ምብጽሑን እዚ ቁጽሪ ፡ ኣብ ዝሓለፉ 5 ኣዋርሕ እቲ ዝለዓለ ምኻኑ መርበብ ሓበሬታ ኣፍቶንብላደት ሓቢሩ። ቁጽሪ ናይቶም ኣብ ጽዑቕ ሕክምናዊ ምክትታል ዝሕከሙ ሰባት ከንቆልቁል ድሕሪ ምጽናሕ፡ ኣብ ዝሓለፋ ሒደት ሳምንታት፡ ካልኣይ ማዕበል ኮሮና ብምግጣሙ፡ እቲ ቁጽሪ ከም እንደገና ይረአ ኣሎ። ኣብ ጨንፈር ጽዑቕ ሕክምናዊ ምክትታል ዝረአ ዘሎ ጸቕጢ፡ …
ኮረና ቫይረስ
November, 2020
-
25 November
መምርሒታት ማሕበራዊ ምትእኽኻብ፡ እንተተጣሒሱ፡ ናይ ፖሊስ ምትእትታው ክህሉ እዩ
ካብ ትማሊ ዕለት 24/11/2020 ጀሚሩ፡ ብዝሒ ማሕበራዊ ምትእኽኻብ ካብ 8 ሰባት ዘይበዝሕ ዝብል መምርሒ፡ ተግባራዊ ከምዝኾነ ተሓቢሩ። ሰባት፡ ነቲ ዝለመድዎ ቅዲ መነባብሮ ይቕይሩ ምህላዎም ይረኣየካ ዝበለ ሚኒስተር ውሽጣዊ ጉዳያት ሽወደን፡ ሚካኤል ዳምቤሪ፡ ሕብረተሰብና ምስ ኮሮና ምንባር ይለማመዶ ምህላዉ ጽቡቕ ምልክት እዩ ኢሉ። ኣብዚ ሕጂ እዋን ክንገብሮም ዝግባኣና መሰረታውያን ነገራት፡ ምስ ካልኦት ሰባት ንራኸበሎም ኣጋጣሚታት ብምውሓድ፡ መምርሒታት ማሕበራዊ ምትእኽኻባት ምትግባር እዩ። …
-
25 November
ብዙሓት ተቐማጦ ከተማ ስቶክሆሎም፡ ጸረ-ኣካል ኣማዕቢሎም
ኣብ ልዕሊ ተቐማጦ ከተማ ስቶክሆሎም ዝግበር መርመራ ጸረ ኣካል፡ ንመበል ሻድሻይ ሰሙን፡ ኣወንታዊ ውጽኢት ምምዝጋቡ ጋዜጣ ዳግነዝ ነሂተር ገሊጹ። ኣብ መበል 47 ሰሙን፡ ካብቶም መርመራ ጸረ ኣካል ዘካየዱ 15000 ሰባት እቶም 31.6% ጸረ ኣካል ኮሮና ቫይረስ ዘማዕበሉ ምዃኖም እቲ ውጽኢት ሓቢሩ። ኣብ ዝሓለፉ ሓሙሽተ ሳምንታት፡ መጠን ብዝሒ ናይቶም ጸረ ኣካል ዘማዕበሉ ሰባት፡ ብቐጻሊ እናዓበየ ክመጽእ ምጽንሑ ዝፍለጥ እኳ እንተኾነ፡ ኣብ …
-
25 November
ሽወደን፡ ኣብ ዝቕጽል ወርሒ፡ መስርሕ ክታበት ኮሮና ክትጅምር እያ ተባሂሉ
ጀርመንን ዓዲ እንግሊዝን ኣብ ዝቕጽል ወርሒ፡ ክታበት ኮሮና ክጅምራ ምዃነን ድሕሪ ምግላጸን፡ ሽወደን ድማ ብመንገዲ ኣዋሃሃዲ ክታበት፡ ሪቻርድ ቤሪስትሮም ኣቢላ፡ ኣብ ምጅማር ወርሒ ታሕሳስ 2020፡ ክታበት ኮሮና ክትጅምር ምዃና ሓቢራ ክብል መርበብ ሓበሬታ ኣፍቶንብላደት ሓቢሩ። ኣቐድም ኣቢሉ ኤውሮፓዊ ሕብረት፡ ንኣባላት ዝኾና ሃገራት፡ ኣብ ዘመሓላላፎ ሓበሬታ ምርኩስ ብምግባር፡ ሽወደን፡ ኣብ ወርሒ ጥሪ 2021 ክታበት ክትጅምር እያ ብምባል ቤሬስትሮም ሓቢሩ እኳ እንተነበረ፡ …
-
23 November
ኣብ ሪንክቢ ዝነብሩ ወለዲ፡ ኣብያተ ቤት ትምህርታት እኹል ጻዕሪ ከምዘየካይዳ ይዛረቡ
ደቆም፡ን ማሕለኻ ቋንቋ ሽወደን ብምብዳህ ናብ ላዕለዋይ ደርጃ ትምህርትን ዩኒቨርሲቲን ክጽንበሩ ክኽእሉ ምእንቲ፡ ኣብያተ ቤት ትምህርታት፡ ተወሳኺ ጻዕሪ ክገብራ ኣብ ሪንክቢ ዝርከቡ ወለዲ ምስ ኣገልግሎት ዜና SVT ኣብ ዝሃብዎ ሓበሬታ ጸዊዖም። ደቅና ቋንቋ ሽወደን ክመሃሩ ዝያዳ ሓገዝ የድልዮም ኣሎ ክትብል ሓንቲ ኣደ ገሊጻ። ብፍላይ ብማሕበራውን ቁጠባውን መዳያት፡ ኣብ ሰንኰፍ ኩነታት ዝርከባ ከባቢታት ነቲ ብድሆ ኣብ ምግጣም ሽግር ከም ዘለወን ድማ …
-
23 November
ኩባንያ ኣስትራዘኒካ፡ ልዑል ኣድማዕነት ዘለዎ ክታበት ኮሮና ከምዘፍረየ ኣቃሊሑ
ሽውደናዊ ብሪጣንያዊ ኩባንያ ኣስትራዘኒካ፡ ሎሚ ሰኑይ ኣብ ዝሃቦ ሓበሬታ፡ ምስ ዩኒቨርሲቲ ኦክስፎርድ ብምዃን ዘማዕበሎ ክታበት ኮሮና፡ ኣድማዕነቱ ክሳብ 70% ኮይኑ ከም እተረኽበ ሓቢሩ’ሎ። ዋና ተመራማሪ እዚ ኩባንያ፡ ዶክተር ኣንድሩ ፖላርድ፡ ኣብ ዝሃቦ መግለጺ፡ እዞም ተመራመርቲ በቲ ውጽኢት ሑጉሳት ምዃኖምን ሕሙማት፡ ፍርቂ፡ ጸኒሖም ድማ ምሉእ ዶዝ ጸረ ኮሮና እንተተዋሂቦም ኣድማዕነት ናይቲ መድሃኒት ናብ 90% ክብ ክብል ከም ዝኽእል ገሊጹ’ሎ። ንሱ ኣብ …
-
23 November
ኣብ ዝቕጽል ወርሒ፡ ሰለስተ ሃገራት ክታበት ኮሮና ክጅምራ ተኽእሎታት ከም ዘሎ ይንገር
ሕቡራት መንግስታት ኣሜሪካ፡ ዓዲ እንግሊዝን ጣልያንን፡ ኣብ ምጅማር ወርሒ ታሕሳስ 2020፡ ክታበት ኮሮና ክጅምራ ከምዝኽእላ እንግሊዛዊት ጋዜጣ ጋርድያን ኣቃሊሓ። ብኻልእ ወገን፡ ዓዲ ጣልያን፡ ክታበት ኮሮና፡ ካብ ምጅማር ወርሒ ታሕሳስ 2020፡ ኣብ ጥቕሚ ንኸተውዕል፡ ብኩባንያታት ፋይዘርን ቢዮንቴክን ዝፈረየ ክታበት፡ ኣብዚ ሰሙን’ዚ ክትሰማማዓሉ ምዃናን እንግሊዛዊ ጋዜጣ ዘ ቴሌግራፍ ገሊጹ። ክታበት ኮሮና፡ ካብ ታሕሳስ ክንጅምሮ ድሌት ኣለና ዝበለ፡ ሚኒስተር ጥዕና ዓዲ እንግሊዝ፡ ማት …
-
22 November
መንግስቲ ሽወደን፡ ንሓዘንተኛታት ዝምልከት ፍሉይ ናይ ማሕበራዊ ምትእኽኻብ መምርሒ ወሲኑ
መንግስቲ ሽወደን፡ ብመንገዲ ቀዳማይ ሚኒስተር፡ ስቴፋን ሎቪን፡ ኣቢላ ንመጠን ብዝሒ ማሕበራዊ ምትእኽኻብ ካብ 8 ሰባት ክበዝሕ ከምዘይብሉ ዝገልጽ መምርሒ ኣመሓላሊፉ ምንባሩ ይዝከር። ቤተ ክርስትያን ሽወደን ብወገኑ፡ ንብዝሒ መዋቲ ክፋንዉ ዝእከቡ ሓዘንተኛታት፡ ንጥምቀትን መርዓትታትን ብዝምልከት፡ እቲ ብዝሒ ናብ 20 ሰባት ክብ ንኽብል ጠለብ ኣቕሪቡ ምንባሩ መርበብ ሓበሬታ ተተ (TT) ሓቢሩ። መንግስቲ ሽወደን፡ ብመንገዲ ሚኒስተር ባህልን ስፖርትን፡ ኣማንዳ ሊንድ፡ ኣቢሉ፡ ንጉዳይ ሓዘንተኛታት …
-
22 November
ኤውሮፓዊ ሕብረት፡ ንሓደስቲ ክታበት ኮሮና፡ ተፈላጥነት ንምሃብ ይሰርሕ
ኤውሮፓዊ ሕብረት፡ ነቲ ኣብ መስርሕ ፈተነ ዕዉታት ኮይኖም ዘሎዉ ብትካላት መድሃኒት፡ ፋይዘርን ቢዮንተክን ከምኡ ዉን ሞደርና ዘፍረዮም ክልተ ዓይነት ክታበት ተፈላጥነት ክህብ ኣብ ምድላዉ ከምዘሎ ተፈሊጡ። እቶም ክታበት፡ ኣብ መስርሕ ኣገልግሎት ሕክምና ኣባል ሃገራት ክዝርግሑ ከምዝኾኑ ኣደ መንበር እቲ ሕብረት፡ ኡርሽላ ቫን ዴለይን፡ ኣፍሊጣ። ነዚ ኣመልኪቱ ኤውሮፓዊ ሕብረት ኣብ ዘዉጽኦ መግለጺ፡ በዓል መዚ ተቖጻጻሪ መድሃኒታት ኤዉሮጳ፡ ንጠቕላላ መስርሕ ናይቶም ክታበታት …
