ሕግን ሕብረተሰብን

ኣብታ ዝተሰናበትናያ ዓመተ 2023 ቊጽሪ ናይቶም ምስ ጸጥታ ብዝተሓሓዝ ምኽንያት ዜግነት ንምቕባል ዘእተዉዎ ሕቶ ዝተነጽገ ሰባት ክብረ ወሰን ዝሓዘ ምንባሩ ተገሊጹ። ኣመልከትቲ ዜግነት ንጸጥታን ድሕነትን ሽወደን ስግኣት ዝፈጥሩ እንተኾይኖም ዝምርምር ኣገልግሎት ጸጥታን ድሕነትን ሽወደን ሳፖ እዩ ። ገበን ናይ ምፍጻም ውጥን ወይ ነዚ ንምግባር ተኽእሎ ኣለዎ ተባሂሉ ብ ሳፖ ዝተገምገመ ሰብ ዜግነት ናይ ምርካብ ዕድሉ ዕጹው ይኸውን ኣሎ። ሓደ ካብዞም …

ምስ ዝሓለፈ ዓመት ብምዝማድ ኣብ 2023፡ ገበናት ምትላልን ዓሎቕን ከምዝወሰኸ ፖሊስ ገሊጾም። ብ ቴሌፎንን ፍቕራዊ ዝምድናን ዝኣመሰሉ ማሕበራዊ ምትእስሳራት ዝፍጸም ዓሎቕ ንኣብነት እቲ ዝያዳ ዝወሰኸ ዓይነት ምትላል እዩ ክብሉ ፖሊስ ወሲኾም ገሊጾም ኣለዉ። እዞም ፈጸምቲ ዓሎቕ ኣዝዮም ዝተራቐቑ ኣብ ልዕሊ ምዃኖም ንነብሶም ናብቲ ዕላማ ዝገበርዎ ሰብ ዘቕርቡሉ ኣገባብን ርእሰ ተኣማምነትን ብቐሊሉ ክትኣምኖምን ዝገብር እዩ ትብል 500 ክሮና በዚ ኣገባ ብዝኸሰረት …

ኣብ ዝሓለፈ ዓሰርተ ዓመታት፡ ሄልሲንኪ ኣብ ሓፈሻዊ ደረጃ ትምህርቲ ህዝባ ርኡይ ወሰኽ ብምርኣያ፡ ልዑል መጠን ምሁር ዓቕሚ ሰብ ምስሓባ ተፈሊጡ። ይኹን እምበር እዚ ኣንፈት ትምህርቲ ኣብ ዝተፈላለያ ወረዳታት እታ ከተማ ተመሳሳሊ መጠን ዝርግሐ የብሉን ይበሃል ኣሎ። ካብ ቤት ጽሕፈት ከተማ ዝወጸ ሓድሽ ሕታም ከምዘመልክቶ፡ ዋላ’ኳ ነዚ ፍልልያት ንምጽብባብ ይስራሕ እንተሎ፡ ኣብ መንጎ ዝለዓለን ዝወሓደን ደረጃ ትምህርቲ ዘለዎም ከባቢታት ዘሎ ፍልልይ …

ኣውሮጳዊ ሕብረት ኣብ ሓድሽ ስምምዕ ጒዳይ ስደተኛታት ከም ዝሰማምዕ ገሊጹ። ኮሚሽን ኤውሮጳ፡ እቲ ስምምዕ፡ ንሕብረት ኤውሮጳ ዝያዳ ፍትሓዊ፡ ስሉጥን ዘላቕን መስርሕ ስደትን ዑቕባን ከም ዝፈጥር ብምግላጽ እዩ ምስቲ መትከላት ከም ዝሰማማዕ ገሊጹ ዘሎ። ኮሚሽነር ውሽጣዊ ጉዳያት ሕብረት ኤውሮጳ ዝኾነት ሽወደናዊት ይልቫ ጆሃንሰን “እዚ ዓወትና እዩ” ክትብል ሓጎሳ ገሊጻ’ላ።

ኣብ ሽወደን ምስ ገበናዊ መርበባት ጕጅለታት ዝነጥፋ ኣስታት 500 ደቂ ኣንስትዮ ከምዘለዋ ፖሊስ ሎሚ ኣብ ዝፈነዉኣኦ ሓበሬታ ገሊጾም። ኣስታት ርብዒ ካብዘን ደቀንስትዮ ኣብዞም መርበባት ጒጅለታት ገበን መሪሕ ተራ ከም ዘለወን እዩ ዝንገር። ሓንቲ ኣባል እዞም መርበባት ጒጅለታት ገበን ዝነበረት ጓለንስተይቲ ምስ ኣገልግሎት ዜና ሬድዮ ሽወደን ኣብ ዝገበረቶ ቃለመሕትት ፥ ደቂ ኣንስትዮ ካብ ፖሊስ ክሃድማ ዝቐለለ ምዃኑ ገሊጻ’ላ።

ትማሊ ረቡዕ ድሕሪ ቀትሪ ኣብ ከተማ ኖርሾፒንግ ብዝተፈጸመ ተኹሲ ወዲ 17 ዓመት ቆልዓ ሞይቱ። እቲ ኮተቴ ጥቓ ግሮሰሪን ቤት ትምህርቲ ህጻናትን ኣብ ዝርከብ ጽርግያ ብጥይት ተሃሪሙ። ብዘይካዚ ዝሓለፈ ሓሙስ ንግሆ ኣብ ከተማ ኡፕሳላ ብዝተፈጸመ ተኹሲ ሓደ ሰብኣይ መጉዳእቲ ከም ዝበጽሖ ተፈሊጡ። ምስዚ ብዝተሓሓዝ ሓደ ጥርጡር ብፈተነ ቅትለት ኣብ ትሕቲ ቀይዲ ኣትዩ’ሎ።

ኣብ ከባቢኦም ካብ ዝርከብ ምምሕዳር ከተማ ኣዝዩ መሰረታዊ ገንዘባዊ ሓገዝ ዝተኸልከሉ ወይ ቅድሚ ምቕባሎም ንንውሕ ዝበለ ግዜ ክጽበዩ ዝግደዱ ሰባት፡ መግቢን ገዛ ኽራይን ዝዝኣመሰለ መሰረታዊ ሰብኣዊ ጠለባት ንምኽፋል ልቓሕ ምውሳድ ልሙድ እናኾነ ይመጽእ ከምዘሎ ተመራመርቲ “ቤት ትምህርቲ ማሕበራዊ ስራሕ ዩኒቨርሲቲ ሉንድ” ገሊጾም። ኣብ ሽወደን ሰባት ንነብሶም ዝመርሕሉ መገዲ እንተዘይብሎም ኣብ ከባቢኦም ካብ ዝርከብ ምምሕዳር ከተማ ገንዘባዊ ሓገዝ ወይ “ፎርሾርኒንስቶድ” ከመልክቱ …

ኣብ ስቶክሆልም ዝርከብ ቤት ፍርዲ ይግባይ ስቬያ፡ ነቲ ኣብ ልዕሊ በዓልመዚ ኢራን ነበር ሓሚድ ኑሪ ዝበየኖ ፍርዲ ናይ ዕድመ ልክዕ ማእሰርቲ ኣጽዲቑ። ኢራናዊ ሓምድ ኑሪ ብምኽያት እቲ ኣብ 1988 ኣብ ኢራን ዝፈጸሞ ጃምላዊ መርሸንቲ እሱራት፥ ኣብ ሽወደን ብገበን ቕትለትን ከቢድ ምጥሓስ ኣህጉራዊ ሰብኣዊ ሕጊን ተኸሲሱ፥ ብኣውራጃዊ ቤት ፍርዲ ስቶክሆልም ኣብ ወርሒ ሓምለ 2022 ንዕድመ ልክዕ ማእሰርቲ ከም እተፈረደ ዝፍለጥ እዩ፡፡ …

ሚኒስተር ጉዳያት ወጻኢን ቀዳማይ ሚኒስተር ላቲቭያ ነበርን ክሪሽያኒስ ካሪንሽ ሎሚ ኣብ ስቶክሆልም ዑደት ብምግባር ምስ ሽወደናዊ መዘንኡ ቶብያስ ቢልስትሮም ተራኺቡ። ንሱ ሃንጋሪን ቱርኪን ኣባልነት ሽወደን ኣብ ኔቶ ንምጽዳቕ ድሌት ነግ-ፈረግ ይብላ ምህላወን፡ እንተኾነ ግና እዚ ጒዳይ “ካብ ቀጥታዊ ጽልዋ መንግስቲ ሽወደን ወጻኢ ብዝካየዱ መስርሓት ዝምራሕ ብምዃኑ” መንግስቲ ካብዚ ንላዕሊ ብዙሕ ክገብር ከምዘይክእል ንሬድዮ ሽወደን ገሊጹ፡፡ እዚ ይዂንምበር ሚኒስተር ጒዳይት ወጻኢ …

ኣብዚ ቀረባ እዋን ኣብ ስራሓት ህንጻ ድሕሪ ዘጋጠመ ሓያሎ ሞት ዘስዓበ ሓደጋታት፡ ብዛዕባ እቶም ኣብ ፕሮጀክትታት ህንጻ ዝውዕሉ ዘለኡ ንኡሳን ኮንትራክተራት ዳግማይ ዘተ ይካየድ ኣሎ። ብመሰረት ጸብጻብ ማሕበር ሰራሕተኛታት ባይግናድስ፡ ኣብቲ ዝሓለፈ ሰኑይ ብሓደጋ ሊፍት ሓሙሽተ ሰባት ዝሞቱሉ ኣብ ሱንድባይበርግ ዝርከብ ህንጻ 119 ንኡሳን ኮንትራክተራት ተመዝጊቦም ኣለዉ። እቲ ማሕበር፡ ጠንቂ ናይቲ ኣብ ሳንድባይበርግ ዘጋጠመ ሓደጋ እንታይ ምዃኑ ግምቱ ክህብ ከም …