ውህደት

ቊጽሪ ናይቶም ኣብ ማእከላይ ደረጃ ዝርከቡ ተመሃሮ ኣብ ቋንቋታት ወጻኢ ሃገራት ብፍላይ ጀርመንኛ፥ ስጳኛ ከምኡውን ፍውረንሳይኛ ዝህልዎም ተገዳስነት እናንቈልቈል ምምጽኡ ዳይረክቶሬት ትምህርቲ ኖርዌይ ዘካየዶ መጽናዕቲ ኣመልኪቱ። ካብ ጠቕላላ ብዝሒ ተመሃሮ 4% ጥራይ ኣብዞም ቋንቋታት ተገዳስነት ምርኣዮም እውን ተመልኪቱ። እዚ እናኾነ ኣብ ትምህርቲ ሕሳብ ዝግደሱ ተመሃሮ ቊጽሮም እናሰሰነ ምምጽኡ እቲ መጽናዕቲ ወሲኹ ኣመልኪቱ። 1117 ተመሃሮ ጥራይ ኣብ ቋንቋታት ወጻኢ ተገዳስነት ከርእዩ …

ሓምላይ ሰልፊ፥ ማሕበርነታዊ ጸጋማይ ሰልፊ ከምኡውን ሊበራዊ ሰልፊ ምስ እማመ ባይቶ ሰልፊ ከም ዝሰማምዑ ብምግላጽ ኣብ ልዕሊ ዞባ ቶዂላ ዝግበር ውጥን ሃድን ደው ክብል ሓቲቶም ኣለዉ። ኣብ ኖርዌይ እቲ ናይ ሃድን ግዜ ዳርጋ ተውዲኡ ክንሱ መንግስቲ ከናውሖ ይውጥን ምህላዉን እዚ ድማ ሎሚ ሰሉስ ውሳነ ክወሃበሉ ምዃኑን እዩ ዝግለጽ ዘሎ። ኣብዚ ቀዳመ ሰንበት ኣብ ከባቢ ኢንላንደት ከምኡውን ቪከን ብውሕዱ 10 ቶኹላ …

  ዕድሜኦም 80ን ልዕሌኡን ዝኾኑ ሽማግለታት ባህርያዊ ሕማም ናይ ምክልኻል ዓቕሞም መታን ከይጐድል ኻልኣይ ክትባት ኮቪድ-19 ክወስዱ ከም ዝግባእ ኤጀንሲ ህዝባዊ ጥዕና ሽወደን ትማል ሰኑይ ኣብ ዝሃቦ መግለጺ ሓቢሩ። ሓድሽ ጅር ኦሚክሮን ዘለዎ ፍጡን ናይ ምልባድ ተኽእሎ ኣብ ግምት ዘእተወ ለበዋ ምዃኑ እውን ተገሊጹ። እዚ ለበዋ ንዂሎማ ኣብ መእለዪ ትካላት ከምኡውን ሓገዝ እናተገብረሎም ኣብ ኣባይቲ ኣገልግሎት ዝቕመጡ ሰባት’ውን እዚ ሓገዝ …

መንግስቲ ምስቲ ኣብ ሪክስዳግ ዘለዉ ሰልፍታትን ምስ ሃገራዊ ማሕበር ሓረስቶትን ብተደጋጋሚ ክሕተት ዝጸንሐ ህጹጽ ሓገዝ ከምኡ እዉን ፣ መብዛሕትኦም ነቲ እናወሰኸ ዝኸይድ ዘሎ ዋጋታት ነዳዲ ንምምላእ ብ700 ሚልዮን ደገፍ ከም እተገብረሎም ጸብጻብ ተዋሂቡ ኣሎ ። ኣብዚ ቐረባ ግዜ ኣብ ሪክስዳግ ንሕርሻ ዝግበር ናይ ቅልውላው ደገፍ ጽዑቕ ምይይጥ ተገይሩ ኢዩ ። ሚኒስተር ፋይናንስ ሚካኤል ዳምበርይ ሚኒስተር ገጠራት ኣና-ካረን ዛርበርግ (ኤስ) ሎሚ …

ሓሙሽተ ሰበ – ስልጣን ሕቡራት መንግስታት ኣመሪካ ኣብ ደቡባዊ የመን ተጨውዮም፣ ክብል ግልጋሎት ዜና ፈረንሳ ኣፍሊጡ። ብመሰረት ውድብ ሕቡራት ሃገራት ናይ ብስራሕ ኮለላ መሮር ኣገልግሎት ተልእኾ ድሕሪ ምፍጻሞም ናብ ከተማ ዓደን ኣብ ዝምለስሉ እዋን እዮም ዛጊት መንነቶም ብዘይተፈለጡ ጉጅለ ተጨዉዮም። ው. ሕ. ሃ. ንኩነታትን ዝፍትሕሉ ኣገባባትን፣ ምስ ሰበ – ስልጣን ናይቲ ኣብ ዓደን ዘሎ መንግስቲ ብዝላዓለ ደረጃ ይሰርሕ ከምዘሎ ኣፍሊጡ …

ድሕሪ እቲ ብሰንኪ ለበዳ ተነቢሩ ዝነበረ ኩሉ ቀይድታት ምልዓሉ እቲ ህይወት ኣብያተ ጽሕፈት፣ ከምቲ ቕድሚ እቲ ለብዒ ዝነበረ ኣይኪኸውንን እዩ ክብል ሓደ መጽናዕቲ ኣመልኪቱ። ብመሰረት እቲ ወግዓዊ ዝኾነ መጽናዕቲ ከምዘመልከቶ፣  ሰራሕተኛታት ኣበይ ከም ዚሰርሑን መዓስ ከም ዚሰርሑን ባዕሎም ኪውስኑ ስለ ዚደልዩ እቲ ለብዒ ንጹር ጽልዋ ገሩ ከምዘሎ ዘመልክት ከምዝኾነ ይሕበር ። ሓደ ካብቶም ኣዝዮም ገኒኖም ዘሎዉ ጠለብ ወሃብቲ ስራሕ ተዓጻጻፍነት …

ኣብ ቡስከሩድ፥ ኦስሎ፥ ኣኸርሹስ፥ ኦፕላንድ፥ ሄድማርክ ከምኡውን ገለ ክፋላት ተለማርክ ክሳብ 25 ሰንቲሜትር ዝኸውን ርጒዲ ዘለዎ ውርጪ ክኽሰት ከም ዝኽእል ማእከል ሜትሮሎጂ ኖርዌይ ኣጠንቂቑ። ሎሚ ሰኑይ እዚ ውርጪ ኣብ ልዕል ዝበሉ ከባቢታት ካብ 5-25 ሰንቲሜትር ክረጒድ ከም ዝኽእል ዝሓበረ ኖርዌይ ቱደይ ኣብ ካልእ ከባቢታት እቲ መጠን ርጒዲ ክዛይድ እዩ ክብል ወሲኹ ሓቢሩ’ሎ። እዚ ውርጪ ሰኑይ ሰዓት 1 ጀሚሩ ድሕሪ 24 …

መንገዲ ኣየር KLM ናብ ሃገረ ዩክሬይን ዝገብሮ በረራታት ደው ከም ዘበለ ን መርበብ ሓበሬታ እቲ ትካል ብምጥቃስ NOS ዝተባህለ ማዕከን ዜና ኔዘርላንድስ ጸብጺቡ። ብመሰረት እቲ ማዕከን ዜና እዚ ምቊራጽ በረራ ዝሓለፈ ቐዳም ዝነበረ ፕሮግራም ብምስራዝ እዩ ተጀሚሩ። እቲ መንገዲ ኣየር ኣብ መዓልቲ ክልተ ሳዕ ናብ ዩክሬይን በረራታት የአንድግ ምንባሩ ኖርዌይ ቱደይ ዝተባህለ ማዕከን ዜና ወሲኹ ገሊጹ። ብምኽንያት ኣብ ዩክሬይን ተኸሲቱ …

  ዜጋታት ሽወደን ዘይኮኑን ብገበኖም ዝተፈርዱን ሰባት ብቐሊሉ ንምስጋጒ ዘኽእል እማመ ብመንግስቲ ቀሪቡ። ሚኒስተር ምውህሃድን ስደትን ኣንድረ ይገማን ዝሓለፈ ዓርቢ ኣብ ዝሃቦ መገለጺ እዚ እማመ ኣብ ክንዲ በዚ ክሳብ ሕጂ ዘሎ ናይ ሓደ ዓመት ገበን ን 6 ወርሒ እውን እተፈርዱ ዘይሽወደናውያን ገበነኛታት ካብታ ሃገር ንኽስጐጒ ዓቕሚ ዝህብ ክኸውን እዩ። ብፍላይ ከም ኣብ ልዕሊ ቆልዑ ዝወርድ በደል ዝመሰሉ ገበናት ንምስጓጒ እኹላት …

ሰራዊት ሩስያ ናብ ዶብ ዩክሬይን ብምጽግዑ ኣህጒራዊ ወጥሪ ተኸሲትሉ ኣብ ዘለወሉ እዋን ሚኒስተር ኣህጒራዊ ልምዓትን ምትሕብባርን ሽወደን ማቲልዳ አርንክራንስ ናብ ርእሰ ከተማ ዩክሬይን ምብጻሕ ምፍጻማ ተገሊጹ። ንሳ ነቲ ኣብ ዩክሬይን ብሽወደን ዝተገብረ ናይ 234 ሚልዮን ክሮና ወፍሪ ማሕበራዊ ልምዓት ኣመልኪታ ንምዝርራብ እያ ናብ ኪዬቭ ኣምሪሓ ተባሂሉ’ሎ። ንሳ ኣብ ኪዬቭ ምስ ምክትል ቀዳማይ ሚኒስተር ዩክሬይን ኢሪና ቨረሽቹክ፥ ቀይሕ መስቀልን ካልኦትን ትካላት …