ውህደት

ሃገረ ሽወደን ነቶም ኣብ ዒራቕን ሶርያን ዓስኪሮም መዘና ዘይብሉ ዘስካሕክሕ ግህሰት ሰብኣዊ መሰላትን፣ ህልቂት ደቂ ሰባትን ዘካየዱ ኣሸበርቲ፣ ጉዳዮም ዝርእይ ኣህጉራዊ ቤትፍርዲ ክቐዉም ተበግሶ ብምዉሳድ ሰፊሕ ጻዕሪ የካይድ ከምዘሎ ተፈሊጡ። እቲ መንግስታዊ ተበግሶ ሽወደን ክዓምም መዝነት ዝተዋህቦ ሚኒስተር ዉሽጣዊ ጉዳያት ሽወደን ሚካኤል ዳንባርይ፣ ኣብዚ ሰሙን ንተበግሶ ሽወደን ንምርዳእን ደገፍ ንምድላይን ናብ ሃገራት ኤዉሮጳ ዑደት ብምግባር፣ ካብ መንግስታት ሆላንድ ፈረንሳን ዓባይ …

ሽወደን ወታሃደራዊ ሓይሊ ንምዕባይ ክትህቦ ዝጸንሐ ስልጠና ደዉ ክብል ከምዝወሰነት ሚኒስትሪ ምክልኻል ሽወደን ሓቢሩ። ምኽንያት ኣብታ ሃገር ተፈጢሩ ዘሎ ምሽምራር ኩነታት ጸጥታ ምዃኑ ተሓቢሩ። ብዘይካ እዚ ሃገራት ጀርመንን ሆላንድን እዉን ተመሳሳሊ ስጉምቲ ወሲደን ከምዘሎዋ ተፈሊጡ። ኣቕድም ኣቢሉ እዉን መንግስቲ ኣሜሪካ ብዘይካ ኣገደስቲ ሰራሕተኛታት መብዛሕቲኦም እባላት ኤምባሲ ኣሚሪካ ኣብ ዒራቕ ካብ ሃገራ ከምዝስሓበት ተመልኪቱ። ብመሰረት ሚኒስተር ጉዳያት ወጻኢ ኣሜሪካ ማይክ ፖምፐዮ …

ዋሽንግተን ነቶም ኣዝዮም ወሰንቲ ዘይበሃሉ ኣባላት ዲፕሎማስያዊ ተልእኾ ካብ ዒራቕ ክምለሱ ጸዊዓ። ምምሕዳር ኣመሪካ ብረቡዕ ግንቦት 15, 2019, ነቶም ኣዝዮም ወሰንቲ ዘይበሃሉ ኣባላት ዲፕሎማስያዊ ተልእኾ ካብ ዒራቕ ክምለሱ ኣዚዙ’ሎ። እቲ ሚኒስትሪ ኣብ ኤምባሲ ኣመሪካ ኣብ ባቕዳድ ኣብ ዝለጠፎ ሓበሬታ ምሃብ ቪዛ ንግዚኡ ደው ከም ዘበሎ ገሊጹ’ሎ። ብዘይካዚ ንዜጋታት ኣመሪካ ኣብ ዒራቕ ምጒዳል ኣገልግሎት ናይ ህጹጽ እዋን ኣገልግሎት ክገብረሎም ምዃኑ’ውን ገሊጹ’ሎ። …

ሓሙሽተ ዝርእሱ ሰራሕተኛ ብሰሪ ዝሰርሖ ንእሽቶ ጌጋ ካብ ሽወደን ክባረር ከም እተኣዘዘ ተፈሊጡ። እዚ Gentian Hoksa ዝስሙ ካብ 2013 ጀሚሩ ኣብ Småland ክሰርሕ ዝጸንሐ ኣልባንያዊ ኣገልግሎት ኢሚግሬሽን ናይ ስራሕ ውዕሉ ከናውሑሉ ንዘቕረቦ ሕቶ ምንጻጎም ከም ዘሰንበዶ ገሊጹ’ሎ። ብዘይካዚ ንሱን ስድራኡን ብህጹጽ ናብ ዓዶም ክምለሱ ኣፍሊጦሞም ኣለዉ። “እቲ ዘስርሓኒ ኩባንያ ፋይናንሳዊ ጸገም ስለዝነበሮ ናይ ዕረፍተይ ደሞዝ ኣብ ግዚኡ ኣይከፈለንን” ክብል Huxa …

ዓቃቢ ሕጊ ሽወደን ሰለስተ ኣባላት ክርስትያናዊ ጒጅለ ሃይማኖት ነበር ብጾታዊ ምዝመዛን መጥቃዕትን ምኽሳሱ ተፈሊጡ። እዚ ጒጅለ ኣብ ሰሜን ኣፕሳላ ዝርከብን ጴንጠቘስጠ Knutby ተባሂሉ ዝፍለጥን እዩ። ሸሞንተ ኣባላት እዚ መጓሰ ኣብ ዓመታት 2015ን 2018 ግዳያት ጾታዊ መጥቃዕቲ ምዃኖም ከኣ’ዩ ዝግለጽ ዘሎ። ሓንቲ ካብተን ተኸሰስቲ Åsa Waldau ዝተባህለትን ኣብቲ ቤተክርስትያን “መርዓት ክርስቶስ” ብዝብል ቅጽል ስም እትፍለጥን ዝነበረት እያ። እዚ ሃይማኖታዊ ጒጅለ ኣብ …

“ቅኑዕ ንዘበለ ሕጊ ነብስኻ ተገዛኢ ምግባር ሓርነት እዩ” ዣን ዣኽ ሩሶ ሓርነት ካብቶም ኣዝዮም ዝዝውተሩን ትርጉሞም ዝተዛበዐን ኣምራት ሓደ እዩ፡፡ ንምዃኑ ሓርነት እንታይ ማለት እዩ? በቲ ኣዝዩ ልሙድ ኣተራጉማኡ ሓርነት ከም ድላይካ ምዃን፤ ካብ ዝኾነ ዓጋቲ፤ ደራቲን ባርያኡ ዝገብረካን ሓይሊ ናጻ ምዃን ማለት እዩ፡፡ ቶማስ ሆበስ እተባህለ ፈላስፋ ብዛዕባ ሓርነት እንክጽሕፍ ከምዚ ይብል–ሓርነት ክትብሮ ካብ እትደሊ ዘታርፈካ ግዳማዊ ዕንቀፋት ወይ …

ኣኽበርቲ ሕጊ ሽወደን ቅድሚ ሕጂ ተዓጽዩ ዝነበረ ክሲ ጾታዊ ዓመጽ ሳላንጅ ክኸፍቱ ምዃኖም ብሰኑይ ገሊጾም ኣለዉ። መስራቲ ዊኪሊክስ ዝነበረ ኣሳንጅ ኣብ ሽወደን ተኸፊትዎ ዝነበረ ክሲ ጾታዊ ዓመጽ ኣብ 2017 ምዕጻዉ ዝዝከር ኮይኑ ሓንቲ ካብተን ከሰስቱ እቲ ጒዳይ ዳግማይ ክኽፈት ምግባራ ይግለጽ ኣሎ። ኣሳንጅ ብ 2010 ናብ ሽወደን ድሕሪ ዝገበሮ መገሻ እዩ እቲ ናይ ጾታዊ ዓመጽ ክሲ ዝሰዓበ። ንሱ እቲ ዝገበሮ …

ምምንጫው በካሊ ትኪ ሽወደን ኣብ ክንዲ ዝንኪ ብኣንጻሩ ወሰኽ ምርኣዩ ብኤጀንሲ ምዕቃብ ከባቢ ሽወደን ዝተፈነዉ ኣፈናዊ ኣሃዛት የረጋግጹ። በዚ መሰረት ፈነወ በካሊ ጋዝ ሽወደን 0.9 በጺሑ’ሎ። እዚ ዝኾነሉ ምኽንያት ብማእከል ሰርዓተ ሙቐት እታ ሃገር ዝዝውተር ናይ ከሰል ነዳዲ እዩ ተባሂሉ። ባይቶ ሽወደን ዘውጽኦ ሸቶ ከባቢ ንምምላእ ገና ነዚ ኣሃዝ ብ 5 ወይ 8 ሚእታዊት ምጒዳል ከም ዝሓትት ይግለጽ።

ኤምባሲ ፈረንሳይ ኣብ ስቶክሆልም ነቶም ልዕሊ 6 ሽሕ ዝኾኑ ዜጋታቱ ኣብቲ ኣብ ግንቦት 26 ኣብ ሽወደን ዝካየድ ምርጫ ኣውሮጳዊ ሕብረት ድምጾም ንኽህቡ የተባብዕ ኣሎ ክትብል ሬድዮ ሽወደን ገሊጻ። እዚ ዝኾነሉ ምኽንያት ኣብ 2014 ኣዝዩ ውሑድ መራጺ ብምኽሳቱ እዩ ክትብል እታ ማዕከን ሓበሬት ወሲኻ ገሊጻ’ላ።

ከተማ Västerås ከባቢኣን ብሄሊኮፕተራት እተሰነዩ ብዝሒ ዘለዎም ሓለዋ ፖሊስ ተዋፊሮም ከም ዘለዉ ተገሊጹ። ብመሰረት ተሌቪዥን ሽወደን ፖሊስ ነዚ ሓበሬታ ልክዕ ምዃኑ እኳ እንተረጋገጹ እንታይ ዘለ መስርሕ ይካየድ ምህላዉ ግና ናብ ዝርዝር ክኣትዉ ፍቓደኛታት ኣይኮኑን። “ሓደ ሸቶ ዘለዎ ዓብዪ ስርሒት መርመራ ዝካየድ ዘሎ’ዩ ዝመስል” ድሕሪ ምባል ፖሊስ ስርሖም ድሕሪ ምውዳኦም ምሉእ ሓበሬታ ክህቡ ምዃኖም ገሊጹ’ሎ። ድሒሩ ዝመጸና ዜና ከምዝሕብሮ ፖሊስ ከባቢ …