ዜና ቀዳመ ሰንበት

ሩስያ ትሕተ-ቕርጺን ሞራልን ህዝቢ ዩክሬይን ንምስባር፡ ተወሳኺ ናይ ድሮን መጥቃዕቲ ንምክያድ ውጥን ከም ዘለዋ ፕረሲደንት ዩክሬይን ቮሎድሚር ዘለንስኪ ገሊጹ። ሩስያ ነዚ መጥቃዕቲ ፍርያት ኢራን ብዝኾና ድሮናት “ሸሀድ” ከተካይዶ ትዳሎ ምህላዋ ስለያዊ ሓበሬታ ምርካቡ ዝለንስኪ ወሲኹ ሓቢሩ’ሎ። ሩስያ በዚ ናይ ድሮን መጥቃዕቲ ኣቢላ ን ዩክሬይን ንምድቓቕ ወጢና ምህላዋ ዘለንስኪ ኣተሓሳሲቡ። ዩክሬይን ኣብ ዞባ ዶንባስ ኣብ ልዕሊ ወተሃደራት ሩስያ መጥቃዕቲ ብምፍናው ኣማኢት …

ኣብ ኖርወይ፡ ኣብዚ ሓድሽ ዓመት ምንቊልቋል ቊጠባ ከጋጥም ከም ዝኽእል፡ እንተኾነ ግና እዚ ዝኽሰት ድሕሪ ሓያል ዕቤት ብምዃኑ ስምብራቱ ክንድቲ ዘስግእ ከም ዘይከውን፡ ኣብ ባንክ DNB ዋና ክኢላ ስነቚጠባ ሸርስቲ ሆግላንድ ገሊጻ። ኣብ መዓልቲ ሓድሽ ዓመት፡ ኣህጒራዊ ማዕከን ገንዘብ (IMF) ኣብ ፍርቂ ኣውሮጳዊ ሕብረት ምንቊልቋል ቊጠባ ከጋጥም ከም ዝኽእል መጠንቀቕታ ምውጽኡ ዝፍለጥ እዩ። እዚ ኣብ ሲሶ ካብ ቊጠባ ዓለምና ዘጋጥም …

ኣብ ዝሓለፋ ክልተ ዓመታት፡ ኣብ ሽወደን ኣብ ነፍሲ ወከፍ ወርሒ ኣስታት 4000 ዝኾኑ ሰባት ፍቓድ ስራሕ ይሓቱ ምንባሮም ተገሊጹ። እዚ ኣሃዝ ካብቲ ዝጸንሐ ብዕጽፊ ዝዛይድ እዩ። ፍርቂ ናይዚ መመልከቲ ስራሕ ልዑል ሞያ ኮይኑ ፡ ኣስታት 70% ኲሉ ናይ ስራሕ መመልከቲ ተቐባልነት ከም ዝረክብ ሬድዮ ሽወደን ገሊጻ’ላ። “ዝተፈላለየ ባህልታትን ሃገራትን ክርኢ እደሊ እየ፥ ስድራይ’ውን ሕራይ ኢሎምኒ ኣለዉ” ክትብል ናብ ሽወደን ዓሚ …

ሎሚ ንግሆ፡ ኣብ ስቶክሆልም ኣብ መእተዊ ብሎክ ግርምስታን ኣጋርሞሰን ክልተ ምፍንጃራት ከም ዘጋጠመ ተገሊጹ። በዚ ምፍንጃር ዝተጎድአ ሰብ ብዛዕባ ምህላዉ እተፈልጠ ነገር የለን። እንተኾነ ግና ህንጻ ግሪስምስታ ዘይነዓቕ ዕንወት ወሪድዎ’ሎ። ምስዚ ምፍንጃር ብዝተተሓሓዝ፡ ሓሙሽተ ሰባት ኣብ ትሕቲ ቊጽጽር ክኣትዉ እንከለዉ፡ ፖሊስ ነዚ ምፍንጃር ኣብ ዋዜማ ሓድሽ ዓመት ኣብ ቫሊንቢ ምስ ዘጋጠመን ህይወት ዝቐዘፈን ናይ ብረት መጥቃዕቲ ርክብ ኣለዎ እንተኾይኑ ንምምርማር …

ሓሙሽተ ቆልዑ ዝርከብዎም ዓሰርተ ሰባት፡ ብምኽንያት ጽንብል ሓድሽ ዓመት ብዝተተኮሰ ርችት ናይ ዓይኒ መጒዳእቲ በጺሕዎም። ሰለስተ ካብዚኣቶም ክብድ ዝበለ ማህሰይቲ ክወርዶም እንከሎ፡ ብሰንኪዚ ናይ ምርኣይ ዓቕሞም ብዘይንዓቕ መጠን ክጎድል ከም ዝኽእል፡ እቶም ዝተረፉ ግና መጠነኛ ጒድኣት ጥራይ ከም ዝበጽሖም ነባር ክሊኒክ በርገን ገሊጹ’ሎ። ክልተ ካብዞም ኣርባዕተ ተጎዳኣቲ፡ ኣብ ጎደና ኮይኖም ርችት ክትኮስ ይዕዘቡ ምንባሮም፡ እንተኾነ ግና ናይ መከላኸሊ መነጽር ወድዮም …

ኣብ ዝሓለፈ 5 ዓመታት ፍረድሪክ ዮሃንሰንን ውድቡ “ጽሩይ ቀላይ ሬና ማላረን” ብጠቕላላ 278 ቶን ማለት (2780 ኲንታል) ጎሓፍ ካብ መዓሙቕ ቀላይ ከም ዘጽረዩ ተገሊጹ። “ሬና ማላረን” ከተማ ስቶክሆልም እተደኮነትሉ ቀላይ እዩ።  ካብቲ ዝወጸ ጎሓፍ ብኤለትሪክ ዝሰርሓ ትጒቱግ፡ 320 ኲንታል ባተሪ ጀላቡን ከም ዝርከቦ እቲ ውድብ ሓቢሩ’ሎ። ሽወደን ብማይ ዝመጸ ኣያ ዝተዓደለት ሃገር እያ፡ እንተኾነ ግና እዚ ማያት ክንክን የድልዮ እዩ …

ናይ ምስማዕ ጸገም ዘለዎም ህጻናት ሽወደን፡ ወለዶም ናይ ብ “ስርዓተ ክንክን ጥዕና” ናይ 240 ሰዓታት ትምህርቲ “ቋንቋ ምልክት” ክወስዱ ከም እተገብረ ተገሊጹ። እንተኾነ ግና፡ ኤጀንሲ ፍሉያት ጠለባት ትምህርቲ እዚ ኣዂል ኣይኮነን፡ ወለዲ ዝያዳ ሰዓታት ትምህርቲ “ቋንቋ ምልክት” የድልዮም እዩ ክብል ኣተሓሳሲቡ’ሎ። ኣብ ኖርወይ፡ ወለዲ ክሳብ 1600 ሰዓታት ዝኸውን ትምህርቲ “ቋንቋ ምልክት” ከም ዝወስዱ እቲ ኤጀንሲ ከም ኣብነት ብምጥቃስ፡ ኣብ ሽወደን …

ካብ ባሕቲ ጥሪ እዚ ዓመት ኣትሒዙ፡ ኣብ ሽወደን ብርክት ዝበሉ ሓደስቲ ሕጊታት፡ እንተላይ ለውጢታት ቀረጽ ናብ ትግባረ ከም ዝውዕሉ ተገሊጹ። ገለ ካብዚ ለውጢታት፡ ኣብ ስራሕ ዘለዉ ሰባት ክሳብ 69 ዝመልኡ ምስራሕ ክቕጽሉ ክፍቀደሎም ምዃኑ፡ ከምኡ’ውን ኣብ 2008ን ድሕሪኡን ዝተወልዳ ደማሙ ወነንተን ኣብ ቦርድ ሕርሻ ሽወደን ከመዝግብወን ዝብል እዩ። “ብዙሓት ወንነቲ ዘይብለን ፋሉላት ደማሙ ክህልዋና ኣይንደልን ኢና” ክትብል ኣብ ቦርድ ምምሕዳር …

ኣብ ዝሓለፈ ዓመት፡ ኣገልግሎት ማእሰርቲን ኣመክሮን ን ትሕቲ ዕድመ ገበነኝታት ካብቲ ብሕጊ ዝግብኦም ሰዓታት ንላዕሊ ተኣሲሮም ክጸንሑ ምግባሩ ሬድዮ ሽወደን ኣቃሊዓ። ካብ 15-17 ዝዕድሜኦም ኮተቴ፡ መዓልታዊ ክሳብ ኣርባዕተ ሰዓታት ምስ ካልእ ሰብ ክጸንሑ ዝድንግግ ሓድሽ ሕጊ፡ ዓሚ ኣብ ወርሒ ሓምለ ናብ ትግባረ ምውዓሉ ዝፍለጥ እዩ። “ሕጊታት ይጠሓስ ኣሎ” ክብል ኣካያዲ ኣገልግሎት ማእሰርቲን ኣመክሮን ዊልሀልም ግረቪክ ገሊጹ’ሎ።  

ከተማ ዮተበሪ ወጻኢታት ጸዓት ንምቚጣብ፡ መጠን ሙቐት ክላሳት ኣብያተ ትምህርቲ ከም ዝጎድል ክትገብር እያ ተባሂሉ። ፖለቲከኛታት ዮተበሪ ን ጋዜጣ “ዮተበርስ-ፖተን’ ኣብ ዝሃብዎ ሓበሬታ፡ ኣብ ምዕራባዊ ገማግም እታ ከተማ መጠን ሙቐት  ካላሳት ኣብ ዊንተር ክሳብ 18ºC ከም ዝጎድል ክግበር እዩ። ከተማ ዮተበሪ ተህልኾ መጠን ጸዓት ኤለትሪክ ብ 5% ከም ዝጎድል ንምግባር፡ ቦርድ ምምሕዳር እታ ከተማ ኣብ ዝሓለፈ ሰሙን ኣብ ውሳነ ከም …