ዜና

ኣብ ሆስፒታል ዩኒቨርስቲ ስኮና፡ ጨንፈር ምክልኻል ለበዳ ኮሮና፡ 33 ኣባላት፡ ብቫይረስ ኮሮና ከምዝተለኽፉ፡ ጋዜጣ ኣፍቶንብላደት ሓቢሩ። እዚ ማለት ድማ ኣስታት 10% ካብ ጠቕላላ ቁጽሪ ኣባላት እቲ ሆስፒታል ብቫይረስ ኮሮና ተለኺፎም ኣለዉ ማለት እዩ። ኣብቲ ጨንፈር ዝሰርሑ ኣባላት፡ መብዛሕትኦም ብቫይረስ ኮሮና ከምተለኽፉ፡ ኣብቲ ሆስፒታል፡ ሓላፊት ጉዳያት ተመሓላለፍቲ ሕማማት፡ ማርያ ዮዚፍሶን፡ ገሊጻ።

ጽምብል በዓል ልደትን ክሪስማስን ምስ ውሑዳትን ትፈልጥዎም ሰባትን ክተሕልፉ ይግባእ ዝበለ ኣማኻሪ ሽወደን ኣብ ጉዳያት ለበዳ፡ ኣንዲሽ ቲግኔል፡ ብፍላይ እቶም ብኮሮና ተለኺፎም ዝነበሩ ሰባት፡ ጸረ ኣካል ኣማዕቢልና ኢና ብምባል ምስ ዝደለይዎ ሰብ ክራኸቡ ከይፍትኑ ኣዘኻኺሩ። ጸረ ኣካል ዘማዕበለ ሰብ፡ ዝደለዩ ክገብር ይኽእል ማለት ኣይኮነን ክብል ቲግኔል ምስ ተሌቪዥን ሽወደን ኣብ ዝካየዶ ርክብ ገሊጹ። ኣብ ምጽንባል በዓል ልደትን ክሪስማስን፡ ሰባት፡ ብዝተኻእሎም …

ኣብ ኦፕሳላ፡ ክካየድ ዝጸንሐ መርመራታት ጸረ ኣካል፡ ንግዝይኡ ከቋርጾ ከምዝወሰነ፡ ምምሕዳር’ቲ ከባቢ ሓቢሩ ክብል SVT ኣመሓላሊፉ። እቶም መርመራ ጸረ ኣካል፡ ክገብሩ ዝመጹ ሰባት፡ ብኮሮና ምልካፎም ከይፈለጡ ናብቶም ሓካይም ስለዝቐርቡ እቶም ሓካይም ከምዝተለበዱ ሓላፊ በዓል መዚ ጥዕና ኦፕሳላ፡ ሚካኤል ኮህለር፡ ገሊጹ። መርመራታት ኮሮና ግን ክቕጽል ምዃኑ ተሓቢሩ።

ኣብ ሽወደን፡ መንበሪ ገዛ ክትገዝእ ኣብ ትሓስበሉ እዋን፡ ካብ ባንክ ኣባይቲ፡ ልቓሕ ንኽትረክብ ምእንቲ፡ ካብቲ ጠቕላላ መጠን ዋጋ፡ 15% ከም ትሕጃ ክትከፍል ይግባእ። መንእሰያት ሽወደን፡ ንመጠን ዋጋ ትሕጃ ክረኽቡ ይሽገሩ ስለዘለዉ፡ ነዘን 15% ብዝምልከት፡ ካብ መንግስቲ፡ ብመልክዕ ድሒሩ ዝኽፈል ሓገዝ ንኽረኽቡ ንዝቐረበ ሓሳብ፡ ብወገን መንግስቲ፡ መጽናዕቲ ክግበር ከምዝተጀመረ ተፈሊጡ። ውጽኢት ናይቲ መጽናዕቲ፡ ኣብ ወርሒ ሕዳር 2021 ክውዳእ ምዃኑ ዝፍለጥ ኮይኑ፡ …

ወጻኢ ጉዳያት ሽወደን፡ ናብ ኣየርላንድ፡ ላትቪያን ኢስቶንያን ንኽገሹ ዝሓስቡ ሽወደናውያን፡ ካብ ዕለት 3 ታሕሳስ 2020 ክሳብ 16 ታሕሳስ 2020 ኣብ ዘሎ ግዜ፡ ናብዘን ሃገራት ብዘይ ኣገዳሲ ምኽንያት ንኸይገሹ መኺሩ። እዚ ብመንገዲ ወጻኢ ጉዳያት ሽወደን ዝወጸ መምርሒ፡ ብሕጊ ዝግድድ ዘይኮነ፡ ምኽሪ ምኻኑ ዝሓበረ፡ እቲ ቤት ጽሕፈት፡ እቶም ነዚ ምኽሪ ዕሽሽ ኢሎም ዝገሹ ሰባት ግን ገለ ረብሓታት ብምስኣን ብኣሉታ ክጽለዉ ከምዝኽእሉ ገሊጹ። …

ኩለን ኣብ ሽወደን ዝርከባ፡ ካልኣይ ደረጃ ቤት ትምህርታት፡ ነዚ ኣጋጢሙ ዘሎ ምስፍሕፋሕ ለበዳ ኮሮና ንምግታእ፡ ካብ ዕለት 7 ታሕሳስ 2020 ክሳብ 6 ጥሪ 2021 ኣብ ዘሎ ግዜ፡ ናይ ርሕቀት ኣገባብ ኣመሃህራ ንኽጥቀማ፡ ቀዳማይ ሚኒስተር ሽወደን፡ ስቴፋን ሎቪን፡ ሎሚ ኣብ ዘካየዶ ጋዜጣዊ መግለጺ ሓቢሩ። ኣብቲ ጋዜጣዊ ዋዕላ፡ ሚኒስተር ትምህርቲ ሽወደን፡ ኣና ኢርክስትሮምን ሓላፊ በዓል መዚ ህዝባዊ ጥዕና ሽወደን፡ ዮሃን ካርልሰን ከምተረኽቡ …

ኣብ ደቡባዊ ምዕራብ ጀርመን እትርከብ ከተማ ትሪር፡ ኣብ ኣጋር ዝንቀሳቐስሉ ቦታ፡ ብመኪና ምርጋጽ ዝተኻየደ ፍጻሜ፡ ክልተ ሰባት ክሞቱ እንከለዉ ብዙሓት ድማ ከምዝቖሰሉ ካብቲ ቦታ ዝመጸ ጸብጻብ ሓቢሩ። ፖሊስ፡ ነቶም ኣብቲ ከባቢ ዝነበሩ ሰባት፡ ካብቲ ቦታ ንኽእለዩ ከምዝሓበረ፡ ወሃቢ ቃል ፖሊስ፡ ገሊጹ። እቲ ፍጻሜ፡ ድሕሪ ሰዓታት ፍርቂ መዓልቲ ከምዝተፈጸመ ድማ ሓቢሩ። ብዛዕባ እቲ ፍጻሜ፡ ፖሊስ፡ ተወሳኺ ሓበሬታ ኣይሃበን።

ካልኣይ ማዕበል ምስፍሕፋሕ ኮሮና፡ ኣብ ወርሒ ጥቅምቲ፡ ካብ ዝጅምር ኣትሒዙ፡ ንመጀምርታ ግዜ ኣብ ዝሓለፈ ሰሙን፡ ቁጽሪ መልከፍቲ ኮሮና ከምዝጎደለ ተሓቢሩ። ኣብ ዝሓለፈ ሰሙን ጥራይ፡ ቁጽሪ ናይቶም ብኮሮና ቫይረስ ዝተለኽፉ ሰባት 4364 ከምዝኾነን ምስ ናይ ቅድሚኡ ዝነበረ ሰሙን ክነጻጸር እንከሎ፡ ብ224 ከምዝውሕድ ጸብጻባት ሓቢሮም። እዚ ከምዚ ኢሉ እንከሎ፡ ኣብ ኣሃዱ ጥዕና ዝረአ ዘሎ ጸቕጢ ጌና ከምዘይፈኾሰ፡ ኣብቲ ምምሕዳር ትሕተም ጋዜጣ ሓቢራ። …