ዜና

ኣብ ኦስተርሱንድ እትርከቡ ተቐማጦ፡ ንማይ ቡምባ ቅድሚ ምስታይኩም ይኹን ወይ ኣብ ምግቢ ቅድሚ ምዝውታርኩም ኣፍልሑዎ። ነዚ መምርሕዚ ኪኽተሉ ዘለዎም እቶም ምስ ኦስተርሱንድ ምትእስሳር ዘለዎም ኮሙናት፥ ፍረሾን ናይ ብሩንፍሎ ከተማታትን፡ ሉንቪክ፡ ቢስኩገንን፡ ሶንግሁስቫለን ከምኡውን ኣነርስያ ካብ ቫልሱንድስብሩን ክሳብ ኦርቪከን። እቲ ተጠርሪሩ ዘሎ ማይ፡ ናይ ኢ-ኮሊ ባክተርያ ኣለዎ እዩ ዚብሃል ዘሎ። www.ostersund.se ምስ እትኸፍቱ፡ እዋናዊ ሓበሬታ ክትረኽቡ ትኽእሉ።

ኣብ ሽወደን ሓድ ካብ ሚእቲ እዮም ብድኽነት ዚነብሩ – እዚ ድማ ኣብ ኤውሮጳ ዝተሓተ እዩ። ኣብ 2017 ኣብ ሽወደን 1.1 ሚእታዊት ተቐማጦ ኣብ ድኽነት ይነብሩ ነይሮም፡ ማለት 100 000 ሰባት። እዚ ምስ ናይ ኤውሮጳ ኪወዳደር ከሎ ኣብ ኤውሮጳ ብገምጋም 7 ሚእታዊት፡ ኣብ ቡልጋርያ፡ እታ ዝበዝሐ ቍጽሪ ድኻታት ዘለዋ፡ 30 ሚእታዊት እዩ። ኣብ ሽወደን እቲ ቍጽሪ ከይተለወጠ ጸኒሑ፡ ደሓር ግን ካብ …

ኣብ ኤውሮጳ ሓያል ዝናምን ጸፍዕን ዕንወት ኣስዒቡ። ኣብ ደቡብ ምዕራብ ፈረንሳ ብዝናብን ጸፍዕን ብውሑዱ 13 ሰባት ሞይቶም። ብመሰረት ዞባዊ ጸብጻብ፡ ኣብ መንጎ ሰንበትን ሰኑይን ኣብ ዝነበራ ገለ ሰዓታት ምስ ናይ ክልተ ኣዋርሕ ዝናም ዚመጣጠን ዝናም ኣብቲ ቦታ ዘኒቡ። እቲ ውሕጅ ንማኪናታት ገላቢጡወን፡ ነህንጻታት ድማ ኣፍሪሱ። ናይ ድሕነት ሄሊኮፕተራት ብሰንኪ እቲ ጸፍዒ ኪሰርሓ ኣይከኣላን። – ገለ ሰባት ኣብ ገዛውቶም እተዓብጡ ኣለዉ። …

ብጸጋምካ ተጎዓዝ፡ ብየማንካ ድማ ብሽግለታ ዘውር! ከምዚ ዝበለ ንጹር መምርሒ ኣብቲ መገዲ ስርዓት ከም ዚሰፍን ኪገብር እዩ። ቅድሚ ሕጂ ኣብቲ ሰብን ብሺግለታን ዚጎዓዙሉ መገዲ መን በየናይ ኪኸይድ ከም ዘለዎ ንጹር ኣይነበረን። ካብ 15 ጥቅምቲ ጀሚሩ እዚ መምርሕዚ ኣብ ሕጊ ትራፊክ ኪኣቱ እዩ። ብጸጋምካ ተጎዓዝ፡ ብየማንካ ድማ ብሽግለታ ዘውር! በዓል ሽግለታ ዝኾነ ሊን ፐተርሶን ግን ነዚ ሓድሽ መምርሒ ከም ኣድማዒ ገይሩ …

እቶም ኣብ ደቡብ ምዕራብ ናይጀርያ በቲ ምፍንጃር ቱቦ ነዳዲ ዝሞቱ ሰባት ቍጽሮም ክሳዕ 150 ደዪቡ ኣሎ። ሓደ ካብቲ ጠንቂ፡ ነቲ ነዳዲ ንምውሳድ ብዚግበር ዘይሕጋዊ ተግባራት እዩ። ነዚ ካብቲ ቱቦ ዚነዝዕ ነዳዲ ወሲዶም ኪሸጡ ዚደልዩ ብዙሓት እዮም። ኣብዚ ተግባርዚ እቲ ቱቦ ብዘይተፈልጠ ምኽንያት ኪፍንጀር ክኢሉ። መጀመርያ 19 ሰባት ከም ዝሞቱ ተነጊሩ፡ ብድሕርዚ ድሕሪ ሰለስተ መዓልታት እቲ ቍጽሪ ግዳያት ሞት ክሳዕ 150 …

ናይ ማሕበር ሰራሕተኛታት ኣቦመንበር ካርል ፐተር ቶርቫልድሶን፡ እቲ ስተፋን ሎፍቨን ምስ ሰንተርን ሊበራልን ኮይኑ ዚምስርቶ መንግስቲ ነቲ ናይ ማሕበር ሰራሕተኛታት LO ሕጊ ከየበላሽዎ ይሰግእ። – ብዛዕባቲ ሕቲ ንምዝታይ ኣይጸልእን ግን ብሓደ ወገን ጥራይ ዚግበር ለውጢ ነቲ ሕጊ ከበላሽዎ ይኽእል እዩ። – ነቲ ጠለባት ቁጠባዊ ህይወት ሽወደን ከም ዚዓግብ ምግባርን ነቲ ዚወርድን ዚድይብን ናይ ኣቕሓ ይኹን ናይ ኣገልግሎት ፍርያት ንምምሕዳር ጽቡቕ …

ኣባላት ፖሊስ ቱርኪ ሎሚ ለይቲ ኣብቲ ናይ ስዑዲ ቆንስል ቤትጽሕፈት ብምእታው ገለ ንመርትዖ ዘገልግል ነገራት ወሲዶም። ብመሰረት CNN    ዚብሃል ማዕከን ዜና ኣመሪካ፡ ስዑዲ ዓረብ ነቲ ቅትለት ካሾጊ ክትእመኖ ዝደለየት ትመስል ይብል፡ ነቲ ቅትለት ድማ ከም ኣብ መርመራ እተፈጸመ ጌጋ እዩ ትብሎ።T ናይ ኣመሪካ ፕረሲደንት ዶናልድ ትራምፕ እውን ነዚ ስዑዲ እትብሎ ዘላ መግለጺ ብምድጋፍ፡ እቲ ንጉስ ምስቲ ቅትለት ምንም ምትእስሳር ከም …

መራሒ ሞደራተርና፡ ኡልፍ ክሪስተርሶን ብሞደራት ዚምራሕ ወይ ድማ ብልፍንቲ ሞደራትን ክሪስትያን ደሞክራስን KD ዚምራሕ መንግስቲ ከቕውም ድሉው እዩ። ማእከላይ ሰልፊ ነቲ መራሒ ሞደራተርና ነቲ መደቡ ወግዓዊ ብምግባሩ ይነቕፎ። ሽወደናዊ ደሞክራሳውያን SD ነቲ ናይ ክሪስተርሶን ትልሚ ደው ከብሉዎ ይደልዩ። ”ንሕና ምንም ጽልዋ ከም ዘይብልና ብግልጺ ዚዛረብ መንግስቲ ዕድል ክንህቦ ኣይንደልን” ይብል ጂሚ ኦከንሶን ናይቲ SD መራሒ። “ምንም ናይ SD ጽልዋ” እቲ …

ስድራቤት ዝኣኻኽብ መሰል ብ2016 ተደሪቱ። ብዙሓት ቤተሰቦም ከይርኣዩ ሰለስተ ዓመታት ተጸቢዮም። ሕጂ ናይቲ ሕጊ ሳዕቤን ይረአ ኣሎ። ሓድሽ ጸብጻብና፡ ናይቶም ግዳያት ሓፈሻዊ ጭንቀት ኣእምሮ የርኢ። ቀዪሕ መስቀል፡ እቲ ሕጊ ኣብ ግብሪ ምስ ወዓለ ድሕሪ ክልተ ዓመታት ምርመራ ኣካዪዱ። ነዚ ድማ ብመገዲ’ቲ እተዋህበ ብዪን፡ ብመገዲ ምስ ግዳያትን ምስ ተወከልቲ ኣብያተጽሕፈት እተገብረ ቃለምልልስ፡ ብፍላይ ድማ ምስ ሚግረሽን፡ ኣካዪድናዮ። ብተወሳኺ እቲ ጸብጻብ፡ ነቲ …

ዝኸበርካ ኣቦይ ዓዲ ከመይ ኣሎ፡ ዝዓበየን ዝነኣሰን? ኣቦ፡ ከምቲ ኣቐዲመ ዝነገርኩኻ፡ እዛ ዘለኹዋ ገዛ ናይ ሰላም ገዛ ክትኮነለይ እምነ፡ ከመይሲ እቶም ናይቲ ገዛ ብጾተይ ዘይኮኑስ፡ እቶም ኪበጽሑ ዝመጹ እዮም ገዲዶምኒ ዘለዉ። ቀዳመሰንበት፡ ነቲ ናይጀርያዊ ኪበጽሕ ዚመጽእ መንእሰይ ኣሎ። ባዕሉ ናይጀርያዊ እዩ፡ ናይ ጥንቆላ ነገራት ድማ ይፈቱ። ሚግረሽን ጌና ስለ ዘይተቐበሉዎ፡ ናብ ዓዱ ደብዳበ ብምጽሓፍ፡ ጸላም ደርሆ ሓሪዶም ኣብቲ ኣፍደገ ገዝኡ …